सुर्य तामांगको उत्कृस्ट बलिङ्गका बाबजुत नेपाल थोरै अन्तरले पराजित



  • विकेटनेपाल, असोज २५ – सोमबार 

एसीसी यु-१९ एसिया कप अन्तर्गत आफ्नो दोश्रो खेलमा नेपालले अफगानिस्तान संग ३ विकेटको हार बेहोरेको छ।

पहिलो खेलमा भारत यु-१९ संग १७१ रनले पराजित भएको नेपाली युवा टिम दोश्रो पराजय पछि प्रतियोगिताको पहिलो चरणबाट बाहिरिने निश्चित भएको छ। प्रतियोगिताको २०१७ को संस्करणमा नेपालले भारतलाई पराजित गर्दै इतिहासमै पहिलो पटक सेमीफाइनलमा स्थान बनाएको थियो।

नेपालको समुहमा रहेको भारत र अफगानिस्तानले २/२ जित हात पारेपछि दुवै टिमले सेमीफाइनलमा आफ्नो स्थान पक्का गरेको छ। नेपाल र यएई भने प्रतियोगिताको पहिलो चरणबाट बाहिरीएको छ।

प्रतियोगिता अन्तर्गत नेपालले आफ्नो अन्तिम खेल मंगलबार युएईसंग खेल्ने तालिका रहेको छ।

सहज भएन अफगानिस्तानको जित 

पहिले ब्याटिंग गर्दै नेपालले १३१ रन बनाएपछि १३७ रनको लक्ष्य पछ्याउने क्रममा अफगानिस्तानले राम्रो सुरुवात गर्दै ६१ रन बनाउदा मात्र १ विकेट गुमाएको थियो।

१३ औं ओभरमा पवन सर्राफले २६ रन बनाएका रहमनुल्लाहको विकेट लिएपछि भने अफगानिस्तानको विकेट पतन सुरु भएको थियो। १६ औं ओभरमा सागर ढकालले १६ रन बनाएका इजाज खानलाई पनि पेभेलियन फर्काए।

अज्मतुलाह ओमाराजीले ३ छक्का प्रहार गर्दै २३ रन बनाएर बीचमा अफगानिस्तानलाई सहज जित दिलाउने प्रयास गरे तर सुर्य तामांगले उनलाई पेभेलियन फर्काएपछि पुनः विकेट पतन सुरु भयो।

Surya Tamang
Surya Tamang

९३/३ को अवस्थाबाट सुर्यले ४ विकेट लिंदा अफगानिस्तानको स्कोर ३० ओभरमा ११५/७ पुग्यो। जितको लागि अझै १७ रन आवस्यक थियो र नेपालले ३ विकेट निकाल्नु पर्ने थियो।

त्यसपछि भने अफगानिस्तानको लागि आरिफ खानले अविजित २३ तथा अब्दुल रहमानले ८ रन बनाउदै आठौ विकेटको लागि २१ रनको साझेदारी गर्दै नेपालको जितको सम्भावना खोसेका थिए।

उत्कृस्ट बलिङ्ग गर्दै नेपाललाई जितको आशा देखाएका देब्रे हाते स्पिनर सुर्य तामांगले ४ विकेट लिन ८.३ ओभरमा ३६ रन खर्चिए। यस्तै रासिद खान, पवन सर्राफ र सागर ढकालले पनि १/१ विकेट आफ्नो नाम गरे।

चलेन ब्याटिंग 

टस जितेर नेपालले ब्याटिंग रोज्दै ३८.२ ओभरमा १३१ रनमा सबै विकेट गुमाएको थियो।

खराब सुरुवात गरेको नेपालले पहिलो ४ विकेट २१ रनको योगफलमै गुमाएको थियो। ओपनर रित गौतम ( १० ) , रभी साह ( २ ) , सन्दिप जोरा ( ० ) र पवन सर्राफ ( ० ) विकेटमा जम्न सकेनन्।

पाँचौ विकेटको लागि कप्तान आसिफ शेखले रोहित पौडेलसंग ५३ रनको साझेदारी गर्दै स्कोरलाई अघि बढाए। आसिफ लामो समय जम्न सकेनन् र ४६ बलमा २ चौका प्रहार गरेपछि २० रन बनाएर आउट हुन पुगे। त्यस लगत्तै भिम शार्की ( ५ ) र कमल ऐरि ( ० ) आउट हुँदा नेपालको स्कोर ८१/७ पुग्यो।

आठौँ विकेटको लागि रोहित र रासिद खानले ३८ रनको साझेदारी गरे। आक्रामक ब्याटिंग गरेका रासिदले ४ चौका र १ छक्का प्रहार गर्दै २५ रन बनाए पछि विकेट गुमाउन पुगे। त्यसपछि रोहित पौडेल पनि ४६ रन ( ८८ बल, ७ चौका ) बनाएर आउट भए पछि नेपालले ३८.२ ओभरमा १३१ रनमै सबै विकेट गुमाउन पुग्यो।

अफगानिस्तानको लागि अज्मतुल्लाह ओमारजीले ४ विकेट लिए भने अब्दुल रहमान र कैस कमवलले समान २/२ विकेट लिए ।





थप समाचार

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]