आसिफको कीर्तिमानी पारिका बाबजुद नेपाल १९६ मै सिमित, बिलालको घातक बलिंग



आईसीसी विश्वकप लिग-२ अन्तर्गत ओमानमा जारि त्रिकोणात्मक एकदिवसीय अन्तर्राष्ट्रिय सिरिजमा नेपालले  आफ्नो दोश्रो खेलमा आयोजक ओमानसंग प्रतिस्पर्धा गरिरहेको छ।

अल अमिरात मैदानमा टस जितेर ब्याटिंग रोजेको नेपालले ४७.४ ओभरमा १९६ रनमा सम्पूर्ण विकेट गुमाएर ओमानलाई १९७ रनको लक्ष्य प्रस्तुत गरेको छ।

नेपालको लागि ओपनर आसिफ शेखले व्यक्तिगत पहिलो एकदिवसीय अन्तर्राष्ट्रिय अर्धशतक बनाउने क्रममा सर्वाधिक ९० रन बनाए जुन क्रममा उनले ११२ बलमा ७ चौका र १ छक्का प्रहार गरे। आसिफको स्कोर एकदिवसीय अन्तर्राष्ट्रियमा पारस खड्काको ११५ रन पछि दोश्रो व्यक्तिगत सर्वाधिक स्कोर हो। यस्तै ओपनरको रुपमा यो नेपाली ब्याट्सम्यानको सर्वाधिक स्कोर समेत हो। कुशल भुर्तेलले अघिल्लो खेलमा ८४ रन बनाएका थिए जुन कीर्तिमान आसिफले तोडेका हुन्।

आसिफ बाहेक अन्य नेपाली ब्याट्सम्यानले भने ठूलो स्कोर बनाउन सकेनन्। ज्ञानेन्द्र मल्ल र करन केसीले समान २१, रोहित पौडेलले २० तथा सन्दिप लामिछानेले १६ रन बनाए। सोमपाल कामि ७, बिनोद भण्डारी ६, कुशल मल्ल ४ तथा कुशल भुर्तेल खाता नखोली आउट भए।

ओपनर कुशल भुर्तेल इनिंग्सको दोश्रो बलमै खाता नखोली बिलाल खानबाट बोल्ड भएपछि दोश्रो विकेटको लागि आसिफले ज्ञानेन्द्र मल्लसंग ५८ रनको साझेदारी गरे। मल्ल १२ औं ओभरमा मोहम्मद नदीमबाट क्याच आउट भए। त्यसपछि आसिफले रोहित पौडेलसंग ४२ रन जोडे। २३ औं ओभरमा रोहितलाई नेस्टोर धाम्बाले क्याच आउट गराए। त्यसपछि आसिफले एक किनार सम्हालेता पनि नेपालले अर्को किनारमा लगातार विकेट गुमाउन पुग्यो। ठूलो सट खेल्ने प्रयास गर्दा बिनोद भण्डारीलाई धाम्बाले लंग अनअनमा क्याच आउट गराए। त्यसपछि सोमपाल कामि रन आउट हुन पुगे। लगत्तै कुशल मल्ललाई बिलाल खानले बोल्ड गरे। ३६ औं ओभरमा आसिफलाई बिलाल खानले बोल्ड गरे। सोहि ओभरमा बिक्रम सोब पनि बिलालबाट बोल्ड भए। फलस्वरुप १००२/२ को अवस्थाबाट नेपाल १५६/८ को अवस्थामा पुग्यो।

दशौँ नम्बरमा ब्याटिंग गरेका सन्दिप लामिछानेले १ छक्का र १ चौका मद्दतले १६ रन बनाउदै नेपालको योगफल बढाए। सन्दिप रन आउट भएपछि करन केसीले अन्तिम विकेटको लागि सुशन भारिसंग २३ रनको साझेदारी गरे।

ओमानको बलिंगमा देब्रे हाते फास्ट बलर बिलाल खानले सर्वाधिक ४ विकेट लिए जुन क्रममा १० ओभरमा १ मेडन ओभर गर्दै ४७ रन खर्चिए। नेस्टर धाम्बाले २ विकेट ( ५-०-२५-२ ) तथा जिशान मक्सुद ( ८.४-१-३२-१ ) र मोहम्मद नदीम ( ७-०-२६-१ ) ले समान १ विकेट लिए।

खेलमा टस जितेर ब्याटिंग रोजेको नेपालले अमेरिकासंग पछिल्लो खेलकै अन्तिम-११ मैदानमा उतारेको छ। शरद भेसावकर सहित पवन सर्राफ, अविनाश बोहरा, आरिफ शेख र गुल्सन झाले अन्तिम-११ मा मौका पाउन सकेनन्।

सिरिज अन्तर्गत नेपालले पहिलो खेलमा अमेरिकालाई ५ विकेटले पराजित गरेको थियो। लिग-२ अन्तर्गत नेपालले ओमानसंग यस अघि खेलिएको दुवै खेलमा हार बेहोरेको थियो।





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]