चम्किए पारस, प्रदेश-३ को लगातार दोश्रो जित



काठमाडौँमा जारि प्रधानमन्त्री कप एकदिवसीय राष्ट्रिय क्रिकेट प्रतियोगिता अन्तर्गत पाँचौ दिनको टियु मैदानमा सम्पन्न खेलमा पारस खड्का कप्तानीको प्रदेश नम्बर-३ ले गण्डकी प्रदेशलाई ७ विकेटले सहजै पराजित गरेको छ।

प्रतियोगिताको पहिलो खेलमा एपीएफसंग पराजित भएको प्रदेश-३ ले दोश्रो खेलमा प्रदेश-५ लाई पराजित गरेको थियो। दोश्रो जित पछि समुह ‘ए’ अन्तर्गत  ३ खेलमा २ जित र १ हार सहित प्रदेश-३ को ४ अंक रहेको छ। एपीएफले २ खेलमा २ जित दर्ता गर्दै ४ अंकनै बटुलेको छ। सुदुर पश्चिम, गण्डकी र प्रदेश-५ ले भने सबै ३ खेलमा हार बेहोरेको छ। समुहबाट उत्कृस्ट २ टिम सेमीफाइनल प्रवेश गर्नेछ। अंकतालिका 

खेलमा टस जितेर ब्याटिंग गरेको गण्डकी प्रदेशले १०८ रनमा सम्पूर्ण विकेट गुमाएपछि १०९ रनको लक्ष्य प्रदेश-३ ले २२.२ ओभरमा मात्र ३ विकेट गुमाएर पुरा गर्यो।

लक्ष्य पछ्याउने क्रममा पहिलो ३ विकेट प्रदेश-३ को ४१ रन ( ७.२ ओभर ) मै गुमीसकेको थियो। ओपनर रित गौतम २०, रबिन जोशी ११ र अभिषेक बस्नेत ५ रन बनाएर आउट भएका थिए।

चौथो विकेटको लागि इशान पाण्डे र आदील खानले ७१ रनको अविजित साझेदारी गर्दै टिमलाई जित दिलाए। पाण्डेले २५ रन बनाउन ४० बलमा ४ चौका तथा खानले ३८ रन बाउँ ५३ बलमा ५ चौका प्रहार गरे। दुवै खेलाडीले नेपाल यु-१९ टिमको प्रतिनिधित्व गरिसकेका छन्।

गण्डकीको बलिंगमा किशोर महतोले २ ( ५-०-२८-२ ) तथा बिपिन खत्रीले १ विकेट ( ५-०-२०-१ ) लिए।

पारस खड्काले ४ विकेट लिए। ( फाइल फोटो )

यस अघि पहिले ब्याटिंग गर्ने क्रममा गण्डकीले ३०.१ ओभरमा १०८ रन बनाएको थियो। उसको लागि आठौँ नम्बरमा ब्याटिंग गरेका सुमन घिमिरेले सर्वाधिक ३४, आकास थापाले २८ रन तथा राहुल शर्माल १२ रन बनाउनु बाहेक अन्यले दोहोरो अंकमा रन बनाउन सकेकन्न।

एक समय ६०/५ को अवस्थामा रहेको गण्डकीलाई सुमन र आकासले अर्धशतकीय साझेदारी गर्दै लाज ढाकेका थिए।

प्रदेश-३ को लागि बलिंगमा खेलको प्लेयर अफ द म्याच समेत चुनिएका पारस खड्काले ४ विकेट ( ८-१-१८-४ ) लिए। यस्तै सुर्य तामांगले पनि समान ४ विकेट ( ८.१-१-२९-४ ) लिए। नन्दन यादबले २ विकेट ( ७-०-२२-२ ) लिए।  स्कोरकार्ड 

पारसले यस अघिको खेलमा प्रदेश-५ संग पनि ४ विकेट लिएका थिए भने एपीएफसंग १ विकेट लिएका थिए।

प्रदेश -३ ले समुह चरणको अन्तिम खेलमा अब जेठ २० गते सुदुरपश्चीमसंग खेल्नेछ।

प्रधानमन्त्री कपमा ७ प्रदेश र ३ विभागीय टिमहरु १० टिम सहभागी छन्। १० टिमलाई २ समुहमा बिभाजन गरिएको छ। समुह चरणमा दुवै समुहमा रहेका टिमहरुले एक-अर्कासंग १-१ खेल खेलेपछि दुवै समुहबाट उत्कृस्ट हुने २ टिम सेमीफाइनल प्रवेश गर्नेछन्।

समुह ‘ए’ अन्तर्गत रहेको छ जुन समुहमा प्रदेश-३, प्रदेश-५ , सुदुरपश्चिम प्रदेश, गण्डकी प्रदेश र शशस्त्र प्रहरी बल रहेका छन्। समुह ‘बि’ मा प्रदेश-१ , प्रदेश-२ , कर्णाली प्रदेश, त्रिभुवन आर्मी क्लब र नेपाल पुलिस क्लब रहेका छन्।

प्रतियोगिताको विजेताले नगद २० लाख, उपविजेताले १० लाख हात पार्नेछन् भने सर्वोत्कृष्ट खेलाडीले एक थान मोटरसाइकल प्राप्त गर्नेछन् । त्यस्तै उत्कृष्ट ब्याट्सम्यान र बलरले जनही नगद ५० हजार प्राप्त गर्नेछन् । यस्तै प्रतियोगितामा खेल हेर्न पुग्ने दर्शकले छक्का हानेको बल १ हातले समाते ५० हजार रुपैयाँ पुरस्कार दिने समेत आयोजकले घोषणा गरिसकेको छ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]