डी भिल्लियर्सको विस्फोटक पारिमा बेंगलोरको दोश्रो जित



  • विकेटनेपाल, बैशाख ९ – आइतबार

इन्डियन प्रिमियर लिग (आइपिएल) क्रिकेट अन्तर्गत गएराती भएको खेलमा रोयल च्यालेंजर्स बेंगलोरले दोश्रो जित हात पार्ने क्रममा दिल्ली डेयरडेभिल्सलाई ६ विकेटले पराजित गर्यो । दिल्लीको भने यो पाचौं खेलमा चौथो हार रहेको छ ।

हारसँगै दिल्ली एकखेलमा जित सहित २ अंकका साथ अंकतालिकामा अन्तिम स्थानमा रहेको छ भने बेंगलोर २ जितबाट ४ अंक र समान ४ अंक नै भएको राजस्थान रोयल्स भन्दा राम्रो रनरेटका कारण पाचौं स्थानमा उक्लिएको छ । यस्तै हिजै भएको पहिलो खेलमा कोलकत्ता नाइटराइडर्सलाई फराकिलो ९ विकेटले पराजित गर्दै किंग्स ईलाभेन पन्जाब पहिलो स्थानमा चढेको छ ।

दिल्लीले दिएको १७५ रनको लक्ष्य पछ्याएको बेंगलोरका लागि एबी डी भिल्लियर्सले जादुमय अविजित ९० रनको पारि खेलेपछि मात्र ४ विकेट गुमाएर १८ ओभरमा पुरा गरेको थियो । मात्र ३९ बल सामना गरेका उनले ३९ बलमा १० चौका र ५ छक्का प्रहार गरे जसमध्ये एउटा १०६ मिटरको छक्का पनि हानेका थिए । त्यस्तै उनलाई कोहलीले ३० रन (२६ बल, २ चौका, १ छक्का), मन्दिप सिंहले अविजित १७ रन (९ बल, १ चौका, १ छक्का) बनाएर साथ दिए ।

बलिंगतर्फ दिल्लीका ग्लेन म्याक्सवेलले २ ओभरमा १३ रन खर्चेर १ विकेट लिए भने हर्षल पटेल र ट्रेन्ट बोल्टले समान ३३ रन खर्चिदैं १/१ विकेट लिए ।

यसअघि टस हारेर पहिले ब्याटिंग गरेको दिल्लीले रिशब पन्तको ८५ रन तथा श्रेयस ईयरको ५२ रनको मद्दतमा २० ओभरमा ५ विकेट गुमाएर १७४ बनाएको थियो । ४८ बल सामना गरेका पन्तले ६ चौका र ७ छक्का तथा ३१ बल सामना गरेका ईयरले ४ चौका र ३ छक्का सहित तेस्रो विकेटको लागि ७५ रनको सामना गरेका थिए । त्यस्तै पन्तले पाचौं विकेटको रुपमा आउट हुनुपुर्व राहुल तेवातिया  सँग मिलेर आक्रामक ६५ रनको साझेदारी गरेका थिए । तेवातियाले अविजित १३ रन बनाउन ९ बल खर्चे ।

बेंगलोरको लागि युज्बेन्द्र चाहलले २ विकेट लिने क्रममा ३ ओभरमा २२ रन खर्चिदा उमेश यादव, कोरी एन्डरसन र वाशिंगटन सुन्दरले सम्मान १/१ विकेट लिए । एबी डी भिल्लियर्स म्यान अफ द म्याच घोषित भए ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]