एबी डी भिल्लियर्सले सन्यास लिए



  • विकेटनेपाल, जेठ ९ – बुधबार

दक्षिण अफ्रिकाका क्रिकेटर अब्राहम बेन्जामिन डी भिल्लियर्स (एबी डी भिल्लियर्स) ले अन्तर्राष्ट्रिय क्रिकेटबाट सन्यास लिएका छन् ।

दक्षिण अफ्रिकाका पुर्व टेस्ट तथा एकदिवसीय कप्तान समेत रहेका डी भिल्लियर्सले आजकै मितिदेखि अन्तर्राष्ट्रिय क्रिकेटका तिनै फर्म्याट टेस्ट, एकदिवसीय र टि-२० क्रिकेटबाट सन्यास लिएको बताएका छन् । तर दक्षिण अफ्रिकाको घरेलु क्रिकेटमा भने उपस्थित हुनेछन् ।

सामाजिक संजालमा एक भिडियो प्रस्तुत गर्दै उनले आफुले “थकाई” को कारणले अन्तर्राष्ट्रिय क्रिकेटबाट सन्यास लिएको र अन्य कुनैपनि देशकोलागि खेल्ने योजना नरहेको बताएका छन् । त्यसमा थपेका छन्, लामो अन्तर्राष्ट्रिय करियर सकाउँदै अब अन्य खेलाडीहरुले जिम्मेवारी लिनुपर्ने बताएका छन् ।

सन् २००४ मा इंग्ल्याण्ड बिरुद्दको टेस्ट सिरिज खेल्दै अन्तर्राष्ट्रिय क्रिकेट सुरु गरेका डी भिल्लियर्सले ११४ टेस्ट खेल, २२८ एकदिवसीय खेल र ७८ अन्तर्राष्ट्रिय टि- २० खेल खेल्दै ८७६५ टेस्ट रन, ९५७७ एकदिवसीय र १६७२ टि-२० रनका साथ अन्तर्राष्ट्रिय क्रिकेटलाई बिदाई गरेको घोषणा गरेका छन् ।

उनले टेस्ट क्रिकेट र एकदिवसीय क्रिकेटमा क्रमश: ५०.६६ र ५३.५० को औसतमा ब्याटिंग गर्दै दुई फर्म्याटमा ५० भन्दा माथिको औसत हुने केहि खेलाडीको सुचीमा रहेका छन् ।

३४ बर्षीय एबी डी को नाममा एकदिवसीय क्रिकेटमा सबैभन्दा छिटो एकदिवसीय अर्धशतक (१६ बल), शतक (३१ बल) र १५० रन (६४ बल) प्रहार गर्ने किर्तिमान रहेको छ ।

भर्खरै रोयल च्यालेंजर्स बैंगलोरका लागि इन्डियन प्रिमियर लिग क्रिकेटमा सहभागी भएर घर फर्केका डी भिल्लियर्सले हालै सम्पन्न भारत र अस्ट्रेलिया बिरुद्द घरेलु सिरिज जितमा महत्त्वपूर्ण भूमिका निर्वाह गरेका थिए ।

उनले अस्ट्रेलियाबिरुद्द जोहानेसवर्गमा सम्पन्न टेस्ट खेलमा दक्षिण अफ्रिकाको लागि अन्तिम पटक खेलेका थिए जहाँ घरेलु टिमले ४९२ रनको जित निकाल्दै सिरिज ३-१ ले आफ्नो नाममा गरेको थियो ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]