शाहिनले उत्कृस्ट बलिंग गर्दा अफगानिस्तान २२७ मै सिमित



इंग्ल्याण्डमा जारि एकदिवसीय विश्वकप क्रिकेट प्रतियोगिता अन्तर्गत ३६ औं खेलमा पाकिस्तान र अफगानिस्तानले प्रतिस्पर्धा गरिरहेका छन्।

प्रतियोगिताको सेमीफाइनलमा स्थान बनाउने दौडमा रहेको पाकिस्तानलाई आज जित महत्वपूर्ण रहेको छ। पाकिस्तानले आजको खेल र बंगलादेशसंगको २ खेलमा जित हात पार्ने हो र इंग्ल्याण्डले आफ्नो २ मध्ये १ खेलमा हार बेहोर्ने हो भने पाकिस्तान सेमीफाइनलमा पुग्नेछ। आज हारेमा पाकिस्तानको सेमीफाइनल यात्रा मुस्किल हुनेछ।

हेडिंगलेमा जारि खेलमा टस जितेर ब्याटिंग गरेको अफगानिस्तानले ५० ओभरमा ९ विकेट गुमाएर २२७ रनको योगफल तयार गरेको छ।

अफगानिस्तानको लागि नजिबुल्लाह जद्रान र अस्घर अफ्गानले समान ४२ रनको योगदान दिए। ओपनर रहमत शाहले ३५ तथा इक्रम अलि खिलले २४ रन बनाए।

चौथो विकेटको लागि अस्घर र इक्रम अलिले ६४ रनको तथा छैठौं विकेटको लागि मोहम्मद नबि र नाजिबुलाह जद्रानले ४२ रनको साझेदारी गरेका थिए।

पाकिस्तानको बलिंगमा पेसर शाहिन अफ्रिदीले सर्वाधिक ४ विकेट ( १०-०-४७-४ ) लिए भने इमाद वासिम ( १०-०-४८-२ )  र वहाव रियाज ( ८-०-२९-२ ) ले २/२ विकेट लिए। शदाब खानले १ विकेट ( १०-०-४४-१) लिए।

यदि आजको खेलमा पाकिस्तानले अफगानिस्तानलाई पराजित गरे इंग्ल्याण्डलाई पाचौं स्थानमा धकेल्दै चौथो स्थानमा पुग्नेछ।

पाकिस्तानले अफगानिस्तान र बंगलादेश दुवैलाई पराजित गरेको खण्डमा र इंग्ल्याण्ड भारत र न्युजिल्याण्डसंग बाँकी २ खेल मध्ये १ खेलमा पराजित भए सेमीफाइनलमा स्थान पक्का गर्नेछ।

पाकिस्तानले बाँकी २ मध्ये १ खेल हारेको खण्डमा इंग्ल्याण्डले दुवै खेल हार्नपर्नेछ साथै बंगलादेश र श्रीलंकाले कम्तिमा १/१ खेल हार्नुपर्नेछ।

प्रतियोगितामा अफगानिस्तानको नतिजा – 

बिरुद्ध बंगलादेश – ६२ रनले पराजित
बिरुद्ध भारत – ११ रनले पराजित
बिरुद्ध इंग्ल्याण्ड – १५० रनले पराजित
बिरुद्ध दक्षिण अफ्रीका – ९ विकेटले पराजित
बिरुद्ध न्युजिल्याण्ड – ७ विकेटले पराजित
बिरुद्ध श्रीलंका – ३४ रनले पराजित
बिरुद्ध अस्ट्रेलिया – ७ विकेटले पराजित

प्रतियोगितामा पाकिस्तानको नतिजा – 

बिरुद्ध न्युजिल्याण्ड – ६ विकेटले विजयी
बिरुद्ध दक्षिण अफ्रीका – ४९ रनले विजयी
बिरुद्ध भारत – ८९ रनले पराजित
बिरुद्ध अस्ट्रेलिया – ४१ रनले पराजित
बिरुद्ध श्रीलंका – नतिजाविहिन
बिरुद्ध इंग्ल्याण्ड – १४ रनले विजयी
बिरुद्ध वेस्टइन्डिज – ७ विकेटले पराजित





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]