नेपालको उत्कृस्ट बलिंग, फाइनल पुग्न हंगकंगले दियो ८७ रनको लक्ष्य



एसीसी अन्डर-१६ पूर्वी क्षेत्र प्रतियोगिता अन्तर्गत सेमीफाइनल खेलमा नेपालले हंगकंगसंग प्रतिस्पर्धा गरिरेको छ।

खेलमा टस जितेर ब्याटिंग गरेको हंगकंगले निर्धारित ३५ ओभर मध्ये ३२.२ ओभरमा ८६ रनमा सम्पूर्ण विकेट गुमाएपछि नेपालले ८७ रनको लक्ष्य पाएको छ।

हंगकंगलाई सानो योगफलमा सिमित गर्न नेपाली बलर निखिल कुमार सिंहले ४ विकेट लिए। ६.२ ओभरमा उनले १६ रन खर्चिए। यस्तै बिशाल कुमार पटेलले २ विकेट ( ४-०-१७-२ ) , रमेश कुर्मीले २ विकेट ( ७-२-१४-२ ) तथा तिलक राज भण्डारी ( ६-१-१६-१ ) ले १ विकेट लिए।

हंगकंगको लागि कप्तान आरुष भागवतले अविजित ४३ रन बनाए। उनले ८३ बलमा ४ चौका प्रहार गरे। लगातार विकेट गुमाए पनि आरुषले चौथो नम्बरमा ब्याटिंग गर्दै अन्तिमसम्म विकेट जोगाएका थिए। आरुष बाहेक अन्य कुनै हंगकंग ब्याट्सम्यानले दोश्रो अंकमा रन बनाउन सकेनन्।

नेपालले अतिरिक्त रनको रुपमा २० रन खर्चियो जसमा १६ वाइड थियो।

प्रतियोगिताको समुह चरणमा नेपाल समुह ‘ए’ को विजेताको रुपमा सेमीफाइनल प्रवेश गरेको हो भने हंगकंग समुह ‘बि’ को उपविजेताको रुपमा।

अहिले जारि अर्को सेमी फाइनल खेलमा समुह ‘बि’ को विजेता सिंगापुर र समुह ‘ए’ को उप-विजेता मलेसियाले प्रतिसपर्धा गरिरहेका छन्। टस हारेर ब्याटिंग गरेको मलेसियाले यो समाचार तयार पार्दा सम्म ३१.४ ओभरमा ५ विकेट गुमाएर १४४ रन बनाएको छ।

प्रतियोगिताको डिफेन्डिङ च्याम्पियन नेपालले २०१७ मा सिंगापुरलाई पराजित गर्दै उपाधि जितेको थियो।

खेलको फोटोहरु :- 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]