अन्डर-१९ इस्टर्न रिजन भोलिदेखि सुरु हुँदै



एसीसी अन्डर-१९ इस्टर्न रिजन एकदिवसीय क्रिकेट प्रतियोगिता भोलि मंगलबार देखि मलेसियामा सुरु हुँदैछ। प्रतियोगिताको लागि नेपाली टिम आइतबार मलेसिया पुगीसकेको छ।

यस क्षेत्रीय प्रतियोगिताको बिजेताले यसै वर्ष श्रीलंकामा आयोजना हुने अन्डर १९ एसिया कपमा सहभागिता जनाउने छ। डिफेन्डिङ च्याम्पियन समेत रहेको नेपालले सन् २०१७ मा हंगकंगलाई पराजित गर्दै उपाधी जितेको थियो।

प्रतियोगितामा ७ राष्ट्रको सहभागिता रहेको छ। आयोजक एसियन क्रिकेट काउन्सीलले यसअघि आठ राष्ट्रको सहभागिता रहने गरि खेल तालिका सार्वजनिक गरेको थियो। तर नेपालको समूहमा रहेको म्यानमारले अन्तिम समयमा आफ्नो नाम फिर्ता लिएको छ।

टिमको कप्तानी रोहित पौडेलले गर्दैछन्

सोहि समुहमा रहेका म्यानमारसँगका खेलहरुको तालिकालाई स्थगित गर्दै अन्य खेलहरुको तालिका भने पुरानै अनुसार राखिएको छ। म्यानमारले प्रतियोगिता नखेल्नुको कारण खुलेको छैन।

अब नेपाल रहेको समूह ‘ए’ समुहमा चिन र सिंगापुर रहेका छन् भने समूह ‘बि’ तर्फ आयोजक मलेसिया, हंगकंग, भुटान र थाइल्याण्ड रहेका छन्।

प्रतियोगिता अन्तर्गत मंगलबार हुने खेलहरुमा समूह ‘ए’ बाट सिंगापुर र चिन तथा समूह ‘बि’ बाट आयोजक मलेसिया र थाइल्याण्ड प्रतिस्पर्धा गर्नेछन्। खेलहरु नेपाली समय अनुसार बिहान ७:४५ बजेबाट सुरु हुनेछन्।

नेपालले आफ्नो समूहचरणको पहिलो खेलमा जुलाई ३ तारिखमा चिनको सामना गर्नेछ भने दोश्रो खेलमा जुलाई ५ मा सिंगापुरसँग खेल्नेछ। त्यसपछि समूह चरणको सामाप्तीमा शिर्ष २ मा रहने टिमहरुबीच सेमिफाइनलमा प्रतिस्पर्धा हुनेछ।

नेपालको दुवै खेल किनरारा ओभल मैदानमा नेपाली समय ७:४५ बजे ( मलेसियिया समय १० बजे ) बिहान सुरु हुनेछ।

नेपालको लागि प्रतियोगितामा जित हात पार्नु महत्वपूर्ण रहेको छ। प्रतियोगिताको विजेता टिम श्रीलंकामा यसै वर्ष अगस्ट/सेप्टेम्बरमा आयोजना हुने एसीसी अन्डर-१९ एसिया कप खेल्न छनौट हुनेछ। श्रीलंकामा हुने एसिया कपको लागि पश्चिम क्षेत्रबाट कुवेत र युएई छनोट भईसकेका छन्। प्रतियोगितामा टेस्ट राष्ट्रका यु१९ टिमहरु भारत, पाकिस्तान, श्रीलंका, बंगलादेश र अफगानिस्तान स्वतः छनौट भैसकेका छन्।

प्रतियोगितामा नेपालको कप्तानी सिनियर राष्ट्रिय क्रिकेटर समेत रहेका रोहित पौडेलले गर्दैछन् भने टोलीमा रित गौतम, पवन सर्राफ, विशाल विक्रम केसी, भीम सार्की, कुशल मल्ल, रशिद खान, सागर ढकाल, हरिबहादुर चौहान, प्रतिष जिसी, कमलसिंह ऐरी, खडक बोहरा, तिलक भण्डारी र लोकेश बम छन्। टोलीको प्रशिक्षकमा विनोद दास छन् भने व्यवस्थापकमा राजु खड्का र फिजियोमा विक्रम न्यौपाने छन् ।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]