स्पिनर बिरुद्ध कमजोर इंग्ल्यान्ड २०५ मै सिमित



इंग्ल्यान्डको भारत भ्रमण अन्तर्गत चौथो तथा अन्तिम टेस्ट नरेन्द्र मोदी स्टेडियम अहमदावादमा सुरु भएको छ। सिरिजमा भारत २-१ ले अघि रहेको छ।

खेलमा टस जितेर ब्याटिंग रोजेको भ्रमण टोलिले ७५.५ ओभरमा २०५ रनमै सम्पूर्ण विकेट गुमाउन पुगेको छ।

खराब सुरुवात गरेको इंग्ल्यान्डले सुरुवात ३ विकेट ३० रनको योगफलमै गुमाउन उग्यो। २ रन बनाएका ओपनर डोमिनिक सिबले र ९ रन बनाएका ज्याक क्रलेलाई अक्षर पटेलले पेभेलियन फर्काए। त्यसपछि कप्तान जो रुटलाई मोहम्मद सिराजले एलबिडब्लु धरापमा पारे जसले ५ रन मात्र बनाउन सके।

चौथो विकेटको लागि जोनी बेयरस्टोले बेन स्टोक्ससंग ४८ रनको साझेदारी गरे। बेयरस्टोलाई सिराजले एलबिडब्लु आउट गरे। त्यसपछि स्टोक्सले ओली पोपसंग ४३ रन जोडे। १२१ बलमा ६ चौका र २ छक्का प्रहार गर्दै ५५ रन बनाएका स्टोक्सलाई वासिंगटन सुन्दरले एलबिडब्लु गर्दै साझेदारी तोडे। ८७ बलमा २९ रन बनाएका पोपलाई रभीचन्द्रन आश्विनले पेभेलियन फर्काए।


आठौँ नम्बरमा ब्याटिंग गरेका ड्यानीयल लरेन्सले ४६ रन बनाउदै टिमको योगफल २ सय नजिक पुर्याउन योगदान दिए। उनले ७४ बलमा ८ चौका प्रहार गरे। अक्षर पटेलले ७१ औं ओभरमा लरेन्स र डम बेसको विकेट लिंदै भारतलाई खेलमा फर्काए। जेम्स एण्डरसनले अविजित १० रन बनाउदै योगफललाई २ सय पार गराए।

भारतको बलिंगमा उत्कृस्ट लयमा रहेका देब्रे हाते स्पिनर अक्षर पटेलले सर्वाधिक ४ विकेट लिए जुन क्रममा २६ ओभर बलिंग गर्दै ७ मेडन ओभर गरेर ६८ रन खर्चिए। रभीचन्द्रन आश्विनले ३ ( १९.५-४-४७-३ ) , मोहम्मद सिराजले २ ( १४-२-४५-२ ) र वासिंगटन सुन्दरले १ विकेट ( ७-१-१४-१ ) लिए। इशान्त शर्मा विकेटविहिन रहे।

बिहिबारनै भारतले आफ्नो इनिंग्स सुरुवात गरिसकेको छ। भारतले पहिलो ओभरमा ओपनर शुबमन गिललाई खाता नखोल्दै गुमाउन पुगेको छ। यो समाचार तयार गर्दा भारतले ५ ओभरमा १ विकेट गुमाउदा ४ रन बनाएको छ। क्रिजमा रोहित शर्मा र चेतेश्वर पुजारा ब्याटिंग गरिरहेका छन्। जेम्स एण्डरसनले ३ ओभरमा कुनै रन नखर्ची १ विकेट लिएका छन्।

धेरैले पढेको 

पीएसएल रोकियो, खेल नखेली फर्कने भए सन्दिप लामिछाने

एकै खेलमा ह्याट्रिक विकेट र ६ बलमा ६ छक्का, पोलार्डले रचे इतिहास

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]