राशिद खानको आक्रामक अर्धशतकमा अफगानिस्तानले बनायो २५५



  • विकेटनेपाल, असोज ४ 

युनाइटेड अरब इमिरेट्समा जारि १४ औं एसिया कप क्रिकेट अन्तर्गत अफगानिस्तान र बंगलादेश बीच समुह चरणको अन्तिम खेल भइरहेको छ।

यस अघिनै समुह ‘बि’ बाट बंगलादेश र अफगानिस्तान सुपर-४ चरणमा प्रवेश गरिसकेको भए पनि खेलले समुह बिजेता को हुने तय गर्नेछ। समुह ‘ए’ बाट भारत र पाकिस्तान सुपर-४ प्रवेश  गरेका छन्।

अफगानिस्तानले टस जितेर ब्याटिंग गर्दै बंगलादेशलाई २५६ रनको लक्ष्य दिएको छ। पुरै ५० ओभर ब्याटिंग गर्दै अफगानिस्तानले ७ विकेट गुमाएर उक्त योगफल तयार गरेको हो।

खराब सुरुवात 

शेख जायद स्टेडियममा टस जितेर ब्याटिंग रोजेको अफगानिस्तानको सुरुवात राम्रो हुन सकेन। ओपनर इह्सानउल्लाह ८ तथा रहमत शाह १०  रन बनाएर आउट हुँदा छैठौं ओभरमा २८/२ को अवस्थामा पुगेको अफगानिस्तानलाई त्यसपछि ओपनर मोहम्मद शहजाद र हस्मतुल्लाह शहिदिले अर्धशतकीय साझेदारी गर्दै अघि बढाए।

तेश्रो विकेटको साझेदारी ५१ रन पुग्दा शहजाद ३७ रन बनाएर आउट भए। अर्धशतक पुरा गर्दै ५८ रन बनाएर शहिदि पनि आउट भए जसले ९२ बलमा ३ चौका प्रहार गरे। कप्तान समिउल्लह ८ तथा समिउल्लाह शेनवारि १८ रन तथा मोहम्मद नाबी १० रन बनाएर आउट हुँदा २०० भन्दा कम रनमा सम्भावना देखियो।

जन्मदिनमा राशिद खानको आक्रामक ब्याटिंग 

१६०/७ को योगफलमा पुगेको अफगानिस्तानलाई आठौँ विकेटको लागि गुल्बदीन नैब र राशिद खानले अविजित ९५ रनको साझेदारी गर्दै योगफल २५५ रन पुर्याए। ९.१ ओभर ब्याटिंग गर्ने क्रममा गुल्बदीन र राशिदले १०.४ प्रतिओभर रन बटुल्दै अफगानिस्तानको स्कोर २५० पार गराए।

बर्थ-डे ब्वाई समेत रहेका राशिदले अविजित ५७ रन तथा नैबले अविजित ४२ रन बनाए। रासिदले मात्र ३२ बलमा १ छक्का र ८ चौका तथा नैबले ३८ बलमा ५ चौका प्रहार गरे। अन्तिम ओभरको पाँचौ बलमा चौका प्रहार गर्दै राशिदले एकदिवसीय अन्तरास्ट्रिय  क्रिकेटमा तेश्रो अर्धशतक पुरा गरेका थिए।

अफगानिस्तान बलर शाकिब अल हसनले सर्वाधिक ४ विकेट तथा डेब्यु गरिरहेका बलर अबु हैदरले २ विकेट हात पारे। हसनले १० ओभरमा ४२ रन तथा हैदरले ९ ओभरमा ५० रन खर्चिए।

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]