४ बलमा ४ विकेट लिंदै मलिंगाले बनाए ठुलो किर्तिमान



न्युजिल्याण्ड र श्रीलंका बीच जारि तेश्रो टि-२० अन्तर्राष्ट्रियमा लासिथ मालिंगाले सनसनीपूर्ण बलिंग गरेका छन्।

पालेकेले मैदानमा पहिले ब्याटिंग गर्दै श्रीलंकाले दिएको १२६ रनको लक्ष्य पछ्याउने क्रममा मलिंगाले ४ बलमा लगातार ४ वटै विकेट लिंदै इतिहास रचेका हुन्।

तेश्रो ओभर बलिंग गर्ने क्रममा ओभरको तेश्रो बलमा कोलिन मुनरोलाई बोल्ड गरेका मलिंगाले त्यस पछि चौथो बलमा हामिश रुथरफोर्डलाई एलबिडब्लु धरापमा पारे। त्यसपछि पाँचौ बलमा कोलिन डी ग्रयाण्ड होमलाई बोल्ड गर्दै ह्याट्रिक लिएका मलिंगा त्यतिमै रोकिएनन् छैठौं बलमा रोस टेलरलाई एलबुडब्लु गर्दै लगातार ४ विकेट लिए।

लगातार ४ बलमा ४ विकेट लिएको मलिंगाले दोश्रो पटक हो। मालिंगा बाहेक अन्तर्राष्ट्रिय क्रिकेटमा रासिद खानले मात्रै ४ बलमा ४ विकेट लिन सकेका छन्। रासिदले आयरल्याण्ड बिरुद्ध यसै वर्ष फेब्रुवरिमा ४ बलमा ४ विकेट लिंदै उक्त किर्तिमान बनाउने पहिलो खेलाडी बनेका थिए। मालिंगाले यस अघि २००७ एकदिवसीय विश्वकपमा दक्षिण अफ्रीका बिरुद्ध ४ बलमा ४ विकेट लिएका थिए।

अन्तर्राष्ट्रिय क्रिकेटमा मलिंगाले लिएको यो पाँचौ ह्याट्रिक हो। टि-२० अन्तर्राष्ट्रियमा यो उनको दोश्रो ह्याट्रिक हो भने एकदिवसीय अन्तर्राष्ट्रियमा उनले तिन वटा ह्याट्रिक लिएका छन्। ५ वटा ह्याट्रिक लिने मालिंगा एक मात्र क्रिकेटर हुन्।

कप्तानको रुपमा टि-२० अन्तर्राष्ट्रियमा ५ विकेट लिने मालिंगा मात्र तेश्रो क्रिकेटर हुन्। यस अघि शाकिब अल हसनले २०१८ र जर्सीका चार्ल्स पर्चार्डले यसै वर्ष कप्तानको रुपमा ५ विकेट लिएका थिए।

यस्तै खेलमा मलिंगाले टि-२० अन्तर्राष्ट्रियमा १०० विकेट लिने पहिलो बलरको किर्तिमान समेत बनाएका छन्। ५ विकेट संगै मलिंगाको १०४ विकेट पुगेको छ। मलिंगा पछि टि-२० अन्तर्राष्ट्रियमा धेरै विकेट शाहिद अफ्रिदीको ९८ विकेट रहेको छ। शाकिब अल हसनको ८८, उमर गुल र सइद अज्मलको समान ८५ विकेट रहेको छ। रासिद खानको ७५ विकेट रहेको छ।

टि-२० , एकदिवसीय र टेस्ट क्रिकेट गरि क्रिकेटको ३ वटै फर्म्याटमा १०० विकेट पुरा गर्ने मालिंगा पहिलो क्रिकेटर हुन्।





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]