पडीक्कलको उत्कृस्ट इनिंग बाबजुद, बुम्राहले शानदार बलिंग गर्दा बैंगलोर विशाल योगफल बनाउन असफल



युएईमा जारी १३ औं संस्करणको आईपिएल अन्तर्गत बुधवार ४८ औं खेलमा रोहित शर्मा कप्तानीको मुम्बई इण्डियन्स र बिराट कोहली कप्तानीको रोयल च्यालेंजर्स बैंगलोर बीच प्रतिस्पर्धा भइरहेको छ।

अबुधाबी स्थित शेख जायद स्टेडियममा टस हारेर ब्याटिंग गरेको बैंगलोरले २० ओभरमा ६ विकेट गुमाएर १६४ रन बनाउदै मुम्बईलाई १६५ रनको लक्ष्य प्रस्तुत गरेको छ।

बैंगलोरको लागि ओपनर देभदत्त पडीक्कले सिजनमा चौथो अर्धशतक बनाउने क्रममा सर्वाधिक ७४ रन बनाए जुन क्रममा ४५ बलमा १२ चौका र १ छक्का प्रहार गरे। अर्का ओपनर जोश फिलिपेले ३३, एबि डी भिल्लीयर्सले १५,  गुरकिरात सिंहले अविजित १४, वासिंगटन सुन्दरले अविजित १० तथा बिराट कोहलीले ९ रन बनाए।

देभदत्त पडीक्कलले सर्वाधिक ७४ रन बनाए

पहिलो विकेटको लागि पडीक्कलले जोश फिलिपेसंग ७१ रनको ओपनिंग साझेदारी गरे। आठौँ ओभरमा फिलिपेलाई राहुल चाहरले स्टम्प आउट गराए। त्यसपछि १२ औं ओभरमा कप्तान बिराट कोहलीलाई बुम्राहले क्याच आउट गराए। पडीक्कलले त्यसपछि तेश्रो विकेटको लागि डी भिल्लीयर्ससंग ३६ रनको साझेदारी गरे। १६ औं ओभरमा डी भिल्लीयर्सआई काइरन पोलार्डले क्याच आउट गराए। सोहि ओभरमा पडीक्कललाई बुम्राहले ट्रेन्ट बोल्टबाट क्याच आउट गराए। लगत्तै ओभरमा क्रिस मोरिसलाई बोल्टले क्याच आउट गराए।

सातौँ विकेटको लागि गुरकिरत सिंहले वासिंगटन सुन्दरसंग १६ बलमा २६ रनको अविजित साझेदारी गरे।

१३१/२ को अवस्थाबाट बीचमा लगातार विकेट गुम्दा बैंगलोरले १६४ रन मात्र बनाउन सक्यो।

 

मुम्बईको बलिंगमा जस्प्रित बुम्राहले सर्वाधिक ३ विकेट लिए जुन क्रममा ४ ओभरमा १ मेडन ओभर गर्दै मात्र १४ रन खर्चिए। ट्रेन्ट बोल्ट ( ४-०-४०-१ ), राहुल चाहर ( ४-०-४३-१ ) , काइरन पोलार्ड ( १-०-५-१ ) ले समान १ विकेट लिए।

दुबै टोलि समान ११ खेलमा समान १४ अंकसहित नेट रन रेटको आधारमा तालिकाको शिर्ष (मुम्बई इण्डियन्स) र दोस्रो स्थानमा (रोयल च्यालेंजर्स बैंगलोर) छन्। आज जित हात पार्दै दुबै टोलिलाई प्ले-अफका लागि छनोट हुनुको साथै अंकतालिकाको शिर्ष स्थानमा उक्लने मौका छ। दुबै टोलि बाँकी ३ खेलमा जित निकाल्दै शिर्ष-२ स्थान सुरक्षित गर्न चाहन्छन्।

IPL : डीआरएस नलिन प्रोत्साहित गरेपछि अम्पायर चौधरी विवादमा

हैदरावाद कप्तान वार्नरले आईपीएलमा पहिलो पटक गरे बलिंग , हेर्नुस भिडियो

आईपीएलपछि भारतको अस्ट्रेलिया भ्रमणको खेल तालिका सार्वजनिक

हैदरावादसंग विशाल हार तथा लगातार तेश्रो हारपछि दिल्ली कप्तान ऐयरले के भने

राशिदको सिजनकै सबैभन्दा किफायती बलिंग, हैदरावादसंग दिल्ली विशाल अन्तरले पराजित