एसिया कप छनौट खेल्ने नेपाली टोलीको घोषणा, सागर र बिनोद अन्तिम १५ मा

Sagar Pun, Binod Bhandari


  • विकेटनेपाल – २ भाद्र, शनिवार 

मलेसियामा अगस्ट २९ देखि आयोजना हुने एसिया कप छनौट प्रतियोगिता खेल्ने नेपाली टोलि सार्वजनिक भएको छ। १५ सदस्यीय नेपाली टोलीमा बिनोद भण्डारी र सागर पुनले पुनरागमन गरेका छन्।

पारस खड्काको कप्तानीमा रहेको टोलीका अन्य सदस्यहरुमा ज्ञानेन्द्र मल्ल, अनिल साह, बसन्त रेग्मी, बिनोद भण्डारी, दिपेन्द्र सिंह ऐरी, करन केसी, ललित भण्डारी, ललित राजबंशी, आरिफ शेख, रोहित पौडेल, सागर पुन, सन्दिप लामिछाने, सोमपाल कामी र सुबाश खकुरेल  रहेका छन्। टोलि छनौटको काम कप्तान पारस खड्का र मुख्य प्रशिक्षकजगत टमाटाले गरेका हुन्। यसअघि नेदरल्याण्डस बिरुद्धको एक दिवसीय शृंखलाका लागि टोलीमा रहेका शक्ति गौचन र शरद भेसावकर एसिया कप छनौटको स्क्वाडबाट बाहिरिएका छन्। शक्तिले नेपाली राष्ट्रिय टोलीबाट सन्यासको घोषणा गरेका थिए भने डच् टोलि बिरुद्धको पहिलो खेलमा चोटिल भएका शरद भेष्वाकरलाई पूर्ण रुपमा ठिक हुन अझ ३ हप्ता लाग्ने नेपाली टोलीका व्यवस्थापक रमन शिवाकोटीले जनाएका छन्।

नेपाली टोलीको बैकल्पिक सूचीमा भने किशोर महतो, प्रदिप ऐरी, सुनिल धमला र सुशन भारि रहेका छन्। एसिया कप छनौटको तयारीका लागि नेपाली टोली अगष्ट २० तारिकमा श्रीलंका प्रस्थान गर्ने छ। श्रीलंकामा रहंदा नेपालले अगष्ट २२ मा आर्मी क्रिकेट टिम, अगष्ट २४ मा ब्लुमफिल्ड र अगष्ट २६ मा कोल्ट्स बिरुद्ध अभ्यास खेल खेल्ने तालिका रहेको छ।

Apurva Desai - Sompal Kami
Apurva Desai – Sompal Kami

अगस्ट २९ देखि सेप्टेम्बर ६ तारिकसम्म आयोजना हुने एसिया कप छनौट प्रतियोगिताको बिजेता टिम एसियाली टेस्ट राष्ट्रहरुले खेल्ने एसिया कप खेल्न छनौट हुनेछ भने डिसेम्बरमा आयोजना हुने इमर्जिङ्ग टिम्स एसिया कपमा समेत स्वतः छनौट हुनेछ। युएईमा १५ देखि २८ सेप्टेम्बरसम्म आयोजना हुने एसिया कपमा भारत, पाकिस्तान, श्रीलंका, बंगलादेश र अफगानिस्तान खेल्नेछन् र बाँकी १ राष्ट्रको निर्क्योल एसिया कप छनौट पछि हुनेछ।

एसिया कपमा नेपालको खेल तालिका :- २९ अगस्ट – नेपाल Vs ओमान ( बायुमास ओभल मैदान ) , ३० अगस्ट – नेपाल Vs युएई ( किनरारा ओभल मैदान ) , १ सेप्टेम्बर – नेपाल Vs मलेसिया ( बायुमास ओभल मैदान ) , २ सेप्टेम्बर – नेपाल Vs सिंगापुर ( युकेएम ओभल मैदान ) , ४ सेप्टेम्बर – नेपाल Vs हंगकंग ( युकेएम ओभल मैदान ) , ६ सेप्टेम्बर – फाईनल ( किनरारा ओभल मैदान )





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]