एलपीएल : अफ्रिदीको आक्रामक अर्धशतक



श्रीलंकामा जारि लंका प्रिमियर लिग ( एलपीएल ) अन्तर्गत भेट्रान पाकिस्तानी खेलाडी शाहिद अफ्रिदीले विस्फोटक ब्याटिंग गरेका छन्।

लिगको दोश्रो खेलमा जाफ्ना स्टालिएन्स र गाले ग्ल्याडीएटर्स बीचको खेलमा गालेको लागि खेल्ने क्रममा अफ्रिदीले आफ्नो पुरानो रुप देखाएका हुन्।

खेलमा टस जितेर ब्याटिंग गरेको गालेले २० ओभरमा ८ विकेट गुमाएर १७५ रन बनाएको थियो।

४० वर्षीय अफ्रिदीले एलपीएलमा डेब्यु गर्ने क्रममा मात्र २३ बलमा ५८ रन बनाए। यस क्रममा छैठौं नम्बरमा ब्याटिंग गर्न आएका दायाँ हाते ब्याट्सम्यानले ६ छक्का र ३ चौका प्रहार गरे।

इनिंगको १४ औं ओभरमा ब्याटिंग गर्न आएका अफ्रिदीले पहिलो ५ बलमा ४ रन बनाएका थिए जसपछि १६ औं ओभरमा बिनुरा फर्नान्डोको ओभरम ३ चौका प्रहार गर्दै गेर परिवर्तन गरे। त्यसपछि उनले १७ औं ओभरमा कायल एबोटको ओभरमा २ छक्का हिर्काए।

१८ औं ओभरमा अफ्रिदीले झनै आक्रामक ब्याटिंग गरे। डुएन ओलिभीयरले गरेको उक्त ओभरमा अफ्रिदीले ४ छक्का हिर्काए। ओभरको पहिलो ३ बलमा तथा चौथो बलमा छक्का प्रहार गरेका अफ्रिदी सोहि ओभरको अन्तिम बलमा क्याच आउट भए।

अफ्रिदीले मात्र २० बलमा अर्धशतक पुरा गरेका थिए।

गालेको लागि दनुस्का गुनथिलाकाले ३८, भानुका राजापाक्षेले २१, एजम खानले २० रन योगदान दिए।

लिग अन्तर्गत बिहिबार सम्पन्न उद्घाटन खेलमा कोलोम्बो किंग्सले क्यान्डी टस्कर्सलाई सुपर ओभरमा पराजित गरेको थियो।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]