६ रनमै अलआउट, ४ बलमा जित : टि-२० अन्तर्राष्ट्रियमा नयाँ रेकर्ड



६ रनमै अल-आउट , सुन्दा अपत्यारिलो लाग्छ तर यो सत्य हो।

मंगलबार माली र रुवान्डा बीच ‘कुइबुका महिला टि-२० अन्तर्रास्ट्रिय प्रतियोगिता अन्तर्गत’ माली महिला महिला राष्ट्रिय टिम ६ रनमै अल-आउट हुन पुगेको हो।

महिला टि-२० अन्तर्राष्ट्रिय क्रिकेट इतिहासकै यो सबैभन्दा कम योगफल हो।

Mali Womens Cricket Team

यस भन्दा अघि चिनको महिला राष्ट्रिय टिम युएई संग यसरी वर्ष जनवरीमा थाईल्याण्ड महिला टि-२० स्म्यास प्रतियोगितामा १४ रनमा अल-आउट भएको थियो। युएईले दिएको २०४ रनको लक्ष्य पछ्याउने क्रममा १० ओभरमा चिनले लज्जास्पद ब्याटिंग गरेको थियो। युएईले उक्त खेल १८९ रनले जितेको थियो जुन रन अन्तरको हिसाबले सबैभन्दा विशाल जित हो।

माली टिम ६ रनमै समेटिन पुगेपछि रुवान्डाले खेल मात्र ४ बलमा पुरा गर्यो। ११६ बल बाँकी रहनु कुनै पनि टिमले जित हात पार्दा योनै सबैभन्दा बढी बल बाँकी रहेको खेल हो।

६ रन बनाए पनि मालीले ९ ओभर ब्याटिंग गरेको थियो। उसका ९ जना ब्याट्सम्यान खाता नखोली आउट भए भने १ जना खाता नखोली अविजित रहिन्। ओपनर मारीएम सामाकेले १ रन बनाएपनि अन्य खेलाडीले खाता खोल्न सकेनन्। रुवान्डाले दिएको अन्य ५ रन अतिरिक्त रन बाट आएको थियो जसमा २ बाई, २ लेग बाइ र १ वाइड सामेल थियो।

रुवान्डाका बलर भुमिलिया ( ३-३-०-२ )  र निरियाँकुन्डीनेजाले ( २-२-०-३ ) कुनै पनि रन नखर्ची २ र ३ विकेट लिएका थिए।

मालीका ३  जना खेलाडी क्याच आउट , २ खेलाडी रन आउट, २ जना एलबिडब्लु र ३ खेलाडी बोल्ड आउट भएका थिए।

पुरुष टि-२० अन्तर्राष्ट्रियमा सबै भन्दा कम योगफल नेदरल्याण्डले बनाएको ३९ रन हो जुन सन् २०१४ मा श्रीलंका बिरुद्धको खेलमा थियो। टि-२० अन्तर्राष्ट्रियमा नेपालको सबैभन्दा कम योगफल ५६ हो जुन आयरल्याण्डसंग सन् २०१५ टि-२० विश्वकपमा थियो।

अन्तर्राष्ट्रिय क्रिकेट परिषदले गत वर्ष आफ्ना १०४ सदस्य राष्ट्रहरुलाई टि-२० अन्तर्राष्ट्रिय राष्ट्रको मान्यता दिएको थियो।

( फोटो – रुवान्डा क्रिकेट )





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]