पाकिस्तान र अफगानिस्तान फ्यान बीच कुटाकुट ( भिडियो सहित )



अफगानिस्तान र पाकिस्तान बीचको अत्यन्त रोमान्चक खेलमा पाकिस्तान विजयी भए पछि लिड्सको हेडिंगले मैदानमा पाकिस्तान र अफगानिस्तान फ्यानहरु बीच कुटाकुट भएको छ।

खेलको दौरान समेत २ टिमका फ्यानहरु बीच झडपहरु भएका थिए भने पाकिस्तानले विजयी रन प्रहार गरे पछि त्यसले उग्र रुप लिएको थियो। पाकिस्तान जित्ने बितिकै अफगानिस्तान र पाकिस्तान फ्यानहरुले एक-अर्का लाई पानिको बोतलले हानाहान गरेका थिए।

खेल पछि भएको कुटाकुट

रोमान्चक खेलमा पाकिस्तानले अफगानिस्तानले दिएको २२८ रनको लक्ष्य अन्तिम ओभरको चौथो बलमा ७ विकेट गुमाएर पुरा गरेको थियो। जितपछि पाकिस्तानले सेमीफाइनल पुग्ने आशालाई जीवित राखेको छ भने अफगानिस्तानले लगातार आठौँ खेलमा हार बेहोर्यो।

खेल पछि पाकिस्तानी फ्यानको एउटा समुहले मैदान र दर्शक बस्ने ठाउँ बीचको बारलाई भाँचेर मैदानमा दगुरेका थिए। त्यो दौरान एक जना अफगानिस्तान खेलाडीलाई समेत लागेको थियो। बाउन्ड्री नजिक रहेका अफगानी खेलाडी मोहम्मद नाबीलाई सुरक्षा गार्डले बचाएका थिए।

यस्तै खेल जिताएर फर्कीरहेको अवस्थामा वहाव रियाज र इमाद वासिमलाई समेत एक अफगानिस्तान फ्यानले आक्रमण प्रयास गरेका थिए जसलाई तुरुन्तै सुरक्षाकर्मीले नियन्त्रणमा लिएका थिए।

भिडियो हेर्नुस

रिपोर्टका अनुसार खेलको दौरान कम्तिमा २ जना फ्यानलाई मैदानबाट निकालिएको थियो । आईसीसीले आयोजना गर्ने प्रतियोगिताहरुमा यस्तो घटना भएको यो दुर्लभ हो।

खेलको दौरान एक-अर्का लाई जिस्क्याएर सुरु भएको भनाभनले खेलको अन्त्यसम्म ठुलो रुप लिएको हो। स्टेडियम बाहिर पनि दुई देशका फ्यानहरु बीच झडप भएको छ।

कुटाकुटको दृश्य खिच्न पुगेका पकिस्तामी मिडियालाई अफगानिस्तान फ्यानहरुले हमला गरेका थिए। अफगानिस्तान फ्यानहरु खेल हेर्नको लागि स्टेडियमको पर्खाल नाघ्ने प्रयास समेत गरेको बताईएको छ।

ट्वीटरमा सार्वजनिक भएको एउटा भिडियोमा अफगानिस्तानी फ्यानहरुको समुहले एक पाकिस्तानी फ्यानलाई कुटेको समेत देखिएको छ। यस्तै पाकिस्तानी फ्यानलाई स्टेडियम बहिरे कुटेको भिडियो समेत बाहिर आएको छ।

 

 

घटना पछि ट्वीटरमा फ्यानहरुको यो हर्कतको बिरोध भएको छ





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]