यु-१९ बिश्वकप : पाकिस्तानलाई अफगानिस्तानले दियो झट्का !



  • विकेटनेपाल, पौष २९ – शनिबार

आजदेखि न्युजिल्याण्डमा यु-१९ बिश्वकप सुरु भएको छ।

प्रतियोगिताको पहिलो खेलमा समुह ‘डी’ मा रहेका पाकिस्तान र अफगानिस्तान बीचको खेलमा अफगानिस्तानले पाकिस्तानलाई पराजित गरेको छ। कोबहाम ओभल मैदानमा पहिले ब्याटिंग गर्दै पाकिस्तानले १८८ रन मात्रै बनाएपछि अफगानिस्तानले मात्र ५ विकेट गुमाई लक्ष पुरा गर्दै पहिलो जित हात पारेको हो।

अफगानिस्तानको इनिंग

पाकिस्तानले दिएको १८९ रनको लक्ष्य पछ्याउदै मैदानमा उत्रिएको अफगानिस्तानले ४७.३ ओभरमा मात्र ५ विकेट गुमाउदै लक्ष्य पुरा गर्यो । उसका लागि दर्विस रसूलीले अविजित ७६ रनको पारी खेल्दै जितसम्म पुर्याएका थिए । ७८ बलको सामना गरेका उनले ४ चौका सहित २ छक्का प्रहार गरे ।

अर्धशतक बनाएपछि दर्विस रसूली

यस्तै इक्रम अलि खिलले ९३ बलमा ४ चौका सहित ४६ रनको पारि खेल्दै रसूलीसँग चौथो विकेटका लागि ७५ रनको साझेदारी गरे। ओपनर रहमनुल्लाह  गुर्बज़ले ३१ रन, निसर वह्दतले १९ रन तथा अज्मुताल्लाह ओमार्जईले अविजित १२ रनको पारि खेले ।

बलिंगतर्फ पाकिस्तानका हसन खानले २ विकेट हात पार्दा मोहम्मद ताहा र शाहीन शाह अफ्रिदीले १/१ विकेट हात पारे ।

खेल जित्न १ रन आबश्यक रहेको अवस्थामा म्यान अफ द म्याच घोषित दर्विस रसूलीले छक्का प्रहार गर्दै जित दिलाएका थिए।

पाकिस्तानको इनिंग

टस जितेर पहिले ब्याटिंग गरेको पाकिस्तानले ४७.४ ओभरमा सबै विकेट गुमाउनु अघि मात्र १८८ रनको योगफल तयार पारेको थियो ।

उसका लागी विकेट  किपर ब्याट्सम्यान रोहैल नाजिरले सर्बाधिक ८१ (९ चौका) रनको पारि खेलेका थिए । पहिलो २ विकेट २३ रनमा गुमाएको अवस्थामा ब्याटिंग गर्न आएका नाजिरले अलि ज़र्याब असिफ (३० रन) सँग मिलेर तेस्रो विकेटको लागि ८८ रनको साझेदारी गरेका थिए । अन्य ब्याट्सम्यानले खासै उल्यख्य प्रदर्शन गर्न नसक्दा २४ अतिरिक्त रन पाएको थियो ।

बलिंगतर्फ अफगानिस्तानका अज्मुताल्लाह ओमार्जईले ३४ रन खर्चेर ३ विकेट तथा कैस अहमदले ३८ रन खर्चेर समान ३ विकेट हात पारे । यस्तै नवीन उल हकको नाममा २ तथा जाहिर खान र निशर वह्दतले १/१ विकेट लिए ।

यसभन्दा अगाडी २०१७ को नोभेम्बरमा मलेसियामा आयोजित यु १९ एसिया कप क्रिकेट प्रतियोगितामा पनि अफगानिस्तानले पाकिस्तानलाई ७ विकेटले पराजित गरेको थियो । बिस्तृत जानकारी

खेलमा नेपालका बुद्धि बहादुर प्रधानले अम्पाएरको भूमिका निर्बाह गरेका थिए ।

(Pictures: @cricketworldcup)





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]