शानदार १ हाते क्याच लिंदै इपिएलमा अर्को दर्शकले पनि जिते ५० हजार



  • विकेटनेपाल, मङ्सिर-२७ , शुक्रबार 

एभरेस्ट प्रिमियर लिग इपिएल टि-२० अन्तर्गत चितवन टाइगर्स र बिराटनगर वारियर्स बीचको खेलमा १ हातले क्याच गर्दै अर्को दर्शकले पनि ५० हजार रुपैयाँ जितेका छन्।

यस अघि पनि इपिएल टि-२० को आइतबार भएको भैरहवा ग्ल्याडीएटर्स र पोखरा राइनोज बीचको खेलमा  दर्शक सरुन भट्टले रिचर्ड लेभीले हिर्काएको छक्कालाई १ हातले क्याच समात्दै ५० हजार जितेका थिए। लेभीले तिब्र गति बलर कृष्ण कार्कीले गरेको इनिंगको तेश्रो ओभरको तेश्रो बललाई लंग-अनको माथिबाट ठुलो छक्का प्रहार गर्दा उनले क्याच समातेका थिए।

१ हाते क्याचलाई एक्सपर्ट एजुकेसन एण्ड भिसा सर्भिसले प्रायोजन गरेको छ।

को हुन् ५० हजार पाउने अर्को भाग्यमानी 

दोश्रो एक हाते क्याच लिने दर्शकको नाम दर्शन ओली रहेका छन्।

चोभार इन्डमा बसेर खेल हेरेका ओलीले चितवन टाइगर्सको इनिंगको अन्तिम ओभरमा करन केसीको बलमा इंग्ल्याण्ड खेलाडी जर्ज स्कटले प्रहार गरेको लामो छक्कालाई १ हातले शानदार क्याच गरेका थिए।संयोगले यस अघि सरुन भट्टले पनि सोहि क्षेत्रमा आएको बललाई क्याच गरेका थिए।

१ हातले आफ्नो पछाडी तिर लम्किदै गरेको क्याचलाई टिभी कमेन्टेटरहरुले प्रसंशा गरेका थिए भने क्याच पछि ओलीले उफ्रदै खुसि मनाएका थिए।

विकेटनेपालले एक हाते क्याच लिंदा ५० हजार पुरस्कार पाएका दर्शक सरुन भट्टसंग कुराकानी गरेको थियो जसमा उनले आफु साथीहरुको लहैलहैमा खेल हेर्न गएको बताएका थिए ( पढ्नुस अन्तर्वार्ता ) । गोरखा घर भएका काठमाडौँ अस्कल कलेजमा आईटि बिषय लिएर ब्याचलर दोश्रो बर्षमा पढीरहेका सरुन भट्ट  साथीहरुले क्रिकेट हेर्न जाम भने पछि क्रिकेट मैदान किर्तिपुर पुगेका थिए जहाँ उनको भाग्य खुलेको थियो।

विदेशमा सामान्य भए पनि नेपालमा दर्शकलाई यस्तो पुरस्कार घोषणा गरिएको यो पहिलो पटक हो।

यस अघि १ हातले क्याच लिएका सरुन भट्ट 

Photo Credit – EPL

 





थप समाचार

पीएसएल : खेलाडीलाई कोरोना देखिएपछि इश्लामावाद र क्वेटा बीचको खेल स्थगित

पाकिस्तान सुपर लिग अन्तर्गत क्वेटा ग्ल्याडीएटर्स र इश्लामावाद युनाइटेड बीच सोमबार रातिको खेल १ दिन सारिएको छ। इश्लामावाद युनाइटेडका अस्ट्रेलियन […]

एलपीएल स्कुल क्रिकेट : गजेन्द्र चम्किदा हिमालयन ह्याइट हाउस विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तर्गत आज भएका खेलमा रुपन्देहीको […]

रुपन्देही सुपर लिग : बुद्ध क्रिकेट क्लब सेमिफाइनलमा

प्रकाश न्यौपाने, भैरहवा, फागुन १७ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत सोमबार भएको डिभिजन […]

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी

फाल्गुन २२ गते देखि काठमाडौँमा सुरु हुने काठमाडौँ मेयर कप पहिलो संस्करणको लागि ‘काठमाडौँ मेयर-११’ टिमको घोषणा गरिएको छ। यही […]

गौतम बुद्ध रंगशालाको लागि ‘मेरो कुर्सि’ अभियानको घोषणा, ३ अर्ब रुपैयाँ संकलन हुने आशा

चितवनको भरतपुर नगरपालिका वडा नबर-१५ मा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई सहयोग गर्न धुर्मुस सुन्तली फाउन्डेसनले नयाँ अभियानको घोषणा […]

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]