अफगानिस्तानसंग पाकिस्तान स्तब्ध



मे ३० देखि इंग्ल्याण्डमा सुरु हुने आईसीसी एकदिवसीय सुरु हुनु अघि आज सुरु भएको प्रतियोगिताको अभ्यास खेलको सुरुवातनै अप्रत्यासित नतिजा बाट भएको छ।

ब्रिस्टोलमा सम्पन्न खेलमा टस जितेर ब्याटिंग रोजेको पाकिस्तानले ४७.५ ओभरमा सम्पूर्ण विकेट गुमाएर २६२ रनको योगफल तयार गरेको थियो। २६३ रनको लक्ष्य अफगानिस्तानले ४९.४ ओभरमा ७ विकेट गुमाएर पुरा गर्यो।

पाकिस्तानलाई अफगानिस्तानले अधिकारिक खेलहरुमा भने हालसम्म पराजित गर्न सकेको छैन। विश्वकप अघि अभ्यास खेलमा अफगानिस्तानको जितले पाकिस्तानको चिन्ता बढेको छ भने अफगानिस्तानले अस्चार्यजनक नतिजा ल्याउनेमा टिमहरु संसकित हुन थालेका छन्।

हश्मतुल्लाहको उत्कृस्ट इनिंग 

अफगानिस्तानको लागि हश्मतुल्लाह शाहिदीले सर्वाधिक अविजित ७४ रन ( १०२ बलमा ७ चौका ) बनाए।

यस्तै ओपनर हज्रतुल्लाह जजईले ४९ ( २८ बलमा ८ चौका र २ छक्का ) , मोहम्मद नाबीले ३४, रहमत शाहले ३२ रन बनाए। अफगानी ओपनर हज्रतुल्लाह र मोहम्मद शाहजादले पहिलो विकेटको लागि ८० रन बनाएका थिए। २३ रन बनाएका शाहजाद रिटायर्ड हर्ट भएका थिए।

तेश्रो विकेटको लागि समिउल्लाह शेनवारी र हश्मतुल्लाह शाहिदीले ४९ रनको साझेदारी गरे। शेनवारि २२ रन बनाएर आउट भएपछि हश्मतुल्लाहले पाँचौ विकेटको लागि ६६ रनको साझेदारी गर्दै जिततर्फ डोर्याएका थिए।

४९.४ ओभरमा ७ विकेट गुमाएर अफगानिस्तानले २६३ रन बनाउदै ३ विकेटको जित दर्ता गर्यो।

पाकिस्तानको बलिंगमा वहाव रियाजले ३ विकेट ( ७.४-०-४६-३ ) तथा इमाद वासिमले ( १०-०-२९-२ ) २ विकेट लिए।

पाकिस्तानको ब्याटिंग : आजमको शतक 

यस अघि पाकिस्तानको ब्याटिंगमा तेश्रो नम्बरका ब्याट्सम्यान बाबर आजमले शतकीय इनिंग खेलेका थिए । आजमले १०८ बलमा १० चौका र २ छक्का प्रहार गरेका थिए। यस्तै शोयब मलिकले ४४ तथा इमाम उल हकले ३२ रन बनाए।

एक समय १०० रनमा ४ विकेट गुमेको पाकिस्तानको इनिंगलाई पाँचौ विकेटको लागि शोयब मलिक र बाबर आजमले १०३ रनको साझेदारी गर्दै उकासेका थिए। त्यसपछि भने पाकिस्तानको तल्लो क्रमले उल्लेख्य योगदान दिन नसक्दा ४७.५ ओभरमा २६२ रन मा समेटिन पुग्यो।

पाकिस्तानलाई सस्तोमा समेट्न अफगानिस्तान अफस्पिनर मोहम्मद नाबीले ३ विकेट ( १०-०-४६-३ ) तथा दौलत जद्रान ( ५.५-०-३७-२ ) र राशिद खान ( ९-१-२७-२ ) ले २/२ विकेट लिए।

यस अघि पाकिस्तानले इंग्ल्याण्डसंग खेलिएको एकदिवसीय सिरिज ४-० ले गुमाएको थियो।

धेरैले पढेको – विश्वकप बिशेष: यी हुन् विश्वकपमा सर्वाधिक विकेट लिने ५ खेलाडी

विश्वकप क्रिकेट अन्तर्गत पाकिस्तानले पहिलो खेल इंग्ल्याण्डसंग जुन ३ तारिकमा खेल्नेछ। अफगानिस्तानले भने पहिलो खेल जुन १ तारिकमा डिफेन्डिङ च्याम्पियन अस्ट्रेलियासंग खेल्ने तालिका रहेको छ ।  विश्वकपको उद्घाटन खेल मे ३० तारिकमा आयोजक र इंग्ल्याण्ड र दक्षिण अफ्रीका बीच खेल हुनेछ। बिश्वकपको फाइनल खेल जुलाई १४ तारिकमा लर्ड्स मैदानमा खेलिनेछ।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, कुशल, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]