आरिफलाई म्याच ‘फि’ को ५० प्रतिशत जरिवाना



  • विकेटनेपाल, पौष १३ – बिहिबार

एभरेस्ट प्रिमियर लिग क्रिकेट अन्तर्गत भैरहवा ग्लाडीएटर्स र ललितपुर प्याट्रीयट्स बिचको दोश्रो क्वालिफायर खेलमा भैरहवाका खेलाडी आरिफ शेखलाई म्याच रेफ्रीले जरिवाना सजाय सुनाएका छन् ।

आज सम्पन्न खेलमा अम्पाएरले दिएको निर्णयलाई अस्वीकार गर्दै आरिफले अम्पाएरप्रति लक्षित गर्दै खराब ब्यबहार देखाएपछि म्याच रेफ्री मोहम्मद शाफिकले म्याच फिको ५० प्रतिशत जरिवाना तोकेका हुन्।

स्पिनर ललित राजबंशीले गरेको १३ औं ओभरको तेस्रो बलमा लेग साइडमा फ्लिक गर्दै १ रन लिन खोज्दा बल कभरको दिशातर्फ गएको थियो। अम्पाएरले एलबिडब्लु आउट दिएपछी आरिफले अम्पायरतर्फ हेर्दै आक्रोश ब्यक्त गरेका थिए भने लगत्तै ब्याटले जमिनमा हानेका थिए र अम्पायरले विकेटको इशारा गरेपछि मैदान छोड्न ढिला गरेका थिए।

अन्तर्राष्ट्रिय क्रिकेट परिषद आईसीसीको कोड अफ कन्डक्ट २.२.५ अनुसार अम्पायरको निर्णय प्रति गम्भीर मतभेद देखाउन पाइदैन। अम्पायर प्रति लक्षित रहँदै रिस देखाउदा, विकेट गुमेपछि बाहिर जान ढिला गर्दा म्याच रेफ्रीले कारबाही गर्न सक्छ।

आरिफ शेखले पनि आफुले गल्ती गरेको स्वीकारी सकेका छन् ।

इपिएलले जारि गरेको विज्ञप्ति

आरिफ ६ बलमा ६ रन बनाएर आउट हुँदा भैरहवाले १२.३ ओभरमा ७४ रन बनाउदै ४ विकेट गुमाईसकेको थियो । फाइनलमा स्थान बनाउन भैरहवाले ललितपुरले दिएको १३३ रनको लक्ष्य पछ्याउदै थियो । अन्त्यमा खेल भैरहवाले जित्यो र फाइनलमा बिराटनगर वारियर्ससँगको भेट पक्का गर्यो ।

यस अघि पनि भैरहवाकै खेलाडी रोहित पौडेलले अम्पायर प्रति यस्तै ब्यबहार गरेको कारण म्याच ‘फि’ को १० प्रतिशत जरिवाना भोगेका थिए।बुधबार भएको ललितपुर प्याट्रीयट्ससंगको खेलमा अम्पाएरले दिएको निर्णयलाई अस्वीकार गर्दै अम्पाएरप्रति लक्षित गर्दै खराब ब्यबहार देखाएको कारण उनलाई खेलका म्याच रेफ्री मनोहर अधिकारीले म्याच फिको १० प्रतिशत जरिवाना तोकेका थिए।  पुरा पढ्नुस 

कति हुन्छ जरिवाना रकम ? 

खेलाडीले अक्सनमा पाएको मूल्यलाई लिगमा खेलेको कुल खेलले भाग लगाएपछि आउने रकम म्याच ‘फि’ गनिन्छ। त्यस अनुसार आरिफ शेख अक्सनमा सबैभन्दा महँगो रकम १ लाख ७५ हजारमा बिकेका थिए।

१,७५,०००/५ =  ३५,००० । ३५,००० को ५० प्रतिशत = १७,५०० 

आरिफले जरिवाना बापत १७ हजार ५०० रुपैयाँ तिर्नु पर्नेछ।

 

(फोटो श्रोत – भैरहवा ग्लाडीएटर्स फेसबुक )





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]