खुकुरी कप : जितेन्द्रको अर्धशतकमा क्रिकेट स्कुलको जित, हिमालयको दोश्रो जित



  • विकेटनेपाल, माघ १३ – शनिबार 

खुकुरी च्यालेन्जर्स कप प्रतियोगिता अन्तर्गत शनिबार दुई वटा खेलहरु सम्पन्न भएका छन् जसमा नेपाल क्रिकेट स्कुल र वाईवाई ग्रेट हिमालय क्रिकेट एकेडेमीले जित हात पारेका छन्।

पहिलो खेल – नेपाल क्रिकेट स्कुल Vs ओएसीस क्रिकेट एकेडेमी 

मुलपानी क्रिकेट मैदानमा टस हारेर पहिले ब्याटिंग गरेको नेपाल क्रिकेट स्कुलले निर्धारित १७ ओभरमा १४५/६ को स्कोर बनायो।

जितेन्द्र सिंह ठकुरी

स्कुलका ओपनर ओपनर तथा यु-१९ रास्ट्रिय क्रिकेटर समेत रहेका जितेन्द्र सिंह ठकुरीले ५३ रन ( ३४ बल, ७ चौका र १ छक्का ) बनाए। यस्तै दिपेस दासले ४१ रन बनाउन मात्र १८ बलमा ६ चौका प्रहार गरे। यस्तै राहुल पोखरेलले १६ तथा रित गौतमले १९ रन योगदान दिए।

बलिंगमा ओएसीसका बलर सुबोध ढुंगेल र सचिन शर्माले समान २/२ विकेट हात पारे।

१४६ रन लक्ष पछ्याउने क्रममा ओएसीसले १७ ओभरमा ९७ रनमै सबै विकेट गुमाउन पुग्यो। स्कुल बलर प्रतिस जिसी, आयुष बनिया र सफल केसीले समान २ विकेट हात पारे। ओएसीसको लागि बिशाल लिम्बुले बनाएको २० रन सर्बाधिक योगदान रह्यो।

जितेन्द्र सिंह ठकुरी खेलको म्यान अफ द म्याच चुनिए।

दोश्रो खेल : वाईवाई ग्रेट हिमालय क्रिकेट एकेडेमी Vs आईओई थापाथली 

मुलपानी मैदानमा भएको दोश्रो खेलमा टस जितेर ब्याटिंग गरेको आईओई थापाथलीले निर्धारित १७ ओभरमा ९ विकेट गुमाई ६२ रन मात्रै बनाउन सक्यो।

अघिल्लो खेलमा पनि उत्कृस्ट प्रदर्शन गरेका ग्रेट हिमालय बलर कमल सिंह ऐरीले पुनः ३ विकेट ( ४-०-१२-३ ) हात पारे भने सागर ढकालले पनि ३ विकेट ( ४-०-१०-३ ) हात पार्न किफायती बलिंग गरे। कप्तान रुपेश श्रीवास्तवले पनि २ विकेट ( ३-१-५-२ ) आफ्नो नाम गरे।

म्यान अफ द म्याच सागर ढकाल

६३ रनको लक्ष ग्रेट हिमालयले ९ ओभरमै २ विकेट गुमाई भेटायो र ८ विकेटको जित दर्ता गर्यो। ओपनर अभिसहेक बस्नेतले अविजित २७ रन ( २५ बल, ५ चौका ) तथा सुशान्त तिमल्सिनाले २० रन योगदान दिए।

खेलको प्लेयर अफ द म्याच सागर ढकाल घोषित भए।

अंक तालिका 

आइतबारको खेल : 

पहिलो : शान्तिनगर युवा क्लब Vs अल्टिमेट इन्डोर क्रिकेट
दोश्रो : आरसीए प्युठान Vs काठमाडौँ क्रिकेट ट्रेनिंग सेन्टर

शुक्रबारको खेल :  अमित श्रेष्ठको विस्फोटक ब्याटिंगमा शान्तिनगरको जित

खुकुरी इन्टरटेन्मेन्टको आयोजनामा सुरु भएको प्रतियोगिताको बिजेताले ३ लाख रुपैयाँ तथा उपविजेताले १ लाख रुपैयाँ पाउने छ। यस्तै उत्कृस्ट खेलाडीले २० हजार तथा बलर/ब्याट्सम्यान र इमर्जिंग खेलाडीले १०/१० हजार रुपैयाँ पुरस्कार पाउनेछ।

कुल २० टिम सहभागी रहेको प्रतियोगिता २४ दिनसम्म चल्नेछ। २० टिमलाई ४ वटा समुहमा बिभाजन गरेर लिग-कम नक-आउट फर्म्याटमा खेलाइनेछ। प्रतियोगिताको सेमीफाइनल र फाइनल खेल त्रिभुवन अन्तर्राष्ट्रिय क्रिकेट मैदान कीर्तिपुरमा संचालन हुनेछ भने क्वार्टरफाइनल खेलहरु मुलपानी मैदानमा खेलिनेछ।

सहभागी टिम र समुह 

समूह ‘ए’ : काठमाडौं क्रिकेट ट्रेनिङ सेन्टर , अल्टिमेट इन्डोर क्रिकेट, आरसिए प्युठान च्यालेन्जर्स, शान्तिनगर युवा क्लब, मलपोखरी क्रिकेट क्लब

समूह ‘बी’ : आई.ओ.ई. पुल्चोक, रोयल पिसी फाईटर्स, लर्ड बुद्ध क्रिकेट क्लब, बालुवाटार क्रिकेट क्लब, त्रिमुर्ति व्वाइज

समूह ‘सी’ : ओएसिस क्रिकेट एकेडेमी, ग्रेट हिमालय क्रिकेट एकेडेमी, आई.ओ.ई थापाथली, नेपाल क्रिकेट स्कुल, त्रिभुवन आर्मी क्लब

समूह ‘डी’ :  टिकापुर क्रिकेट, रौतहट-११, मकवानपुुर क्रिकेट क्लब, बुटवल क्रिकेट ब्वाइज, इन्टर- डिस्ट्रिक्ट क्रिकेट क्लब





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]