आरिफको करियरकै उच्च प्रदर्शन, पीएनजी बिरुद्ध नेपालको कीर्तिमानी जित ( अंकतालिका सहित )



आईसीसी विश्वकप लिग-२ अन्तर्गत युएईमा आज सम्पन्न त्रिकोणात्मक एकदिवसीय अन्तर्राष्ट्रिय सिरिजको चौंथो तथा अन्तिम खेलमा नेपालले पपुवा न्यु गिनीलाई ७ विकेटले पराजित गरेको छ।

दुबई अन्तर्राष्ट्रिय स्टेडियममा जितका लागि पाएको १७४ रनको लक्ष्य नेपालले ३७ ओभरमा ३ विकेट गुमाएर भेट्टायो। यो जित नेपालको एकदिवसीय अन्तर्राष्ट्रिय इतिहासमा विकेटको आधारमा दोश्रो तथा बल बाँकी रहेको आधारमा तेश्रो ठूलो जित हो। पपुवा न्यु गिनी बिरुद्ध पनि यो नेपालको सबैभन्दा ठूलो अन्तरको जित हो।

स्कोरकार्ड, अंकतालिका 

नेपालको जितमा कुशल भुर्तेल र आरिफ शेखले अर्धशतकीय योगदान दिए। शेख ५९ रनमा नट आउट रहे भने भुर्तेल ५० रनमा आउट भए । रोहित पौडेल पनि ४४ रनमा नट आउट भए । ओपनर आसिफ शेख २ रनमा तथा दिपेन्द्र ऐरी खाता नखोली आउट भए।  प्लेयर अफ द म्याच समेत चुनिएका आरिफको अन्तर्राष्ट्रिय करियरकै यो पहिलो अर्धशतक हो।

ज्ञानेन्द्र मल्ल अन्तिम एघारमा नहुँदा तेश्रो नम्बरमा ब्याटिंग गरेका आरिफले दोश्रो विकेटको लागि कुशल भुर्तेलसंग ८७ रनको तथा चौंथो विकेटको लागि रोहित पौडेलसंग ७७ रनको साझेदारी गरे। आरिफ र रोहित बीचको ७७ रनको साझेदारी नेपालको चौंथो विकेटको लागि एकदिवसीय अन्तर्राष्ट्रियमा उच्च साझेदारी हो। यस अघि चौंथो विकेटको लागि उच्च साझेदारी सुबास खकुरेल र दिपेन्द्र ऐरी बीचको ५८ रनको साझेदारी थियो।

दुबईमा टस हारेर व्याटिङको निम्तो पाएको पपुवा न्यूगिनीले ५० ओभरमा ८ विकेट गुमाएर १७३ रन बनायो । उसका लागि असद भालाले सर्वाधिक ४५ रन बनाए ।

नेपालका सोमपाल कामी ( १०-१-३७-२ )  र सन्दीप लामिछानेले ( १०-०-२९-२ ) समान २ विकेट लिए भने करण केसी, आरिफ शेख, दीपेन्द्र सिंह ऐरी र पवन शरार्फले १–१ विकेट हात पारे ।

सिरिज अन्तर्गत नेपालले पपुवा न्यु गिनी बिरुद्ध दुवै खेलमा जित दर्ता गर्यो भने युएईसंगको दुवै खेलमा पराजित भयो।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]