भारत बिरुद्ध पाकिस्तानको जितमा बनेका ५ ठूला रेकर्ड



विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात गरेको छ। युएईको दुबई अन्तर्राष्ट्रिय स्टेडियममा भारतले दिएको १५२ रनको लक्ष्य पाकिस्तानले विकेटनै नगुमाई १३ बल बाँकि रहँदै भेटायो। पाकिस्तानले जित दर्ता गर्दा बिभिन्न ५ ठूला रेकर्डहरु समेत बनाएको छ जुन निम्नछन् –

१. भारत बिरुद्ध आईसीसी विश्वकप इतिहासमै यो पाकिस्तानको पहिलो जित हो। यस अघि टि-ट्वान्टी विश्वकपमा ५ पटक तथा एकदिवसीय विश्वकपमा ७ पटक भारतले पाकिस्तानलाई पराजित गरेको थियो।

२. पाकिस्तानको १० विकेटको जित टि-ट्वान्टी अन्तर्राष्ट्रिय इतिहासमै भारत बिरुद्ध कुनै पनि टिमको सबैभन्दा ठूलो विकेट अन्तरको जित हो। १० विकेटको अन्तरले भारतलाई पराजित गर्ने पाकिस्ताननै टि-ट्वान्टी अन्तर्राष्ट्रियमा विश्वकै पहिलो टिम बनेको छ।

३. पाकिस्तानले लक्ष्य पछ्याउदै विकेट नगुमाई बनाएको १५२ रन टि-ट्वान्टी विश्वकप इतिहासमै कुनै पनि टिमले विकेट नगुमाई पछ्याएको सर्वाधिक योगफल हो। जारी विश्वकपको समुह चरणको खेलमा आयोजक ओमानले पपुवा न्यु गिनीलाई १० विकेटले पराजित गर्दा लक्ष्य पछ्याउदै १३० रन बनाएको थियो जुन रेकर्ड पाकिस्तानले केहि दिनको अन्तरमै तोडेको हो।

४. भारत बिरुद्धको १० विकेटको जित पाकिस्तानको टि-ट्वान्टी अन्तर्राष्ट्रियमै विकेटको आधारमा सबैभन्दा ठूलो जित हो। यस अघि पाकिस्तानले १० विकेटले टि-ट्वान्टी अन्तर्राष्ट्रिय खेल जित्न सकेको थिएन।

५. बाबर आजम र मोहम्मद रिजवानले गरेको अविजित १५२ रनको साझेदारी भारत बिरुद्ध कुनै पनि विकेटको लागि सर्वाधिक रनको साझेदारी हो। यस अघि यो रेकर्ड शेन वाटसन र डेभिड वार्नरको नाममा थियो जसले पहिलो विकेटको लागिनै सन् २०१२ मा भारत बिरुद्ध १३३ रनको साझेदारी गरेका थिए। ९ वर्ष पछि उक्त कीर्तिमान आजम र रिजवानले उक्त साझेदारीको रेकर्ड तोडेका हुन्। यस्तै यो साझेदारी पाकिस्तानको टि-ट्वान्टी अन्तर्राष्ट्रियमा कुनै पनि विकेटको लागि दोश्रो ठूलो साझेदारी हो। सर्वाधिक साझेदारीको रेकर्ड पनि आजम र रिजवानकै नाममा छ जसले यसै वर्ष अप्रिलमा दक्षिण अफ्रीका बिरुद्ध १९७ रनको ओपनिंग साझेदारी गरेका थिए।





थप समाचार

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]