अफ्रिदीले विस्फोटक ब्याटिंग गर्दा ब्राम्पटनको जित, सन्दिप र सोमपालको टिम आज खेल्ने



ग्लोबल टि-२० क्यानडा अन्तर्गत आइतबार राति सम्पन्न २ वटा खेलमा ब्राम्पटन वुल्भ्स र विन्निपेग हक्स विजयी भएका छन्। दोश्रो जित सहित ४ अंक बटुल्दै वुल्भ्स अंकतालिकाको शिर्ष स्थानमा उक्लेको छ भने हक्स २ खेलमा १ जित र १ हार सहित २ अंक सहित दोश्रो स्थानमा उक्लेको छ।

अफ्रिदीको विस्फोटक ब्याटिंग 

शाहिद अफ्रिदीले उत्कृस्ट ब्याटिंग गरे पछि ब्राम्पटन वुल्भ्सले एडमोन्टन रोयल्सलाई २७ रनले पराजित गर्यो।

पहिले ब्याटिंग गरेको ब्राम्पटनले २० ओभरमा ५ विकेट गुमाएर २०७ रन बनाएको थियो। जवाफमा एडमोन्टनले २० ओभरमा ९ विकेट गुमाएर १८० रन मात्र बनाउन सक्क्यो। एडमोन्टनको लागि जेम्स निशमले सर्वाधिक ३३ रन, रिची बेर्रींगटनले २८ रन, शदाब खानले २७ रन बनाए। सफ्यान सरिफ र कायल फिलिपले अविजित समान १८ रन बनाए पनि जितसम्म पुर्याउन सकेनन्। वुल्भ्सका बलर जहुर खान र इश सोढ़ीले ३/३ विकेट लिए।

यस अघि पहिले ब्याटिंग गर्ने क्रममा शाहिद अफ्रिदीले विस्फोटक ब्याटिंग गर्दै ४० बलमा १ चौका र ५ छक्का मदतले अविजित ८१ रन बनाएका थिए। यस्तै लेन्डल सिमोन्सले ३४ बलमा ५९ रन बनाए। उनले समान ५/५ चौका र छक्का प्रहार गरे।

विन्नीपेगको जितमा लिन र डुमिनि उत्कृस्ट 

पहिले ब्याटिंग गर्दै भानकुभर नाइट्सले दिएको २०९ रनको लक्ष्य विन्नीपेग हक्सले १५.२ ओभरमा ३ विकेट मात्रै गुमाएर पुरा गर्यो।

जेपी डुमिनिले अविजित ७७ तथा क्रिस लिनले ७४ रन बनाए। डुमिनिले ३८ बलमा ७ चौका र ५ छक्का तथा लिनले ३४ बलमा ४ चौका र ७ छक्का प्रहार गरे। १५ रनमा २ विकेट गुमाएको अवस्थामा लिन र डुमिनिले तेश्रो विकेटको लागि १४३ रनको साझेदारी गरेका थिए।

यस अघि भानकुभरको ब्याटिंगमा कप्तान क्रिस गेलले सर्वाधिक ४५ रन बनाउन २७ बलमा ७ चौका र २ छक्का प्रहार गरेका थिए। यस्तै रस्सी भान डर डुसेनले ३९, चाडविक विल्टनले ३० तथा शोयब मालिकले अविजित २८ रन बनाएका थिए। हक्स बलर तथा कप्तान रायद इमरिटले ३ विकेट लिए।

सोमपाल र सन्दिपको खेल आज 

प्रतियोगिता अन्तर्गत आज राति सन्दिप लामिछाने संलग्न रहेको तथा युभराज सिंह कप्तानीको टिम टोरोन्टो नेसनल्सले सोमपाल कामि सम्लग्न टिम विन्नीपेग हक्सको सामना गर्दै छ। खेल नेपाली समय राति १०:१५ बजे सुरु हुनेछ। स्टारस्पोर्ट्सले खेलको प्रत्यक्ष प्रशारण गरिरहेको छ।

सोमपाल र सन्दिप टि-२० विश्वकप छनौट ( एसिया फाइनल ) खेलेर हिजो राति क्यानडा प्रस्थान गरिसकेका छन् र आज बिहान क्यानडा पुग्दैछन्। सन्दिप पहिलो खेलनै खेल्ने सम्भावना रहे पनि सोमपाललाई खेलाउनेछ या छैन हेर्नु रोचक हुनेछ।

ड्राफ्टमार्फत सन्दिपलाई ६० हजार डलरमा तथा सोमपाललाई ३ हजार डलरमा टिमले लिएको थियो।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]