पपुवा न्यु गिनी ११४ रनमै अलआउट, सन्दिप र दिपेन्द्रको उत्कृस्ट बलिंग

Nepal Cricket Team


आईसीसी बिश्वकप छनौट अन्तर्गत प्लेअफको महत्वपूर्ण खेलमा पपुवा न्यु गिनीसंग प्रतिस्पर्धा गरिरहेको नेपालले शानदार प्रदर्शन गरिरहेको छ। टस जितेर हरारेमा पहिले फिल्डिंग रोजेको नेपालले पपुवा न्यु गिनीलाई ११४ रनमै अलआउट गरेको हो।

नेपालको लागि पहिलो विकेट सोमपाल कामिले तेश्रो ओभरमा कप्तान असद भालालाई १० रनमा एलबिडब्लु आउट गर्दै दिलाएका थिए। त्यसपछि आठौँ ओभरमा करन केसीले टिपी उरालाई ( ११ रन ) विकेटकिपर अनिल साहको हातमा क्याच थमाएका थिए।

२९/२ को अवस्थामा रहेको पपुवा न्यु गिनीले पुनः सम्हालिने प्रयास गर्दा सन्दिप लामिछानेले १३ औं ओभरमा चाड सोपरलाई १० रनको व्यक्तिगत स्कोरमा एलबिडब्लु गर्दै ५४/३ को अवस्थामा पुर्याए। त्यसपछि पनि सन्दिप रोकिएनन् र ११ रन बनाएका सेसे बाउलाई बोल्ड गर्दै चौथो सफलता दिलाए।

Sandeep Lamichhane
सन्दिप लामिछानेले ४ विकेट लिए

त्यसलगतै सन्दिपले महुरु दाईलाई पनि ५ रनको स्कोरमा क्याच आउट गराउदा पपुवा न्यु गिनी १६.१ ओभरमा ६३/५ को नाजुक अवस्थामा पुगेको थियो।  त्यसपछि पनि विकेट जाने शिलशिला थामिएन र दिपेन्द्र ऐरीले लगातार ४ विकेट लिंदै न्यु गिनीलाई लज्जास्पद स्कोरमा अलआउट गर्न महत्वपूर्ण भूमिका खेले।

दिपेन्द्रले ४.४ ओभरमा मात्र १४ रन दिएर ४ विकेट लिंदा न्यु गिनीको तल्लो क्रमलाई ध्वस्त पारे। सन्दिप लामिछानेले ८ ओभर बलिंग गर्दै ४ विकेट लिन २९ रन मात्र खर्चिए। सोमपालले ६ ओभरमा १८ रन तथा करनले ५ ओभरमा २४ रन खर्चेर १/१ विकेट लिए।

पपुवा न्यु गिनीको लागि चार्ल्स अमिनीले सर्वाधिक १९ रन तथा जे किलाले १५ रन योगदान दिए।

पपुवा न्यु गिनीसंग, जित्दा के हार्दा के ?

प्रतियोगितामा उत्कृस्ट ३ एसोसिएट रास्ट्रलाई ४ बर्षको लागि अस्थाई एकदिवसीय राष्ट्रको मान्यता दिने अन्तर्राष्ट्रिय क्रिकेट परिषद आईसीसीले घोषणा गरेको हुँदा अब सुपर सिक्स पुग्न असफल रास्ट्रहरु नेपाल, हंगकंग र पपुवा न्यु गिनीको लक्ष्य एकदिवसीय रास्ट्रको मान्यता पाउने रहेको छ। प्रतियोगिताको समुह ‘ए’ बाट युएईले तथा समुह ‘बि’ बाट स्कटल्याण्डले एकदिवसीय मान्यता पाउने निश्चित भएको छ। अब एकदिवसीय मान्यता पाउन एउटा मात्र देशको निर्क्योल हुन बाँकी छ। नेपाल, पपुवा न्यु गिनी र हंगकंग मध्ये उत्कृस्ट हुने १ टिमले एकदिवसीय मान्यता पाउनेछ।

जित्दा के हार्दा के ?

१. समुह ‘बि’ को चौथो स्थानमा रहेकोले अब नेपालले प्लेअफमा समुह ‘ए’ को अन्तिम टिम पपुवा न्यु गिनीको सामना गर्दैछ र नेपालले पपुवा न्यु गिनीलाई पराजित गर्नेपर्नेछ। पपुवा न्यु गिनीलाई पराजित गरेपछि नेपालले सातौँ स्थानको लागि प्रतिस्पर्धा गर्न पाउनेछ। हंगकंग र नेदरल्याण्ड बीच आजै प्ले-अफको अर्को खेल हुनेछ जसमा यदी हंगकंग पराजित भए र नेपालले पपुवा न्यु गिनीलाई पराजित गरेको खण्डमा नेपालले सातौँ स्थानको खेल नखेली एकदिवसीय रास्ट्रको मान्यता पाउनेछ। किनकि सातौं स्थानको लागि नेदरल्याण्डसंगको खेल हुनेछ र नेदरल्याण्डले एकदिवसीय मान्यता पाइसकेकोले नतिजा जे भए पनि नेपालले एकदिवसीय मान्यता पाउनेछ।

२. यदी नेपालले पपुवा न्यु गिनीलाई पराजित गर्यो र उता हंगकंगले पनि नेदरल्याण्डलाई पराजित गर्यो भने नेपाल र हंगकंग बीच सातौँ स्थानको लागि खेल हुनेछ जुन खेलको बिजेताले एकदिवसीय मान्यता पाउनेछ।

३. यदी नेपालले पपुवा न्यु गिनीसंगको प्ले-अफ खेल हारेमा नेपालले एकदिवसीय मान्यता पाउने बाटो बन्द हुनेछ। नेपाल हारे पपुवा न्यु गिनीले सातौ स्थानको लागि नेदरल्याण्ड र हंगकंगसंगको बिजेता टिमसंग खेल्नेछ। नेदरल्याण्डले हंगकंगलाई पराजित गर्ने र नेपालले पपुवा न्यु गिनीसंग हारे पपुवा न्यु गिनीले एकदिवसीय मान्यता पाउनेछ।

एकदिवसीय मान्यता पाए के हुन्छ ?

१. एकदिवसीय मान्यता पाउनु भनेको नेपालको लागि निकै ठुलो फड्को हुनेछ। अन्तर्राष्ट्रिय क्रिकेट परिषदले टिमलाई छुट्याउने बजेट ठुलो हुनेछ ( बार्षिक ७-८ करोड ) जसले स्तरीय प्रशिक्षक, अभ्यास भ्रमणहरु, खेलाडीको भत्ता, सुबिधा, नियमित प्रशिक्षणको लागि नेपाललाई आर्थिक सहजता हुनेछ।

२. प्रतियोगिताहरु निकै कम खेल्न पाउने नेपालले नियमित रुपमा ठुला प्रतियोगिताहरु बिश्व क्रिकेट लिग च्याम्पियनसिप, इन्टर कन्टिनेन्टल कप जस्ता प्रतियोगिताहरु खेल्न पाउनेछ। साथै एसिया कप जस्तो ठुलो प्रतियोगितामा समेत नेपालको सहभागिता सहज हुन सक्छ जहाँ भारत, पाकिस्तान, श्रीलंका, बंगलादेश, अफगानिस्तान जस्ता टेस्ट रास्ट्रहरु खेल्छन्।

३. यस्तै नेपालले खेलेको खेलले एकदिवसीय मान्यता पाउनेला आईसीसीको वरियतामा नेपाली टिम उभिनेछ।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]