अफगानिस्थानबिरुद्ध बंगलादेशको सनसनीपूर्ण जित



  • विकेटनेपाल – ८ असोज

युनाइटेड अरब एमिरेट्स (युएई) मा संचालन भैरहेको एसिया कप क्रिकेट २०१८ अन्तर्गत सुपर-४ चरणको चौथो खेलमा बंगलादेशले अफगानिस्तानलाई ३ रनले पराजित गरेको छ। अन्तिम ओभरमा ८ रन जोड्न नसक्दा अफगानिस्तानले प्रतियोगितामा लगातार दोस्रो हार बेहोर्यो।

जितसंगै अफगानिस्तानको फाइनल पुग्ने सम्भावना समाप्त भएको छ भने बुधबार खेलिने पाकिस्तान र बंगलादेश बीचको खेलको बिजेता टिम फाइनल पुग्नेछ। आइतबारनै सम्पन्न खेलमा भारतले पाकिस्तानलाई ९ विकेटले पराजित गर्दै लगातार २ जितको साथ फाइनलमा स्थान पक्का गर्यो।

पहिले ब्याटिंग गर्दै बंगलादेशले दिएको २५० रनको लक्ष्य पछ्याउन उत्रिएको अफगानिस्तानको सुरुवात राम्रो रहन सकेन। टोलीको खातामा मात्र २६ रन हुँदा २ विकेट गुमाएको अफगान टोलीका लागि मोहम्मद शेहजाद र हाश्मतुल्लाह साहिदीले तेस्रो विकेटका लागि ६३ रनको साझेदारी गर्दै टोलीलाई उकास्ने प्रयास गरेका थिए।

 

व्यक्तिगत ५३ रनको स्कोरमा शेहेजाद पभेलियन फर्किन अघि उनले ८१ बल खेल्दै ८ चौका प्रहार गरे। अर्को किनारबाट भने साहिदीले अस्घर अफ्गान (३९) संग चौथो विकेटका लागि ७८ रनको तथा मोहम्मद नाबी (३८) संग पाँचौं विकेटका लागि २५ रनको साझेदारी गरे।

९९ बल खेलेका साहिदी ५ चौका प्रहार गर्दै व्यक्तिगत ७१ रनको स्कोरमा मश्रफे मोर्ताजाको शिकार बने। साहिदी आउट भएपछि मोहम्मद नाबीसमेत सामिउल्लाह शेन्वारीसंग मिलेर टोलीको खातामा थप ४६ रन जोड्दै आउट भए।

रोमान्चक अन्तिम ओभर 

अब अफगानिस्तानलाई जितका लागि अन्तिम ओभरमा ८ रनको आवश्यकता थियो। क्रिजमा थिए सामिउल्लाह शेन्वारी र बंगलादेश बिरुद्ध अघिल्लो खेलमा आक्रामक अर्धशतक बनाएका राशिद खान। बंगलादेशले अन्तिम ओभर बलिंग गर्ने जिम्मा मुस्ताफिजुर रहमानलाई सुम्पियो।

८ रनको झिनो स्कोर बचाउ गर्न आएका मुस्ताफिजुरको पहिलो बलमा राशिदले सहज रुपमा २ रन जोडे। तर दोस्रो बलमा भने ठूलो सट प्रहार गर्ने चक्करमा राशिद क्याच आउट हुनपुगे।

ओभरको तेस्रो बलमा शेन्वारीले १ रन लेग-बाईज स्वरूप प्राप्त गर्दै नयाँ ब्याट्सम्यान गुल्बद्दीन नैबलाई स्ट्राइक दिए। नैबले ओभरको चौथो बलमा रन लिन सकेनन् र पाँचौं बलमा समेत मात्र १ रन जोड्न सक्दा अफगानिस्तानलाई जितका लागि अन्तिम बलमा ४ रनको आवश्यक थियो।

अन्तिम बलमा शेन्वारीले रन जोड्न नसक्दा अफगानिस्तान ४ रनले पराजित हुन पुग्यो। बंगलादेशको जितसंगै प्रतियोगिताको सुपर-४ चरणको पाकिस्तान र बंगलादेशको खेलले फाइनल पुग्ने टोलिको टुंगो लगाउने छ। भारतभने पाकिस्तान बिरुद्ध सुपर-४ चरणको जितसंगै फाइनल प्रवेश गरीसकेको छ।

बंगलादेशलाई रोमान्चक जित दिलाउन मश्रफे मोर्ताजा र मुस्ताफिजुर रहमानले समान २-२ विकेट हात पारे। यस्तै शकिब अल हसन र महाम्दुल्लाहको नाममा समान १-१ विकेट रह्यो।

पहिलो इनिंग :

यसअघि पहिले ब्याटिंग गर्न उत्रिएको बंगलादेशको टोलीले इम्रुल केज र महाम्दुल्लाहको उत्कृस्ट साझेदारीको सहयोगमा निर्धारित ५० ओभरमा ७ विकेट गुमाएर २४९ रन जोडेको थियो।

नज्मुल हुसेन शान्तो, शकिब अल हसन र मोहम्मद मिथुन दोहोरो अंकमा रन जोड्न नसक्दै पभेलियन फर्किंदा बंगलादेश कुनै समय ८१/४ को खराब अवस्थामा रहेको थियो।

२०.५ ओभरमा विकेटकिपर ब्याट्सम्यान मुश्फिकुर रहिम(३३) समेत रन आउट हुँदा बंगलादेशले ८७ रन जोड्न ५ विकेट गुमाइसकेको थियो। त्यसपश्चात भने टोलीमा पुनरागमन गरिरहेका इम्रुल केज र महाम्दुल्लाहले छैठौं विकेटका लागि १२८ रनको साझेदारी गर्दै बंगलादेशको इनिंगलाई उकासेका थिए।

महाम्दुल्लाहले ८१ बलमा ३ चौका र २ छक्का सहित ७४ तथा इम्रुल केजले ८९ बलमा ६ चौका सहित ७२ रनको व्यक्तिगत योगदान गरेका थिए।

अफगानिस्तानको बलिंग तर्फ अफ्ताब आलमले सर्वाधिक ३ विकेट चट्काएका थिए। यस्तै मुजिब उर् रहमान र राशिद खानको नाममा समान १-१ विकेट रह्यो।

 





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]