इन्टर फर्म टि-२० : तेश्रो दिनको खेलहरु सम्पन्न



  • विकेटनेपाल, माघ ९ – मंगलबार

किर्तिपुर स्थित ल्याबरेटरि स्कुल मैदानमा जारि सातौं एनकासा इन्टर फर्म टी-२० क्रिकेट प्रतियोगिताको तेस्रो दिनका खेल सम्पन्न भएका छन्।

नेपाल चार्टर्ड अकाउंटेंट बिद्यार्थी संगठन एनकासाको आयोजना भैरहेको प्रतियोगितामा आज भएको पहिलो खेलमा पी.आर.यस.एच/ एन पौडेल/ एन लामिछानेले सी.एस.सी एण्ड कम्पनिलाई ९० रनको फराकिलो अन्तरले पराजित गरेको छ।

म्यान अफ द म्याच बिशाल घिमिरेले ५२, बिकाश गिरीले ४० तथा सुवाष पौडेलले २९ रन बनाएपछि पी.आर.यस.एच/ एन पौडेल/ एन लामिछानेले पहिले ब्याटिंग गर्दै १५ ओभरमा ५ विकेट गुमाएर १४५ रन बनाएको थियो। सी.एस.सी एण्ड कम्पनिका बिराज पराजुली ६ रन दिएर ३ विकेट लिएका थिए।

जवाफमा पी.आर.यस.एच/ एन पौडेल/ एन लामिछानेका पुजनले ३ विकेट लिएपछि सी.एस.सी एण्ड कम्पनिले १५ ओभर खेल्दै ९ विकेट गुमाएर मात्र ५५ रन बनायो । उसका लागि दिपक कुँवरले अविजित २१ रन बनाएपनि अन्यले दोहोरो अंक जोड्न सकेनन्।

आजै भएको दोश्रो खेलमा बि.के एजीले के.के बुढाथोकीलाई ७ रनले पाराजित गरेको थियो । टस हारेर पहिले ब्याटिंग गरेको बि.के एजीले म्यान अफ द म्याच नबिन राईले २३ रन प्रहार गरेपछि १५ ओभरमा ३ विकेट गुमाएर १०१ रन बनाएको थियो । जवाफमा सागर न्यौपानेले २५ तथा सुजन सुबेधिले १२ रन बनाएपनि के.के. बुढाथोकीले १५ ओभरमा ५ विकेट गुमाएर ९४ रन मात्र बनाउन सक्यो ।

त्यस्तै तेस्रो खेलमा बश्याल/ रबिन सुबेदि एस्सोसिएटले जे वि राजभण्डारी एंड दिबिन्सलाई ७ विकेटले पराजित गरेको थियो । पहिले ब्याटिंग गरेको जे वि राजभण्डारी एंड दिबिन्सले मनिष मानन्धरको २१ रनको मद्दतमा १५ ओभरमा ८ विकेट गुमाएर ६९ रनमात्र बनाउन सक्यो ।

जवाफमा म्यान अफ द म्याच मनिष भट्टराईले २२ रन बनाएपछि बश्याल/ रबिन सुबेदि एस्सोसिएटले ३ विकेट गुमाएर लक्ष्य पुरा गरेको थियो ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]