डी भिल्लीयर्सले आक्रामक ब्याटिंग गर्दा इगल्सले जित्यो 3TC सोलिडारिटी कप



दक्षिण अफ्रीका क्रिकेटले नयाँ फर्म्याटमा आयोजना गरेको 3TC सोलिडारिटी कप एबि डी भिल्लीयर्स कप्तानीको इगल्स टिमले जितेको छ।

कोभीड-१९ महामारीले असर गरेका मानिसहरुलाई क्रिकेट मार्फत सहयोग रकम जुटाउन तथा महामारी बिरुद्ध एकजुट हुनको लागि खेलको आयोजना गरेको थियो।

खेलको फर्म्याट अनुसार सहभागी तिन वटा टिमले एकै खेलमा प्रतिस्पर्धा गरेका थिए। कुल ३६ ओभर खेलमा १२-१२ ओभरको तिन वटा इनिंग खेलिएको थियो जसलाई ६/६ ओभरमा बाँडिएको थियो।

एबि डी भिल्लीयर्सको आक्रामक ब्याटिंगमा इगल्सको जित 

यस्तो रह्यो पहिलो राउण्ड 

किंगफिसर : ५६/२ ( ६ ओभर )

इगल्स : ६६/१ ( ६ ओभर )

काइट्स : ५८/१ ( ६ ओभर )

खेलमा टस जितेर किंगफिसर टिमले ब्याटिंग रोजेको थियो। जसले पहिलो ६ ओभरको इनिंगमा २ विकेट गुमाएर ५६ रन बनाएको थियो। त्यसपछि ब्याटिंग गरेको भिल्लीयर्स कप्तानीको इगल्सले १ विकेट गुमाएर ६६ रन बनायो। त्यसपछि टेम्बा बभुमा कप्तानीको काइट्स टिमले ब्याटिंग गर्दै ६ ओभरमा १ विकेट गुमाएर ५८ रन बनायो।

दोश्रो राउण्ड

पहिलो इनिंगमा धेरै रन बनाएको टिमले दोश्रो इनिंगमा पहिले ब्याटिंग गरेको थियो। त्यस अनुसार भिल्लीयर्सको टिमले पहिले ब्याटिंग गर्यो।

डी भिल्लीयर्सले आक्रामक ब्याटिंग गर्दा दोश्रो इनिंगको ६ ओभर पछि कुल १२ ओभरमा इग्लासले ४ विकेट गुमाएर १६० रन बनायो। डी भिल्लीयर्सले मात्र २१ बलमा अर्धशतक बनाउने क्रममा २४ बलमा ६१ रन बनाए। यस्तै इगल्सको लागि एडेन मारक्रमले पनि २७ बलमा अर्धशतक बनाए।

दोश्रो राउण्डको दोश्रो इनिंगमा ब्याटिंग गरेको काइट्सलाई ६ ओभरमा इगल्सलाई जित्न १०२ रन बनाउनु पर्ने थियो। तर कुल १२ ओभरमा ३ विकेट गुमाएर काइट्सले १३८ रन मात्र बनाउन सक्यो।  ड्वेन प्रिटोरियसले १७ बलमा ५० रन बनाएता पनि काइट्सले इगल्सलाई जित्न असफल रह्यो।

तेश्रो राउण्डमा ब्याटिंग गरेको किंगफिसरले ६ ओभरमा १०४ रन बनाउनु पर्ने थियो। तर ५ विकेट गुमाएर उसले १२ ओभरमा ११३ रन मात्र बनाउन सकेपछि इगल्स टिमले सहजै खेल जित्यो।

पहिलो स्थान हाँसिल गरेको इगल्सले स्वर्ण पदक, दोश्रो भएको काइट्सले रजत र किंगफिसरले कास्यपदक प्राप्त गर्यो।

यस्तो रह्यो दोश्रो राउण्ड पछिको योगफल 

इगल्स : १६०/४ ( १२ ओभर ) स्वर्ण पदक

काइट्स : १३८/३ ( १२ ओभर ) रजत पदक

किंगफिसर : ११३/५ ( १२ ओभर ) कास्य पदक

क्रिकेट इतिहासमै पहिलो पटक तिन वटा टिमले एकै खेलमा प्रतिस्पर्धा गरेका थिए।

धेरैले पढेको :- 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]