नेपालको अमेरिका बिरुद्ध जितमा बनेका ७ कीर्तिमान



( Feature photo – thenational.ae )

अमेरिकालाई ५ विकेटले पराजित गर्दै नेपालले आईसीसी विश्वकप लिग-२ मा तेश्रो जित दर्ता गर्न सफल रह्यो। ओमान भ्रमण अन्तर्गत पपुवा न्यु गिनीलाई अघिल्लो २ खेलमा पराजित गरेको नेपालले विजयी लय कायमै राख्ने क्रममा अमेरिकाले दिएको २३१ रनको लक्ष्य सफलतापूर्वक पछ्याउन सफल भयो। खेलको क्रममा नेपाली क्रिकेट टिम र खेलाडीहरुले बिभिन्न कीर्तिमानहरु बनाएका छन् जुन यो लेखमा प्रस्तुत गरेका छौँ –

१. २३१ रन एकदिवसीय अन्तर्राष्ट्रियमा नेपालले पछ्याएको दोश्रो ठूलो लक्ष्य हो। युएई बिरुद्ध २०१९ मा नेपालले लक्ष्य पछ्याउदै सर्वाधिक २५५ रन बनाएको थियो। लक्ष्य पछ्याउने क्रममा एकदिवसीय अन्तर्राष्ट्रिय क्रिकेटमा नेपालले जितेको यो चौथों खेल हो।

२. कुशल भुर्तेलले बनाएको ८४ रन नेपालको एकदिवसीय अन्तर्राष्ट्रिय क्रिकेटमा ओपनिंग ब्याट्सम्यानले बनाएको सर्वाधिक व्यक्तिगत स्कोर हो। यस अघि यो कीर्तिमान ज्ञानेन्द्र मल्लको नाममा रहेको थियो जसले गत वर्ष ओमान बिरुद्ध ओपनिंग गर्दै ५६ रन बनाएका थिए। यस्तै कुशल नेपालको एकदिवसीय अन्तर्राष्ट्रिय क्रिकेटमा तेश्रो सर्वाधिक व्यक्तिगत स्कोर बनाउने ब्याट्सम्यान समेत बनेका छन्। कुशल भन्दा बढी रोहित पौडेलले ८६ तथा पारस खड्काले ११५ रन बनाएका छन्।

३. कुशल भुर्तेल र आसिफ शेखले ६६ रनको ओपनिंग साझेदारी गरे जुन पहिलो विकेटको लागि नेपालको एकदिवसीय अन्तर्राष्ट्रियको सर्वाधिक ओपनिंग साझेदारी हो। आसिफ र कुशलको ६६ रनको साझेदारी समग्रमा संयुक्त रुपमा चौथों ठूलो साझेदारी हो। ओमान टुरमै पपुवा न्यु गिनी बिरुद्ध रोहित पौडेल र करन केसीले सातौँ विकेटको लागि ६६ रनको साझेदारी गरेका थिए।

४. रोहित पौडेल र बिनोद भण्डारी बीच भएको ८४ रनको साझेदारी पाँचौ विकेटको लागि नेपालको एकदिवसीय अन्तर्राष्ट्रियमा सर्वाधिक साझेदारी हो। यस अघि यो कीर्तिमान रोहित पौडेल र पारस खड्काको नाममा रहेको थियो जसले युएई बिरुद्ध २०१९ मा ५४ रनको साझेदारी गरेका थिए।

५. रोहित पौडेल नेपालको एकदिवसीय अन्तर्राष्ट्रिय क्रिकेटमा तिन वटा अर्धशतक बनाउने पहिलो ब्याट्सम्यान बनेका छन्। अमेरिका बिरुद्ध अविजित ६२ रन बनाएका रोहितले ओमान भ्रमण अन्तर्गत पपुवा न्यु गिनीसंग ८४ तथा २०१९ मा युएई बिरुद्ध पहिलो अर्धशतक बनाउने क्रममा ५५ रन बनाएका थिए। रोहित पछि पारस खड्का र ज्ञानेन्द्र मल्लले समान २ पटक अर्धशतक या त्यसमाथिको स्कोर बनाएका छन्।

६. रोहित नेपालको एकदिवसीय अन्तर्राष्ट्रिय क्रिकेटको सर्वाधिक ब्याटिंग औशत भएको खेलाडी बनेका छन्। रोहितले ८ खेलमा २७५ रन बनाएका छन् जुन क्रममा उनको औशत ३९.२८ रहेको छ। रोहित पछि दोश्रो धेरै औशत सोमपाल कामिको ३५.८०, तेश्रो धेरै पारस खड्काको ३५ तथा चौथों धेरै कुशल भुर्तेलको ३४ रहेको छ।

७. नेपाल अमेरिका बिरुद्ध एकदिवसीय अन्तर्राष्ट्रियमा सर्वाधिक जित दर्ता गर्ने टिम बनेको छ। नेपालले अमेरिकालाई ३ पटक प्रतिस्पर्धा हुँदै ३ पटकनै पराजित गरेको छ। नेपाल पछि अमेरिकालाई ओमनाले २ पटक पराजित गरेको छ।





थप समाचार

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

IPL : टस हारेर राजस्थान ब्याटिंग गर्दै, पन्जाबको अन्तिम-११ बाट गेल बाहिर

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]