DPL Auction 2018
Live
Home - घरेलु क्रिकेट - विवादबीच महिला क्रिकेटको स्वर्णपदक पुर्वान्चललाई

घरेलु क्रिकेट

विवादबीच महिला क्रिकेटको स्वर्णपदक पुर्वान्चललाई

Wicket Nepal
Administrator

२ विकेट साथमा रहंदा एपीएफलाई जितको लागि ९ बलमा १३ रन आवस्यक रहंदा रितु कनौजियाले प्रहार गरेको सटमा फिल्डर अप्सरा बेगमले क्याच मिस गरिन् l बाउन्ड्री नजिक क्याच मिस भएको बल चौका भए नभएको अम्पायरले फिल्डर अप्सरा बेगमलाई सोधे l पूर्वान्चल फिल्डर बेगमले चौका नभएको बताएपछि अम्पायरले चौका नभएको अन्तिम निर्णय दिए र एपीएफको खातामा २ रन मात्रै जोडियो l

त्यसपछि पुर्वान्चल बलर कविता गौतमले गरेको २ वटै बल वाइड भयो l उक्त घटनाको २ बल पछि एपीएफले उक्त बल चौका भएको र निर्णय सच्चिनुपर्ने दाबी गर्दै खेललाई निरन्तरता दिन मानेनन् l त्यसपछि अम्पायर आफ्नो निर्णयमा अडिक रहँदै एपीएफलाई खेलमा फर्कन गरेको आग्रह एपीएफले अश्विकार गर्यो l

त्यसपछि पनि एपीएफलाई आधा घण्टा खेलमा फर्कन समय दिईयो जुन समयमा पनि एपीएफले आफ्नो अडान नछोडेपछि म्याच रेफ्रीले पूर्वान्चललाई बिजेता घोषित गरे l

खेलको स्कोरकार्ड 

सातौ रास्ट्रिय क्रिकेट अन्तर्गत महिला क्रिकेटको फाइनलमा यसप्रकार पुर्वान्चलले स्वर्णपदक जितेको छ l

एपीएफलाई पूर्वान्चलले ६४ रनको लक्ष दिएको थियो र दोश्रो इनिंगमा खेल अत्यन्त प्रतिस्पर्धात्मक रहेको अवस्थामा उक्त घटना घटेको थियो l एपीएफको स्कोर ५९/८ ( १८.४ ओभर ) हुँदा खेल रोकिएको थियो l

खेलमा म्याच रेफ्रीको भूमिकामा रहेका अदिप प्रधानले खेलमा तेश्रो अम्पायर नभएको अवस्थामा नियमअनुसारनै सम्बन्धित फिल्डरलाई सोधेर निर्णय लिएको प्रतिक्रिया दिएका छन् l

खेलको स्कोरकार्ड हेर्नुस 

 

( सच्याइएको :  ९ बलमा ७ रन हैन ९ बलमा १३ रन l )

( फिचर फोटो : सुरज शाक्य )