इपिएल टि-२० : तिन पाकिस्तानी क्रिकेटर ललितपुर पेट्रिएट्समा

( फिचर फोटो – मिर हम्जा )

मार्च १४ देखि काठमाण्डौमा सुरु हुने एभरेस्ट प्रिमियर लिगको टिम ललितपुर पेट्रिएट्सले तिन जना पाकिस्तानी क्रिकेटरलाई आबद्ध गरेको छ।

ज्ञानेन्द्र मल्ल कप्तानीको टिमले यस अघि श्रीलंकन पुर्व कप्तान उपुल थारांगालाई टिममा भित्र्याएको पेट्रिएट्सले हसन आजम, हसन खान र मिर हम्जालाई आबद्ध गरेको हो।

१. हम्मद आजम : सन् २०११ मा वेस्टइन्डिज बिरुद्ध एकदिवसीय अन्तर्राष्ट्रिय डेब्यु गरेका हम्मद आजमले पाकिस्तानको लागि ११ एकदिवसीय र ५ टि-२० खेलेका छन्। अन्तिम पटक उनले जिम्बाबे बिरुद्ध २०१५ मा पाकिस्तानको प्रतिनिधित्व गरेका थिए। दायाँ हाते तिब्र गति बलर तथा ब्याट्सम्यान आजमले ११ एकदिवसीयमा कुल ८० रन, तथा ५ टि-२० मा ३४ रन बनाएका थिए भने बलिंगमा कुल २ विकेट लिएका थिए।

२. मिर हम्जा : पाकिस्तानको लागि सन् २०१८ मा अस्ट्रेलिया बिरुद्ध टेस्टमा डेब्यु गरेका देब्रे हाते तिब्र गति बलर मिर हम्जाको त्यो नै पाकिस्तानको लागि एक मात्र खेल थियो। प्रथम श्रेणी क्रिकेटमा ७४ खेलमा ३२० विकेट लिएका हम्जा घरेलु क्रिकेटमा राम्रो प्रदर्शन गरिरहेका छन्।

Hammad Azam, Mir Hamza, Hassan Khan

३. हसन खान : पाकिस्तानी यु-१९ राष्ट्रिय क्रिकेटर रहीसकेका २१ वर्षीय हसन खानले पाकिस्तान सुपर लिगमा क्वेटा ग्ल्याडीएटर्स र लाहोर कलन्दर्सको लागि खेलीसकेका छन्। देब्रे हाते स्पिन तथा दायाँ हाते ब्याट्सम्यान खानलेअलराउण्ड क्षमताको लागि चिनिने गर्छन्।

इपिएलको यो पटक नियम अनुसार कुनै पनि टिमले आफ्नो अन्तिम-११ मा तिन जना विदेशी खेलाडी खेलाउनु पर्छ। तिन मध्ये एउटा खेलाडी टेस्ट राष्ट्रको खेलाडी हुनु पर्ने नियम रहेको छ।

ललितपुर इपिएलको गत सिजनको विजेता टिम हो जसले शरद भेसावकर कप्तानीको भैरहवा ग्ल्याडीएटर्सलाई पराजित गर्दै उपाधि जितेको थियो।