२४ विकेट लिएका सन्दिपलाई २ महत्वपूर्ण अवार्ड

Sandeep Lamichhane


  • विकेटनेपाल, असोज २७ 

आईसीसी टि-२० बिश्वकप छनौट एसिया प्रतियोगितामा नेपाललाई उपाधि दिलाउन शानदार प्रदर्शन गरेका लेग स्पिनर सन्दिप लामिछानेले उत्कृस्ट प्रदर्शन बापत २ वटा अवार्ड पाएका छन्।

प्रतियोगिताको विजेता हुँदै नेपाल, उपविजेताको रुपमा सिंगापुर र तेश्रो हुँदै मलेसिया टि-२० बिश्वकप छनौटको दोश्रो चरण एसिया छनौट खेल्न छानिएको छ। नेपाल र सिंगापुरले ६ खेलमा ५ जित र १ बराबरी सहित समान ११/११ अंक बटुलेपनि नेट रन रेटको आधारमा अघि रहेपछि नेपाल विजेता भएको हो।

सन्दिपले प्रतियोगिताको ६ वटै खेलमा बलिङ्ग गर्दै कुल २४ विकेट लिंदै एकै प्रतियोगितामा सबैभन्दा धेरै विकेट लिने रेकर्ड आफ्नो नाम गरेका छन्। उनले ६ खेलमा कुल २०.३ ओभर बलिङ्ग गर्दै ५७ रन खर्चेर २.३७ को एभरेज र ५.१ को स्ट्राइक रेटमा उक्त विकेट लिएका हुन्। यस अघि यो रेकर्ड बसन्त रेग्मी र बिनोद दासको नाममा रहेको थियो। रेग्मीले सन् २०१२ को डिभिजन-४ प्रतियोगितामा तथा बिनोद दासले सन् २००५को एसीसी फास्ट ट्रयाक कन्ट्रीज ( तिन दिवसीय ) प्रतियोगितामा २१ विकेट लिएका थिए।

सन्दिपलाई २ वटा अवार्ड 

प्रतियोगितामा अद्भुत प्रदर्शन गर्दै २४ विकेट लिए बापत सन्दिप प्रतियोगिताकै उत्कृस्ट बलर तथा प्रतियोगिताकै उत्कृस्ट खेलाडी समेत घोषित भएका छन्। उत्कृस्ट ब्याट्सम्यान भने सिंगापुरका सुरेन्दरन चन्द्रमोहन घोषित भए जसले ६ खेलमा १४८ रन बनाएका थिए।

Sandeep Lamichhane
Sandeep Lamichhane ( Player of the series )

सन्दिप पछि प्रतियोगिताकै दोश्रो धेरै विकेट लिने खेलाडी ललित राजबंशी रहे जसले ६ खेलमा ११ विकेट लिए। सुचीको १२ औं र १३ औं स्थानमा बसन्त रेग्मी र करन केसी ६/६ विकेट सहित रहेका छन्।

नेपालको सिनियर टिमको लागि डेब्यु गरेपछि सन्दिप उत्कृस्ट खेलाडी चुनिएको दोश्रो पटक हो। यस अघि यसै बर्ष बिश्व क्रिकेट लिग डिभिजन-२ मा ६ खेलमा १७ विकेट लिएपछि उनि उत्कृस्ट खेलाडी चुनिएका थिए। यु-१९ स्तरमा भने यस अघि सन्दिप गत बर्ष जुलाईमा सिंगापुरमा सम्पन्न यु-१९ बिश्वकप छनौट प्रतियोगितामा ६ खेलमा कुल २४ विकेटनै लिंदै प्रतियोगिताको उत्कृस्ट खेलाडी घोषित भएका थिए

 बिरुद्ध   विकेट स्पेल 
म्यानमार ४ विकेट ( २-०-३-४ )
मलेसिया ५ विकेट ( ४-०-२०-५ )
थाईल्याण्ड ५ विकेट ( ३-१-८-५ )
भुटान ३ विकेट ( ४-२-६-३ )
चिन ३ विकेट ( ४-१-४-३ )
सिंगापुर  ४ विकेट ( ३.३-०-१६-४

प्रतियोगितामा सहभागिता पछि सन्दिप अफगानिस्तान प्रिमियर लिगको टिम नगरहर लिओपार्डसको लागि खेल्न शुक्रबार रातिनै युएई प्रस्थान गरिसकेका छन्। लिग अन्तर्गत  उनले शनिबार रातिनै रासिद खान कप्तानीको टिम काबुल ज्वनानसंग खेल्ने कार्यक्रम रहेको छ।





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]