मुख्यमन्त्री कप: पुरुष क्रिकेटको उपाधी प्रदेश २ लाई



  • विकेटनेपाल, चैत्र ३ – आइतबार

धनगढीमा जारि प्रथम मुख्यमन्त्री कप अन्तर प्रदेश खेलकुद प्रतियोगिता अन्तर्गत पुरुष क्रिकेटको उपाधी प्रदेश २ ले जितेको छ। उसले प्रदेश ४ लाई ८ विकेटले पराजित गर्यो। ।। स्कोरकार्ड ।।

धनगढी स्थित फाप्ला क्रिकेट मैदानमा भएको फाइनल खेलमा गण्डकी प्रदेश (प्रदेश ४) ले दिएको ९१ रनको विजय लक्ष्य लिएर मैदानमा उत्रिएको प्रदेश २ ले १५.३ ओभरमा मात्र २ विकेट गुमाएर लक्ष्य हासिल गर्यो।

प्रदेश २ लाई जिताउन ब्याटिंग तर्फ ओपनर हरिशंकर शाहले २१ रन तथा सुधिर चौधरीले ३४ रन बनाउंदै पहिलो विकेटको लागि ५६ रनको साझेदारी गरे। हरिशंकर शाह २४ बलमा २ चौका प्रहार गर्दै किशोर महतोको बलमा आउट भएका थिए।

दोश्रो विकेटको लागि सुधिर चौधरीले आउट हुनुअघि बिशाल सुलिंगसँग ३३ रनको साझेदारी गरे। चौधरीले ३९ बलको सामना गर्दा १ चौका र ३ छक्का हाने। ८९ रनको योगफलमा दोश्रो विकेट गुमेपछि बिशाल सुलिंग र कप्तान हसिम अन्सारीले अविजित ५ रनको साझेदारी गरे। सुलिंगले २४ बलमा ४ चौकाको मद्दतमा अविजित २६ रन बनाउँदा कप्तान अन्सारीले ६ बलमा १ चौका सहित ५ रन बनाए।

बलिंगतर्फ प्रदेश ४ का किशोर महतोले ४ ओभरमा १८ रन खर्चेर १ विकेट लिएभने सन्तोष न्यौपानेले १ ओभरमा नै १८ रन दिएर १ विकेट लिए।

यसअघि टस जितेर पहिले ब्याटिंग गरेको प्रदेश ४ ले १९.५ ओभरमा सबै विकेट गुमाएर ९० रन बनाएको थियो। उसका लागि अनिल गुरुङले सर्बाधिक २० रन, आकाश थापाले १८ रन र बिधान श्रेष्ठले अविजित ११ रन बनाए। अन्य खेलाडीले दोहोरो अंक बनाउन नसक्दा १० अतिरिक्त रन पाएको थियो।

प्रदेश ४ लाई सस्तैमा समेट्न प्रदेश २ का संसाद शेखले ३ विकेट लिनेक्रममा ४ ओभरमा १९ रन खर्चे। सन्जम रेग्मीले २ विकेट (४-०-९-२), दिब्यान्शु मल्लिक, हरिशंकर शाह र राहुल प्रताप सिंहले समान १/१ विकेट लिए।

प्रदेश १ का पुस्प थापा प्रतियोगिता कै उत्कृस्ट खेलाडी घोषित हुँदा, उत्कृस्ट ब्याट्सम्यान प्रदेश ७ का सन्जु दमाइ, उत्कृस्ट बलर प्रदेश ४ का बिपिन खत्री र उदाउँदो खेलाडी प्रदेश ७ का नरेन्द्र साउद घोषित भए।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]