न्युजिल्याण्डलाई बिशाल अन्तरले पराजित गर्दै अफगानिस्तान सेमीफाइनलमा : यु-१९ बिश्वकप



  • विकेटनेपाल, माघ ११ – बिहिबार

न्युजिल्याण्डमा जारि यु-१९ विश्वकप अन्तर्गत अफगानिस्तानले  आयोजक न्युजिल्याण्डलाई २०२ रनले पराजित गर्दै सेमीफाइनलमा स्थान पक्का गरेको छ। अफगानिस्तान समूह ‘डी’ को उपविजेता तथा न्युजिल्याण्ड समूह ‘ए’ को बिजेताको रुपमा क्वाटरफाइनलमा प्रवेश गरेका थिए। सेमीफाइनलमा अफगानिस्तानले २९ तारिखमा अस्ट्रेलियाको सामना गर्नेछ।

अफगानिस्तानको गजब बलिंग

क्राइस्टचर्चमा भएको खेलमा अफगानिस्तानले दिएको ३१० रनको लक्ष्य पछ्याएको घरेलु टोलि २८.१ ओभरमा १०७ रनमै समेटियो ।

न्युजिल्याण्डले खराब सुरुवात गर्दै मात्र २० रनको योगफलमा ४ विकेट गुमाईसकेको थियो। उसका जकोब भुला ५, फिन अल्लेन १३, कप्तान कय्लुम बोषिएर शुन्य रनमा आउट हुदा रचिन रबिन्द्र शुन्यमै आउट भए ।

चौथो विकेटको लागि कटेने क्लार्क (३८ रन) र डेल फिल्लिप्स (३१ रन) ले ६६ रनको साझेदारी गरेका थिए तर थप २१ रन जोड्दा ६ विकेट गुमाएपछी न्युजिल्याण्ड भारी अन्तरले पराजित भएको हो।

अफगानिस्तान बलर मुजीब ज़द्रानले ४ विकेट लिन ८.१ ओभरमा ३ मेडन राख्दै १४ रन खर्चिए भने कासिस अहमदले पनि ४ विकेट लिन ९ ओभरमा ३३ रन खर्चिए।

अफगानिस्तानको बिशाल स्कोर

टस जितेर पहिले ब्याटिंग गरेको अफगानिस्तानले उत्कृस्ट ब्याटिंग गर्दै ५० ओभरमा ६ विकेट गुमाएर ३०९ रनको बिशाल योगफल तयार पारेको थियो ।

अफगानिस्तानका लागि ओपनरद्वय रह्मनुल्लाह गुर्बाज़ तथा इब्राहिम ज़द्रानले पहिलो विकेटको लागि ११७ रनको साझेदारी गर्दै उत्कृस्ट सुरुवात गरेका थिए। रह्मनुल्लाह गुर्बाज़ले ६९ रन (६७ बल, ७ चौका, ३ छक्का) तथा इब्राहिम ज़द्रानले ६८ रन (९८ बल, ५ चौका, १ छक्का) प्रहार गरेका थिए।

त्यस्तै बहीर शाहले अविजित ६७ रनको पारि खेल्नेक्रममा ७२ बलमा ४ चौका प्रहार गरे।

अज्मतुल्लाह ओमार्जाई

आयरल्याण्डसँगको खेलमा आराम दिईएका अज्मतुल्लाह ओमार्जाईले विस्फोटक पारि खेल्नेक्रममा ६६ रन बनाउन मात्र २३ बलको सामना गर्दै ३ चौका र ७ छक्का प्रहार गरे । उनले मात्र १८ बलमा अर्धशतक प्रहार गरेका थिए।

न्युजिल्याण्डका सन्दीप पाटिलले २ विकेट हात पार्नेक्रममा ३ ओभरमा मात्र १३ रन खर्चेपनि अन्य बलर महंगा साबित हुन पुगे ।





थप समाचार

पीएसएल : खेलाडीलाई कोरोना देखिएपछि इश्लामावाद र क्वेटा बीचको खेल स्थगित

पाकिस्तान सुपर लिग अन्तर्गत क्वेटा ग्ल्याडीएटर्स र इश्लामावाद युनाइटेड बीच सोमबार रातिको खेल १ दिन सारिएको छ। इश्लामावाद युनाइटेडका अस्ट्रेलियन […]

एलपीएल स्कुल क्रिकेट : गजेन्द्र चम्किदा हिमालयन ह्याइट हाउस विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तर्गत आज भएका खेलमा रुपन्देहीको […]

रुपन्देही सुपर लिग : बुद्ध क्रिकेट क्लब सेमिफाइनलमा

प्रकाश न्यौपाने, भैरहवा, फागुन १७ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत सोमबार भएको डिभिजन […]

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी

फाल्गुन २२ गते देखि काठमाडौँमा सुरु हुने काठमाडौँ मेयर कप पहिलो संस्करणको लागि ‘काठमाडौँ मेयर-११’ टिमको घोषणा गरिएको छ। यही […]

गौतम बुद्ध रंगशालाको लागि ‘मेरो कुर्सि’ अभियानको घोषणा, ३ अर्ब रुपैयाँ संकलन हुने आशा

चितवनको भरतपुर नगरपालिका वडा नबर-१५ मा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई सहयोग गर्न धुर्मुस सुन्तली फाउन्डेसनले नयाँ अभियानको घोषणा […]

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]