एसीसी यु-१९ पूर्वी : चिन २८ रनमै अल-आउट, थाईल्याण्ड र मलेसिया विजयी



एसीसी अन्डर-१९ इस्टर्न रिजन एकदिवसीय प्रतियोगिता मलेसियामा सुरु भएको छ।

प्रतियोगितामा डिफेन्डिङ च्याम्पियन नेपाल सहित चिन, सिंगापुर, मलेसिया, हंगकंग, भुटान र थाइल्याण्ड रहेका छन्। नेपाल रहेको समुह ‘ए’  चिन र सिंगापुर रहेका छन्। नेपालले आफ्नो पहिलो खेल भोलि बुधबार चिनसंग खेल्नेछ। यस्तै समुह ‘बि’ मा आयोजक मलेसिया सहित हंगकंग, भुटान र थाइल्याण्ड रहेका छन्। दुवै समुहबाट उत्कृस्ट २ टिम सेमीफाइनल प्रवेश गर्नेछ।

प्रतियोगिताको विजेता टिमले अगस्ट/सेप्टेम्बरमा श्रीलंकामा आयोजना हुने यु-१९ एसिया कप खेल्न छनौट हुनेछ।

चिन २८ रनमै अल-आउट 

प्रतियोगिताको पहिलो दिन सम्पन्न २ वटा खेलमा सिंगापुरले चिनलाई ८ विकेटले तथा मलेसियाले थाईल्याण्डलाई १६ रनले पराजित गरेको छ।

समुह ‘ए’ अन्तर्गतको खेलमा टस हारेर ब्याटिंग गरेको चिनले २३ ओभर ब्याटिंग गरे पनि २८ रनमा सम्पूर्ण विकेट गुमाउन पुग्यो।

सिंगापुर बलर भिनित मेहता एक्लैले ७ विकेट लिदै चिनको इनिंग धरासायी बनाए। उनले ६ ओभरमा २ मेडन ओभर गर्दै मात्र ८ रन खर्चिए। निल कार्निक, प्रनभ किशनन र प्रमेश सिन्घभीले १/१ विकेट लिए।

चिनको योगफलमा सिंगापुरले दिएको १५ अतिरिक्त रन सर्वाधिक योगदान थियो। कप्तान वे गुलोइले सर्वाधिक ७ रन, गुहाओ गावले ३, लियंग चेनले २ तथा लिउयांग वांगले १ रन बनाउनु बाहेक अन्य ७ ब्याट्सम्यानले खाता खोल्न सकेनन्।

पहिलो ३ विकेट १९ रनमा गुमाएको चिनले त्यसपछि ९ रन जोड्दा बाँकी ७ विकेट गुमाउन पुगेको थियो।

२४ रनको लक्ष्य सिंगापुरले ६.५ ओभरमा २ विकेट गुमाएर पुरा गारो। साइ भेनुगोपालले अविजित १५ तथा भिनित मेहताले ११ रन बनाए। चिन बलर तियान सेन कुनले २ विकेट लिए। स्कोरकार्ड  , अंकतालिका

मलेसियाको जित 

टस जितेर ब्याटिंग गरेको मलेसियाले ३०.३ ओभरमा पुरा विकेट गुमाएर ९४ रन बनाएको थियो। ९५ रनको लक्ष्य पछ्याउदा थाईल्याण्डले २६.४ ओभरमा ७८ रनमा सबै विकेट गुमाउन पुग्यो।

मलेसियाको लागि ब्याटिंगमा वान जुल्करनियानले २९ रन बनाए भने बलिंगमा मुहम्मद अमिरले ४ विकेट लिए। सिंगापुर बलर सारुवात मालीवानले ५ विकेट लिए। स्कोरकार्ड , अंकतालिका

प्रतियोगिता अन्तर्गत भोलि नेपालले चिनसंग पहिलो खेल किनरारा ओभल मैदानमा नेपाली समय ७:४५ बजे ( मलेसिया समय १० बजे ) बिहान खेल्नेछ। भोलिनै हुने दोश्रो खेलमा मलेसिया र भुटानले प्रतिस्पर्धा गर्नेछन्।

नेपालको दोश्रो खेल जुलाई ५ मा सिंगापुरसंग खेल्नेछ।

नेपाली टिम :

रोहित पौडेलले ( कप्तान )  रित गौतम, पवन सर्राफ, विशाल विक्रम केसी, भीम सार्की, कुशल मल्ल, रशिद खान, सागर ढकाल, हरिबहादुर चौहान, प्रतिष जिसी, कमलसिंह ऐरी, खडक बोहरा, तिलक भण्डारी र लोकेश बम।

प्रशिक्षक : विनोद दास ,  व्यवस्थापक :  राजु खड्का , फिजियो : विक्रम न्यौपाने





थप समाचार

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]