‘२०२३ विश्वकपसम्म खेल्छु’ फिन्च



अस्ट्रेलियन सिमित ओभर क्रिकेटका कप्तान आरोन फिन्चले कोभिड-१९ को कारण पाएको क्रिकेट ब्रेकले आफ्नो करियरबारे पुनर्विचार गर्न पाएको बताएका छन्।

३४ वर्षीय फिन्चले २०२३ मा भारतमा आयोजना हुने एकदिवसीय विश्वकपसम्म खेल्ने लक्ष्य बनाएर करियर अघि बढाउने बताएका छन्।

“२०२३ को विश्वकप फाइनलको स्टेजमा मेरो करियरको अन्त्य हुनेछ। त्यो मेरो लक्ष्य हो जसमा म अडिग छु।” फिंचले सेन रेडियो नेटवर्कसंगको अन्तर्वार्तामा बताए।

“पहिले पनि मेरो दिमागमा यो कुरा थियो तर अहिले पाएको फुर्सदले अब म पक्का भएको छु। त्यो बेलामा ३६ वर्षको हुनेछु, मेरो फर्म, फिटनेस जस्ता कुराहरुको साथ भने चाहिन्छ।”

दायाँ हाते ब्याट्सम्यानले अस्ट्रेलियाको लागि २०२१ र २०२२ को टि-२० विश्वकप तथा २०२३ को एकदिवसीय विश्वकपमा अस्ट्रेलियाको कप्तानी गर्ने मनसाय व्यक्त गरेका छन्।

“अहिले फुर्सद पाउँदा मलाई पनि अरुलाई जस्तै मुस्किल भएको छ। तर खेलाडीको रुपमा वर्षमा १०-११ महिना यात्रा गर्ने हामीलाई मानसिक रुपमा यसले ताजगी दिएको छ। यो आवस्यक पनि थियो तर मौका मिलेको थिएन। यो ब्रेकले मलाई मानसिक रुपमा आफ्नो लक्ष्य प्रति अझ अडिग बनाएको छ।”

फिंचले एकदिवसीयमा १६ शतक र २६ अर्धशतक मद्दतले ४,८८२ रन बनाएका छन्।

६ महिना पछि फिन्च र अस्ट्रेलियन टिम आगामी महिना इंग्ल्यान्ड भ्रमणमा टि-२० र वानडे सिरीज खेल्दै क्रिकेटमा फर्कनेछ। सिरिज सेप्टेम्बर ४ मा साउथह्याम्पटनमा सुरु हुनेछ। फिन्चले कोभिड-१९ मा क्रिकेटलाई निकै याद गरेको बताए-

“लकडाउनको पहिलो महिना क्रिकेट याद आएन। तर, त्यो वास्तवमा मेरो लागि अलार्मको घन्टी जस्तो थियो कि अब सन्यास लिने बेला भएको हो ? ३२ औं दिन अभ्यास नगर्दा यो कुरा मेरो मनमा आयो जसपछि मैले सोचे कि अब क्रिकेटमा फर्किनु पर्छ।”

“म पुनः क्रिकेट सुरु गर्न उत्साहित छु। ५ महिना बितिसक्यो, यति लामो फुर्सद सामान्यत पाइदैन। तर मलाई लाग्छ पहिलो ३ महिना पछि फुर्सदनै नयाँ लाग्न छोडेको थियो। त्यसपछि सबै जना मैदानमा फर्कन आतुर छन्।”

फिन्चले २०११ मा टि-२० र २०१३ मा वानडेमा डेब्यु गरेका थिए। अस्ट्रेलियाको लागी १२६ एकदिवसीयमा १६ शतक र २६ अर्धशतक मद्दतले फिंचले ४,८८२ रन बनाएका छन्। यस्तै टि-२० मा ६१ खेलमा २ शतक र १२ अर्धशतक मद्दतले १,९८९ रन बनाइसकेका छन्। मात्र ५ टेस्ट खेलेका फिन्चले २ अर्धशतक प्रहार गर्दै २७८ रन बनाएका छन्।

सम्बन्धित :-

अस्ट्रेलियाले सेप्टेम्बरमा इंग्ल्यान्ड भ्रमण गर्ने पक्का, यस्तो छ खेलतालिका

CPL : स्यान्टनर र राशिद खानले अलराउण्ड प्रदर्शनमा बार्बेडोसको जित

आईपिएल : यो सिजन डेब्यु गर्न सक्ने ५ विदेशी खेलाडी

कोहलीको अन्तर्राष्ट्रिय क्रिकेटमा १२ वर्ष पुरा, उनले बनाएका २० किर्तिमान

IPL : वोक्सको स्थानमा दिल्लीले दक्षिण अफ्रिकी पेसर नोर्कियालाई भित्र्यायो

सिपिएल टि-२० : खेल समय र तालिका, लाइभ कहाँ हेर्ने, सबै जानकारी एकै ठाउँमा

१९ महिना देखि रोकिएको राष्ट्रिय क्रिकेटरहरुको तलब दिन क्यानले प्रक्रिया थाल्यो





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]