जब २ रनको लागि ४० मिनेट कुर्नु पर्यो



  • विकेटनेपाल, माघ २२ – सोमबार

भारतीय र दक्षिण अफ्रीका बीच जारि एकदिवसीय सिरिज अन्तर्गत दोश्रो एकदिवसीय पनि आरामले जित्दै पाहुना टिम भारतले २-० को अग्रता लिएको छ। दोश्रो एकदिवसीय खेलमा दक्षिण अफ्रीका ९ विकेटले पराजित हुँदा एउटा अनौठो प्रसंग अहिले चर्चाको बिषय बन्न पुगेको छ।

के भएको थियो त ?

खेलमा भारतीय स्पिनरहरु युज्बेन्द्र चाहल र कुलदीप यादवले उत्कृस्ट प्रदर्शन गर्दै घरेलु टोलिलाई ११८ रनको झिनो योगफलमा रोकेका थिए।जवाफमा भारतका लागि शिखर धवनले अविजित ५१ रन तथा कप्तान कोहलीले अविजित ४६ रन बनाएपछि खेल भारतले सहज रुपमा जितेको थियो ।

दक्षिण अफ्रिका मात्र ३२.२ ओभरमा अलआउट भएपछी लन्च ब्रेकलाई पछाडी धकेल्दै भारतले जवाफी ब्याटिंग सुरु गरेको थियो ।

भारतको स्कोर १६ ओभरमा ९८/१ भएको अवस्थामा अम्पायरले खेल अरु ४ ओभर ( १६ औं ओभर सहित ) को लागि सारेका थिए।

लक्ष्य पछ्याउदै जादा भारतले १९ ओभरको समाप्तीमा १ विकेट गुमाएर ११७ रन बनाईसकेको थियो र जितको लागि मात्र २ रन आवस्यक थियो । त्यस्तो अवस्थामा अम्पायरले लन्च ब्रेकको घोषणा गरे जसले गर्दा भारतलाई थप २ रन जोड्दै सिरिजमा २-० को अग्रता लिन थप ४० मिनेट कुर्नुपर्ने भयो।

निर्णय पछि मैदानमा रहेका करिब ८० प्रतिशत दर्शकहरु घर फर्किएका थिए।

खेलमा पाकिस्तानका अलिम दार र अड्रियन होल्डस्टकले अम्पायारिंगको तथा एन्डी पाईक्रफ्टले म्याच रेफ्रीको भूमिका निर्बाह गरिरहेका थिए।

के छ त नियम

आइसीसीको नियम ११.४.४ को नियमअनुसार “यदि दुवै टिमका कप्तान र अम्पायर तयार भएको अवस्थामा बढीमा १५ मिनेट वा ४ ओभर खेललाई लम्ब्याउन सकिन्छ तर त्यसको लागि खेलमा नतिजा आउने अवस्था हुनुपर्छ। यदि अम्पाएर उक्त थपिएको समयमा नतिजा आउन सक्ने कुरामा शंका मान्छन् भने उक्त समय थप नगर्ने अधिकार अम्पाएरमा निहित रहन्छ ।”

तर दोश्रो एकदिवसीय क्रिकेटमा खेलको नतिजा बढाईएको समयमा आउन सक्ने भन्दै खेललाई लम्ब्याईएको थियो । उक्त लम्ब्याईएको समयमा पनि नतिजा आउन २ रन टाढा रहेकाले अम्पाएरले लन्च ब्रेकको घोषणा गरेका हुन्।

निर्णयको सर्वत्र आलोचना 

अम्पाएरको यस्तो निर्णयलाई लिएर क्रिकेट विश्लेषकहरु तथा पुर्व क्रिकेटरहरुले नियम जे जस्तो भएपनि नियम ब्यबहारिक हुनुपर्ने भन्दै आलोचना गरेका छन्। हेर्नुस केहि ट्वीटहरु –





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]