यु-१९ इस्टर्न दोश्रो दिन : चिन र भुटानको लज्जास्पद प्रदर्शन, नेपाल र मलेसियाको रवाफिलो जित



मलेसियामा मंगलबार देखि सुरु भएको एसीसी अन्डर-१९ इस्टर्न रिजन प्रतियोगिता अन्तर्गत दोश्रो दिन ३ वटा खेलहरु सम्पन्न भएका छन्।

आज सम्पन्न खेलहरुमा समुह ‘ए’ अन्तर्गत नेपालले चिनलाई तथा समुह ‘बि’ अन्तर्गत  हंगकंगले थाईल्याण्डलाई तथा आयोजक मलेसियाले भुटानलाई पराजित गर्यो।

जित सहित समुह ‘ए’ बाट नेपाल र सिंगापुरले सेमीफाइनलमा स्थान पक्का गरे भने चिन २ खेलमा पराजित हुँदै प्रतियोगिताबाट बाहिरिन पुग्यो। समुह ‘बि’ अन्तर्गत मलेसियाले लगातार २ जित हात पार्दै सेमीफाइनल प्रवेश निश्चित जस्तो गरेको छ।

प्रतियोगिताको विजेता टिमले अगस्ट/सेप्टेम्बरमा श्रीलंकामा आयोजना हुने यु-१९ एसिया कप खेल्न छनौट हुनेछ।

अंकतालिका ( दोश्रो दिनको खेल पछि )

नेपाल Vs चिन 

किनरारा ओभल मैदानमा टस जितेर नेपालले बलिंग रोजेपछि चिनले २३.१ ओभरमा ५३ रनमा सम्पूर्ण विकेट गुमाउन पुग्यो। ५४ रनको लक्ष्य नेपालले ५ ओभरमा विकेट नगुमाई पुरा गर्दै १० विकेटको विशाल जित निकाल्यो।

जितमा देब्रे हाते स्पिनर सागर ढकालले ६ विकेट तथा लेग स्पिनर तिलक राज भण्डारीले ३ विकेट लिए भने ब्याटिंगमा पवन सर्राफले विस्फोटक ४६ रनको इनिंग खेले। स्कोरकार्ड , अंकतालिका 

Sagar Dhakal

हंगकंग Vs थाईल्याण्ड 

आफ्नो पहिलो खेलमा जित निकाल्ने क्रममा थाईल्याण्डलाई हंगकंगले ५ विकेटले पराजित गर्यो। थाईल्याण्डले दिएको १०० रनको लक्ष्य हंगकंगले ५ विकेट गुमाएर २० ओभरमै भेटायो। थाईल्याण्डको यो दोश्रो हार हो।

हंगकंगको लागि ब्याटिंगमा नसरुलाह रानाले ४६ तथा बलिंगमा रौनक कपुरले ५ र विकास शर्माले ४ विकेट लिए। स्कोरकार्ड  , अंकतालिका 

मलेसिया Vs भुटान 

आयोजक मलेसियाले दोश्रो जित निकाल्ने क्रममा भुटानलाई २६० रनको विशाल अन्तरले हरायो।
पहिले ब्याटिंग गर्दै मलेसियाले २८८ रन बनाएको थियो।

लक्ष्य पछ्याउने क्रममा भुटानले २८ रन मात्रै बनाउन सक्यो। भुटानका ७ जना ब्याट्सम्यानले खाता खोल्न सकेनन्। गाकुल घले र नम्गांग छेजेले समान ९/९ रन बनाए।

मलेसियाको ब्याटिंगमा असलम खान मलिकले ६६, मुहम्मद अमिरले ५२ तथा वान अमिरुलले ४८ रन बनाए। बलिंगमा सचिनु हेट्टीगेले ४ विकेट लिए। स्कोरकार्ड , अंकतालिका 

प्रतियोगिता अन्तर्गत बिहिबार कुनै खेल हुनेछैन भने शुक्रबार २ वटा खेल हुनेछन्। शुक्रबार समुह विजेता हुनको लागि नेपाल र सिंगापुर खेल्नेछन् भने हंगकंग र भुटान खेल्नेछन्।

 

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]