७१ वर्षको प्रतिक्षा सकियो, कोहली कप्तानीको भारतलाई ऐतिहासिक सफलता



  • विकेटनेपाल, पुष २३ , सूम्बर 

७१ वर्षको प्रतीक्षा पछि भारतले अस्ट्रेलियालाई टेस्ट सिरिजमा पराजित गर्दै ठुलो सफलता हात पारेको छ।

४ टेस्टको सिरिज अन्तर्गत चौथो सिड्नी टेस्ट बराबरीमा टुंगिएपछि भारत २-१ ले सिरिज आफ्नो पक्षमा पर्न सफल भयो।

सिरिज अन्तर्गत पहिलो टेस्ट भारतले ३१ रनले जितेको थियो भने दोश्रो टेस्ट अस्ट्रेलियाले १४६ रनले जितेको थियो। तेश्रो टेस्टमा भारतले कम्ब्याक गर्दै १३७ रनले जितेको थियो। टेस्ट टेस्टमा पनि जितको नजिक पुगेको भारतको लागि चौथो र पाँचौ दिनको वर्षा बाधक बनेको थियो।

टेस्टमा भारतले टस जितेर ब्याटिंग गर्दै ६२२/७ को योगफलमा इनिंग घोषणा गरेपछि ब्याटिंग गरेको अस्ट्रेलियाले आफ्नो पहिलो इनिंगमा ३०० रनमा सबै विकेट गुमाएको थियो। फलो अनमा परेपछि पुनः ब्याटिंग गर्न आएको अस्ट्रेलियाले ६ रन बनाएको अवस्थामा वर्षाले चौथो दिन र पाँचौ दिन पनि खेल हुन पाएन। टेस्ट ड्र भए पछि भारतले सिरिज जितेको हो।

पुजारा प्लेयर अफ द सिरिज 

सिरिजमा ३ वटा शतक र एउटा अर्धशतक मदतले कुल ५२१ रन बनाएका चेतेश्वर पुजारा प्रतियोगिताकै उत्कृस्ट खेलाडी चुनिए। उनले एड्लेड टेस्टमा १२३ र ७१ , पर्थ टेस्टमा २४ र ४ , मेलबर्न टेस्टमा १०६ र ० तथा सिड्नी टेस्टमा १९३ रनको इनिंग खेलेका थिए। पुजारानै चौथो टेस्टको पनि प्लेयर अफ द म्याच चुनिए।

कोहलीको किर्तिमान 

अस्ट्रेलियामा सिरिज जित्ने विराट कोहली पहिलो भारतीय र पहिलो एसियाली कप्तान समेत बन्न पुगेका छन्।

अस्ट्रेलियामा सबैभन्दा धेरै सिरिज जित्ने टिम इंग्ल्याण्ड हो जसले १३ पटक सिरिज जितेको छ भने वेस्ट इन्डिजले ४ पटक, न्युजिल्याण्डले १ पटक र दक्षिण अफ्रीकाले ३ पटक अस्ट्रेलियालाई सिरिजमा पराजित गरेको छ। तर कुनै पनि एसियन टिमले अस्ट्रेलियामा अस्ट्रेलियालाई सिरिजमा पराजित गर्न सकेको थिएन।

भारत बाहिर कोहलीको कप्तानीमा भारतले जितेको यो चौथो टेस्ट सिरिज हो। २०१५ मा श्रीलंकालाई २-१ ले, २०१६ मा वेस्ट इन्डिजलाई २-० ले तथा २०१७ मा श्रीलंकालाई ३-० ले कोहली कप्तानीको टिमले पराजित गरेको थियो।

सिरिज जितपछि कोहलीले यो आफ्नो करियरकै सबैभन्दा ठुलो जित भएको बताएका छन्।

( फोटोहरु – आईसीसी )





थप समाचार

T20WC : कोहलीले बनाए दुई विश्वकीर्तिमान

युएईमा जारि टि-ट्वान्टी विश्वकप अन्तर्गत चिर प्रतिद्वन्द्वी पाकिस्तान बिरुद्ध अर्धशतक बनाएका भारतीय कप्तान कोहलीले नयाँ विश्वकीर्तिमान बनाएका छन्। दुबई अन्तर्राष्ट्रिय स्टेडियममा […]

T20WC : अफ्रिदीको घातक बलिंग, संकटमा कोहलीले उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]