गप्टिल र च्यापम्यानको अर्धशतक, न्युजिल्यान्डद्वारा भारतलाई १६५ रनको लक्ष्य



न्युजिल्यान्डको भारत भ्रमण अन्तर्गत तिन वटा टि-ट्वान्टी अन्तर्राष्ट्रियको सिरिजको पहिलो खेलमा टस हारेर ब्याटिंग गरेको न्युजिल्यान्डले भारतलाई १६५ रनको लक्ष्य प्रस्तुत गरेको छ।

न्युजिल्यान्डको ब्याटिंगमा ओपनर मार्टिन गप्टिलले सर्वाधिक ७० रन बनाए जुन क्रममा ४२ बलमा ३ चौका र ४ छक्का प्रहार गरे। यस्तै मार्क च्यापम्यानले ५० बलमा ६ चौका र २ छक्का मद्दतले ६३ रन बनाए। टिम सेफर्टले १२ रन बनाए।

ओपनर डेरेल मिचेल खाता नखोली पहिलो ओभरमा भुवनेश्वर कुमारबाट बोल्ड भएपछि दोश्रो विकेटको लागि गप्टिलले मार्क च्यापम्यानसंग शतकीय साझेदारी गरे। १०९ रनको साझेदारी चौधौं ओभरमा रभीचन्द्रन आश्विनले च्यापम्यानलाई बोल्ड गर्दै तोडे। सोहि ओभरमा ग्लेन फिलिप्सलाई आश्विनले खाता नखोली एलबिडब्लु पारे। चौंथो विकेटको लागि गप्टिलले टिम सेफर्टसंग ४० रन जोडे। गप्टिललाई अठारौं ओभरमा दिपक चाहरले क्याच आउट पारे। लगत्तै ओभरमा सेफर्टलाई भुवनेश्वरले क्याच आउट पारे। अन्तिम ५ ओभरमा न्युजिल्यान्डले ३ विकेट गुमाएर ४१ रन बनायो।

भारतको बलिंगमा भुवनेश्वर कुमार ( ४-०-२४-२ ) र रभीचन्द्रन आश्विनले २ विकेट ( ४-०-२३-२ ) हात पारे। दिपक चाहर ( ४-०-४२-१ ) र मोहम्मद सिराज ( ४-०-३९-१ ) ले समान १ विकेट लिए।

भारतीय टिम पहिलो पटक राहुल द्रविडको प्रशिक्षणमा खेलीरहेको छ भने टिमको नेतृत्व रोहित शर्माले गरिरहेका छन्। भारत भ्रमण अन्तर्गत न्युजिल्यान्डले तिन वटा टि-ट्वान्टी अन्तर्राष्ट्रिय पछि दुई वटा टेस्टको सिरिज खेल्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]