अफगानिस्तानसंग नेपाल टस हारेर ब्याटिंग गर्दै, यस्तो छ अन्तिम ११



  • विकेटनेपाल, भदौ ३१ 

भारत लखनउमामा जारि चौकोणीय अन्डर-१९ एकदिवसीय सिरिज अन्तर्गत नेपालले तेश्रो खेलमा अफगानिस्तानको सामना गर्दैछ।

एकाना अन्तरास्ट्रिय क्रिकेट मैदान ‘बि’ मा अफगानिस्तानले टस जितेर नेपाललाई ब्याटिंगको निम्तो दिएको छ।

सिरिज अन्तर्गत पहिलो २ खेलमा भारत यु-१९ ‘ए’ र ‘बि’ संग पराजित भएको नेपाली युवा टिम सामु अर्को टेस्ट राष्ट्र अफगानिस्तानलाई पराजित गर्ने अवसर रहेको छ भने अफगानिस्तान पनि पहिलो जितको पर्खाईमा नेपाललाई हराउन चाहन्छ।

अफगानिस्तानले पनि खेलेको २ वटै खेलमा पराजय बेहोरेको छ जुन क्रममा भारत यु-१९ ‘ए’ ले १४० रनले तथा भारत यु-१९ ‘बी’ ले २ विकेटले पराजित गरेको थियो। अफगानिस्तान र नेपालले २/२ खेल हारेपछि फाइनल पुग्ने सम्भावना दुवैको सकिएको छ।

नेपालको अन्तिम ११ – आसिफ शेख ( कप्तान , विकेटकिपर ) लोकेश बम, सन्दिप जोरा, तृत राज दास, भिम  शार्की,अरुण ऐरि, कमल ऐरि, राशिद  खान, किशोर महतो, सागार ढकाल,पवन सर्राफ
अफगानिस्थान अन्तिम ११ – मो. इशक शिर्जाद ( विकेटकिपर ) , उस्मान घानी, आरिफ खान , रियाज हसन, मो. हसन खान, अबिद मोहम्मदी, नविद मो. कबिर, अब्दुल्लाह नैब, इजाज मेहरान, समिउल्ल्लह जवाद, अब्दुल रहमानी

कस्तो छ अफगानिस्तानको प्रदर्शन ?

जारि सिरिजमा नेपाल जस्तै २ खेलमा पराजित भएको अफ्गनिस्तानले पराजयको बाबजुत नेपाल भन्दा राम्रो खेल प्रदर्शन गरेको छ।

पहिलो खेलमा भारत यू-१९ ‘ए’ संग १४० रनले पराजित हुने क्रममा पहिले ब्याटिंग गर्दै भारतले बनाएको ३२८ रनको जवाफमा १८८ रनमा अफगानिस्तान समेटिन पुगेको थियो। अफगानिस्थान बलर अब्दुल रहमानले ४ विकेट लिएका थिए भने ब्याटिंगमा ओपनर रियाज हसनले ६९ तथा मध्यक्रममा इशक शिर्जादले ३९ र आरिफ खानले ३७ रन बनाएका थिए।

दोश्रो खेलमा जितको नजिक पुगेको अफगानिस्तानले मात्र २ विकेटले खेल गुमाउन पुगेको थियो। पहिले ब्याटिंग गर्दै अफगानिस्तानले २३८ रन बनाएको थियो जसको जवाफमा भारतले ८ विकेट गुमाएर ४९.४ ओभरमा लक्ष्य पुरा गरेको थियो। अफगानिस्तान ओपनर रियाज हसनले १०० रन बनाए भने बलिङ्गमा अब्दुल रहमानले ३ विकेट लिए।

नेपालको प्रदर्शन

नेपालले भने पहिलो खेलमा भारत ‘बि’ संग ४० रनले हार बेहोर्ने क्रममा भारत ‘बि’ लाई १६१ रनमा रोकेको थियो भने लक्ष्य पछ्याउने क्रममा १२१ रनमा सबै विकेट गुमाएको थियो। राम्रो बलिङ्ग गरेको नेपालको लागि कमल सिंह ऐरिले ३ तथा पवन सर्राफले २ विकेट लिए भने ब्याटिंगतर्फ भिम शार्कीले सर्वाधिक ३० रन।

दोश्रो खेलमा भारत ‘ए’ संग पहिले ब्याटिंग गर्दै नेपालले १५६ रन बनाएको थियो, १५७ रनको लक्ष्य भारतले मात्र २ विकेट गुमाएर पुरा गर्यो। नेपालको लागि ब्याटिंगमा सन्दिप जोराले सर्वाधिक ६६ र तृत राज दासले ४६ रन बनाए।

अफगानिस्तानसंग पछिल्लो खेलमा के थियो नतिजा ?

गत बर्ष न्नोभेम्बरको यु-१९ युथ एसिया कपको सेमीफाईनलमा अफगानिस्तान र नेपालको पछिल्लो पटक भेट भएको थियो।

टस हारेर ब्याटिंग गरेको नेपालले १०३ रनमा सबै विकेट गुमाए पछि १०४ रनको लक्ष्य अफगानिस्तानले ३ विकेट मात्र गुमाएर भेटाएको थियो। नेपालको लागि अनिल साहले सर्वाधिक ५० रन बनाए पनि अन्य कुनै पनि ब्याट्सम्यानले दोहोरो अंकमा रन बनाउन सकेका थिएनन्। स्टार अफगानी स्पिनर मुजिब उर् रहमान एक्लैले ६ विकेट लिएका थिए।

अफगानिस्तानले प्रतियोगिताको फाइनलमा पाकिस्तानलाई पराजित गर्दै उपाधिनै आफ्नो बनाएको थियो।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]