बल्ल आयो क्रिकेटहरुको २ वर्षको तलब, कुन खेलाडीले कति पाए

Nepal cricket team


  • विकेटनेपाल, २६ माघ

नेपाली राष्ट्रिय क्रिकेट टिमका खेलाडीहरुको २ वर्ष अघि देखिको तलब अन्तर्राष्ट्रिय क्रिकेट परिषद आईसीसीले एक मुस्ट रुपमा पठाएको छ।

राष्ट्रिय खेलकुद परिषदको खातामा आईसीसीले एकमुस्ट १ करोड २७ लाख ८७ हजार ७ सय ८२ रुपैयाँ राष्ट्रिय खेलकुद परिषदको खातामा जम्मा गरेको हो।

नेपाल क्रिकेट संघ निलम्बनमा परेपछि खेलाडीहरुलाई आईसीसीले २०१७ जुलाईमा पछिल्लो पटक तलब दिएको थियो। त्यसबेला राष्ट्रिय टिमका २३ जना खेलाडीले तलब पाएका थिए। त्यस बेला ‘ए’ श्रेणीका खेलाडीहरुको तलब रु. ३५ हजार, ‘बि’ श्रेणीको खेलाडीहरुको तलब रु. २५,००० रहेको थियो भने ‘सी’ श्रेणीको खेलाडीहरुको तलब रु. १० हजार थियो।

आईसीसीले सोहि वर्गीकरण अनुसार त्यतिबेला २०१५ डिसेम्बर देखि २०१६ डिसेम्बरसम्म १ वर्षको तलब उपलब्ध गराएको थियो। त्यस पछि २०१८ डिसेम्बरसम्मको तलब आईसीसीले दिएको हो। २०१९ मा नेपाली टिमको लागि डेब्यु गरेका खेलाडीहरुले भने अहिले तलब पाउने छैनन्।

राष्ट्रिय टिमका प्रशिक्षक जगत टमाटा, कप्तान पारस खड्का र उपकप्तानको परामर्शमा खेलाडीहरुलाई पुनः ३ वटा श्रेणीमा वर्गीकरण गरिएको र ३ वटै विधामा ७/७ गरि २१ खेलाडीहरुलाई समाबेश गरिएको छ।

‘ए’ श्रेणीको खेलाडीहरुले मासिक ३५ हजार, ‘बि’ श्रेणीको खेलाडीहरुले मासिक २५ हजार र ‘सी’ श्रेणीका खेलाडीहरुले मासिक १५ हजारको दरले तलब पाएका हुन्।

कुन खेलाडीले कति पाए तलब 

ए श्रेणी ( मासिक रु. ३५ हजार ) – पारस खड्का, ज्ञानेन्द्र मल्ल, शरद भेसावकर, वसन्त रेग्मी, सोमपाल कामि, सन्दिप लामिछाने, दिपेन्द्र सिंह ऐरि ( पाउने कुल रकम – ८ लाख ४० हजार )

बि श्रेणी ( मासिक रु. २५ हजार ) – आरिफ शेख, करन केसी, ललित भण्डारी, अनिल शाह, रोहित पौडेल, ललित नारायण राजबंशी, शक्ति गौचन ( पाउने कुल रकम – ६ लाख )

सी श्रेणी ( मासिक रु. १५ हजार ) – सुबास खकुरेल, सागर पुन, दिलिप नाथ, सुनिल धमला, सुशन भारी, किशोर महतो र बिनोद भण्डारी ( पाउने कुल रकम – ३ लाख ६० हजार )

नेपाल क्रिकेट संघले सन् २०१५ मा खेलाडीहरुलाई ‘ए’ ‘बि’ र ‘सी’ श्रेणीमा वर्गीकरण गरी पहिलो पटक राष्ट्रिय खेलाडीहरुलाई तलब दिने घोषणा गरेको थियो।

Paras Khadka , Shakti Gauchan

२०१५ डिसेम्बर देखि १७ डिसेम्बरसम्म राष्ट्रिय टिमको अन्तिम-११ मा नियमित स्थान बनाउने खेलाडीहरुलाई ए वर्गीकरण गरिएको छ। सिनियर राष्ट्रिय टिममा स्थान नबनाए पनि तलब पाउने एक मात्र क्रिकेटर किशोर महतो हुन्। राष्ट्रिय टिमबाट सन्यास लिएका शक्ति गौचनले पनि तलब पाएका छन् जसलाई ‘बि’ श्रेणीमा राखिएको छ। गौचन राष्ट्रिय टिममा स्थान बनाए पनि पछिल्लो २ वर्ष अन्तिम-११ मा स्थान बनाउन संघर्ष गर्दै आएका थिए।  राष्ट्रिय टिममा अनियमित बनेका सुबास खकुरेल, सागर पुन, दिलिप नाथ, सुनिल धमला, सुशन भारि र बिनोद भण्डारी जस्ता क्रिकेटरहरु सी श्रेणीमा रहेका छन्।





थप समाचार

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]