फिक्सिंग आरोपमा दुइ युएई क्रिकेटर आईसीसीद्वारा निलम्बित



युएईका दुइ क्रिकेटर आमिर हयात र अश्फाक अहमद आईसीसीको भ्रस्टाचार बिरोधि नियम ( Anti Corruption Code ) अन्तर्गत दोषी पाइए पछि आईसीसीले तत्काल लागु हुने गरि दुवै क्रिकेटरलाई निलम्बित गरेको छ।

दुवै खेलाडी गत वर्ष अन्तिम महिना देखि अन्तर्राष्ट्रिय क्रिकेट बाट बाहिर रहेका थिए। फास्ट बलर हयातलाई गत वर्ष अक्टोबरमा टि-२० विश्वकप छनौटबाट कारण बिनै टिम बाहिर राखिएको थियो। यस्तै ओपनिंग ब्याट्सम्यान अश्फाकलाई युएई बोर्डले टि-२० विश्वकप छनौटको २ खेल खेलेपछि प्रतिबन्ध लगाएको थियो। यस अघि गत वर्ष युएईका पूर्व कप्तान मोहम्मद नभिद, ब्याट्सम्यान शैमन अनवर र फास्ट बलर कदिर एहमदलाई पनि उस्तै आरोपमा आईसीसीले निलम्बन गरेको थियो।


आमिर हयात र अश्फाक अहमद दुवैलाई आईसीसीको  भ्रस्टाचार बिरोधि नियमको ५ वटा नियम उल्लङ्घन गरेको भन्दै तत्काल लागु हुने गरि निलम्बन गरिएको हो।

आईसीसीले प्रेस बिज्ञप्ति मार्फत दुइ क्रिकेटरलाई बिभिन्न ५ वटा आरोप लगाएको छ। जस अन्तर्गत  खेलको नतिजामा प्रभाव पार्न पैसा या गिफ्ट लिएको, फिक्सिंग गर्न आएको प्रस्ताबको जानकारी नगराएको जस्ता आरोप छन्। आईसीसीलले खेलाडीहरुलाई सेप्टेम्बर १३ देखि १४ दिन भित्र आफुलाई लागेको आरोप बारे प्रतिक्रिया दिन समय सिमा दिएको छ।

आमिर हयात र अश्फाक अहमद

पाकिस्तानको लाहोरमा जन्मिएका ३८ वर्षीय हयातले युएईको लागि ९ वटा एकदिवसीय अन्तर्राष्ट्रिय र ४ वटा टि-२० अन्तर्राष्ट्रियमा प्रतिनिधित्व गरेका छन्। लाहोरमै जन्मिएका ३५ वर्षीय अश्फाक अहमदले युएईको लागि १६ एकदिवसीय अन्तर्राष्ट्रिय र १२ टि-२० अन्तर्राष्ट्रियमा प्रतिनिधित्व गरिसकेका छन्।

दुवै क्रिकेटरले नेपालको घरेलु टि-२० लिग धनगढी प्रिमियर लिग डिपीएलमा समेत सहभागिता जनाएका थिए। गत सिजन डिपीएलमा हयात रुपन्देही च्यालेन्जर्सको लागि तथा त्यस अघिको सिजनमा अहमद धनगढी टिम चौराहाबाट खेलेका थिए।

सम्बन्धित :- 

हरेक क्रिकेट म्याच फिक्स हुनेगर्छ : सट्टेबाज संजिव चावला

आईपीएल खेल्न युएई पुग्दै सन्दिप, पहिलो खेल खेल्ने सम्भावना कम

IPL : एक सिजनमा सर्वाधिक रन बनाउने ५ खेलाडी

IPL 2020 : कस्तो छ धोनीको टिम चेन्नाई सुपर किंग्स





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]