सिंगापुर बिरुद्ध विशाल जितमा उत्कृस्ट प्रदर्शन गर्ने ४ नेपाली खेलाडी



सिंगापुरलाई सहजै पराजित गर्दै नेपाल मलेसियामा जारि एसीसी यु-१९ ( पूर्वी क्षेत्र ) प्रतियोगिताको सेमीफाइनलमा समुह ‘ए’ को विजेताको रुपमा पुगेको छ।

किनरारा ओभल मैदानमा सम्पन्न खेलमा नेपालले टस जितेर ब्याटिंग गर्दै ५० ओभरमा ४ विकेट गुमाएर ३२६ रनको ठुलो योगफल तयार गरेको थियो। जवाफमा ब्याटिंग गरेको सिंगापुर ३९.१ ओभरमा १०९ रनमै समेटिन पुग्यो र नेपालले २१७ रनको जित हाँसिल गर्यो।

नेपालको जितमा उत्कृस्ट प्रदर्शन गर्ने ४ खेलाडीहरु – 

पवन सर्राफ

Pawan Sarraf

पहिलो खेलमा चिन बिरुद्ध विस्फोटक ब्याटिंग गर्दै अविजित २१ बलमा ६ चौका र ३ छक्का मदातले ४६ रन बनाएका सर्राफले दोश्रो खेलमा पनि लय कायम राखे। अर्धशतक बनाउन चुके पनि सर्राफले ४१ बलमा १० चौका मदतले ४५ रन बनाए। यस क्रममा उनले पहिलो विकेटको लागि रित गौतमसग ९२ रनको साझेदारी पनि गर्दै नेपाललाई राम्रो सुरुवात दिलाए।

रित गौतम

Rit Gautam

अन्डर-१९ करियरमा पहिलो शतक बनाउने क्रममा रित गौतमले अविजित ११५ रन बनाए।अर्को किनारमा विकेट गए पनि निकै धैर्यताका साथ ब्याटिंग गरेका रितले १३७ बलमा १० चौका र १ छक्का प्रहार गरे।

यस क्रममा रितले पहिलो विकेटको लागि पवन सर्राफसंग ९२, दोश्रो विकेटको लागि खडक बोहरासंग १३१, पाँचौ विकेटको लागि कुशल मल्लसंग ८२ रनको साझेदारी गरे।

यस अघि रितले अन्डर-१६ राष्ट्रिय टिमको लागि खेल्ने क्रममा म्यानमार बिरुद्ध शतक बनाएका थिए। त्यस बेला रितनै टिमको कप्तान समेत रहेका थिए। दुई उमेर समुहमा शतक बनाउने रित नेपालकै पहिलो ब्याट्सम्यान बन्न पुगेका छन्। यस अघि अन्डर-१९ स्तरमा शक्ति गौचन , कनिस्क चौगाईं, फैजलुर रहमान, राजु रिजालले मात्र शतक बनाउन सकेका छन्।

कुशल मल्ल 

Kushal Malla

खडक बोहरा, बिशाल बिक्रम केसी र कप्तान रोहित पौडेलले छोटो अन्तरालमा विकेट गुमाउदा नेपालले एक समय ३०० को योगफल नबनाउने जस्तो स्थिति आएको थियो। तर कुशल मल्लले छैठौं नम्बरमा ब्याटिंग गर्दै विस्फोटक इनिंग खेल्दै योगफल ३०० सहजै पार गराए।

यस क्रममा मात्र २३ बलमा उनले अर्धशतक पुरा गरे। ५ छक्का र ४ चौका प्रहार गरेका मल्लले अन्तिम ओभरमा ४ चौका र १ छक्का तथा ४६ औं ओभरको तेश्रो , चौथो र पाँचौ बलमा लगातार ३ छक्का प्रहार गरेका थिए।

यस्तै बलिङ्गमा पनि उत्कृस्ट प्रदर्शन गर्दै देब्रे हाते स्पिनर मल्लले ४ विकेट लिए। ९.१ ओभरमा उनले मात्र १६ रन खर्चिए। रोचक के रह्यो भने कुशलले ४ विकेट लिने क्रममा ३७ औं ओभरको  सातौँ बलमा विकेट लिए। अम्पायरले गल्ति गर्दा कुशलले सातौँ बल पनि गर्न पाएका थिए।

खडक बोहरा 

Khadak Bohara

प्रधानमन्त्री कप क्रिकेट प्रतियोगितामा सुदुरपश्चिमको लागि खेल्दै राम्रो प्रदर्शन गरे पछि अन्डर-१९ राष्ट्रिय टिममा मौका पाएका बोहराले पहिलो अवसरमै उत्कृस्ट ब्याटिंग गरे।

पवन सर्राफको विकेटपछि तेश्रो नम्बरमा ब्याटिंग गरेका बोहराले शतक पुरा गर्न नपाए पनि ९० बलमा १२ चौका प्रहार गर्दै ९० रन बनाए। रित गौतमसंग दोश्रो विकेटको लागि उनले १३१ रनको साझेदारी पनि गरे। भाग्यमानी सावित भएका खडकको २ वटा क्याच सिंगापुर फिल्डरले अर्धशतक बनाउनु अघि छुटाएका थिए।

४ खेलाडी बाहेक खेलमा भिम शार्कीले २ वटा रन आउट गर्दै आफुलाई उत्कृस्ट फिल्डर पुनः सावित गरे। ब्याटिंगमा भने उनलाई अवसर दिईएन। तिलक राज भण्डारीले २ विकेट लिए भने राशिद खान र सागर ढकालले पनि १/१ विकेट लिंदै जितमा योगदान दिए।

 





थप समाचार

IPL मा लखनऊ र अहमदावाद दुई नयाँ टिम, बिसीसीले कमायो १८ हजार करोड

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]