पुलिससंग आर्मी पराजित, आरिफको अल-राउण्ड प्रदर्शन



सानो योगफलको खेलमा त्रिभुवन आर्मी क्लबलाई ५० रनले पराजित गर्दै नेपाल पुलिस क्लबले प्रधानमन्त्री कप क्रिकेट प्रतियोगितामा तेश्रो जित दर्ता गरेको छ।

टियु मैदानको मध्य पिच जुन सुस्त विकेटको रुपमा चिनिन्छ त्यहाँ ब्याट्सम्यानहरुले खुलेर रन बनाउन सकेनन्।

टस जितेर आर्मीले फिल्डिंग रोजेपछि ब्याटिंग गरेको पुलिसले ४८.४ ओभरमा सबै विकेट गुमाएर १६१ रन मात्रै बनाउन सकेको थियो। तर लक्ष्य पछ्याउने क्रममा आर्मीले झनै खराब ब्याटिंग गर्यो र ४२.३ ओभरमा १११ रनमै सम्पूर्ण विकेट गुमाउन पुग्यो।

समुह ‘बि’ अन्तर्गत त्रिभुवन आर्मी क्लब सेमीफाइनल पुग्ने पक्का जसो रहेको छ। ४ खेलमा आर्मीले ३ जित र १ हार बेहोर्दै ६ अंक रहेको छ भने पुलिसको १ खेल अगावै ६ अंक रहेको छ। अब भोलि टियु मैदानमा हुने पुलिस र प्रदेश-२ बीचको खेलले को-को सेमीफाइनल पुग्ने निर्णय हुनेछ। प्रदेश-२ लाई सेमीफाइनल पुग्न पुलिसलाई पराजित गरेर मात्रै हुँदैन नेट-रन रेटमा समेत पछि पार्न ठुलो अन्तरले पराजित गर्नुपर्नेछ। पुलिसको १.४७ नेट रन रेट रहेको छ भने प्रदेश-२ को ०.८६८। पुलिसले खेल जितेमा समुह विजेताको रुपमा सेमीफाइनल प्रवेश गर्नेछ।

पुलिसले दिएको १६२ रनको लक्ष्य पछ्याउने क्रममा आर्मीले सुरुवात देखि लगातार विकेट गुमाउन पुगेको थियो। हरि बहादुर चौहानले ३४, राजु रिजाल र रोहित पौडेलले समान १६ रन बनाए।

पुलिसको लागि देब्रे हाते स्पिनर ललित राजबंशीले सर्वाधिक ३ विकेट ( ८.३-२-३१-३ ) तथा आरिफ शेख ( ७-१-१८-२ ) र दिपेन्द्र ऐरी ( १०-५-२१-२ ) ले २/२ विकेट लिए। सगर ढकाल ( ८-३-१०-१ ) र पवन सर्राफ ( ९-१-३१-१ ) ले १/१ विकेट लिए। नियमित फास्ट बलर ललित भण्डारी बिनै पुलिस उत्रिएको थियो।

शाहब आलमको उत्कृस्ट बलिङ्ग 

यस अघि टस हारेर पहिले ब्याटिंग गरेको पुलिसले ४८.४ ओभरमा सम्पूर्ण विकेट गुमाएर १६१ रन बनाएको थियो।

खराब सुरुवात गर्ने क्रममा पुलिसले पहिलो ३ विकेट २४ रनको योगफलमै गुमाउन पुगेको थियो। प्रतियोगितामा पुलिसको लागि यस अघिको खेल नखेलेका सुनिल धमलाले पहिलो पटक मौका पाउदा त्यसको सदुपयोग गर्न सकेनन् र ५ रन बनाएर आउट भए। यस्तै अघिल्लो खेलमा शतक बनाएका अमित श्रेष्ठ ४ तथा अनिल साह १३ रन बनाएर आउट भए।

Aarif Sheikh , Manjeet Shrestha

चौथो विकेटको लागि दिपेन्द्र ऐरी र दिलिप नाथले ३७ रनको साझेदारी गरे। दिलिप १४ रन बनाएर आउट भए जस लगत्तै दीपेन्द्र पनि २९ तथा कुशल भुर्तेल ५ रन बनाएर आउट भए।

९४/७ ( ३१.३ ओभर ) को नाजुक अवस्थामा पुगेको पुलिसको लागि त्यसपछि कप्तान मन्जित श्रेष्ठ र आरिफ शेखले अर्धशतकीय साझेदारी गर्दै योगफल १५० पार गराए। ३४ रन ( ५४ बलमा २ चौका ) बनाएर आरिफ ४६ औं ओभरमा आउट हुन पुगे।

मन्जित श्रेष्ठले ३६ रन बनाएर अन्तिम सम्म अविजित रहे। श्रेष्ठले ६२ बलमा ३ चौका र १ छक्का प्रहार गरे।

Shahab Alam

आर्मीको बलिंगमा देब्रे हाते स्पिनर शाहब आलमले सर्वाधिक ४ विकेट लिए जुन क्रममा १० ओभरमा २ मेडन ओभर गर्दै ३० रन खर्चिए। यस्तै करन केसीले २ ( ९.४-०-३६-२ ) र जितेन्द्र मुखिया, सुशन भारि र कुशल मल्लले १/१ विकेट लिए। स्कोरकार्ड  , अंकतालिका 

 





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]