अफ्रिदीको विस्फोटक ब्याटिंग, पख्तुन्स टि-१० लिगको फाइनलमा



  • विकेटनेपाल, मङ्सिर १५ – शनिवार 

युएईमा जारि टि-१० लिग अन्तर्गत पहिलो क्वालिफायर खेलमा नर्थर्न वारियर्स बिरुद्ध शहिद अफ्रिदीले विस्फोटक इनिंग खेलेपछि नर्थर्न वारियर्सलाई पराजित गर्दै फाइनल प्रवेश गरेको छ।

खेलमा टस हारेर ब्याटिंग गरेको पख्तुन्सले १० ओभरमा ५ विकेट गुमाएर १३५ को योगफल तयार गरेको थियो। १३६ रनको लक्ष पछ्याउने क्रममा पुरा ओभर ब्याटिंग गर्दै वारियर्सले ४ विकेट गुमाएर १२२ रन बनाएपछि पख्तुन्स १३ रनले पराजित भयो।

अफ्रिदीको विस्फोटक ब्याटिंग 

पहिले ब्याटिंग गर्ने क्रममा लगातार विकेट गुमाएको पख्तुन्स ५.१ ओभरमा ५७/४ को अवस्थामा पुगेको थियो। त्यसपछि छैठौं नम्बरमा ब्याटिंग गर्न आएका अफ्रिदीले वारियर्सका बलरको सातो लिए।

अविजित ५९ रनको इनिंग खेल्ने क्रममा अफ्रिदीले मात्र १७ बलमा ७ छक्का र ३ चौका प्रहार गरे जुन क्रममा उनले अर्धशतक पुरा गर्न मात्र १४ बल लगाए।

इनिंगको क्रममा ३९ बर्षिय अफ्रिदीले वाहब रियाजको एकै ओभरमा ४ छक्का प्रहार गरेका थिए। इनिंगको आठौँ ओभरमा रियाजको दोश्रो , तेश्रो , चौथो र पाँचौ बलमा उनले लगातार छक्का प्रहार गरे। त्यसपछि लगत्तैको ओभरमा हार्दुस भिल्जोनको ओभरको चौथो, पाँचौ र छैठौं बलमा लगातार ३ चौका पगर्दै हिर्काउदै अफ्रिदीले अर्धशतक पुरा गरेका थिए।

अफ्रिदीको ब्याटिंग – ६ १ ६ . . ६ ६ ६ ६ १ १ ४ ४ ४ ६ . २

पावेलको आक्रामक ब्याटिंगले दिलाएन जित

१३६ रनको लक्ष्य पछ्याउने क्रममा नार्थर्ण वारियर्सले १५ रनमा २ विकेट गुमाएपछि चौथो नम्बरमा ब्याटिंग गर्न आएका रोभम्यान पावेलले विस्फोटक इनिंग खेल्दै टिमलाई जितको आशा जगाएका थिए।

मात्र ३५ बलमा अविजित ८० रन बनाउने क्रममा पावेलले ९ छक्का र ४ चौका प्रहार गरे पनि अन्तिम २ ओभरमा आवस्यक ३९ रन प्रहार गर्न भने टिम असफल रह्यो। अन्तिम ओभरमा २४ रन आवस्यक रहेको अवस्थामा शरफुद्दीनको ओभरमा मात्र १० रन आउदा टिम पराजित हुन पुग्यो।

पख्तुन्सको लागि मोहम्मद इरफानले २ तथा शरफुद्दीन अशरफले १ विकेट लिए। खेलको प्लेयर अफ द म्याच कप्तान  शहिद अफ्रिदी घोषित भए।

प्रतियोगिताको अंक तालिकामा दोश्रो स्थानमा रहँदै पख्तुन्स क्वालिफायर प्रवेश गरेको थियो भने नर्थर्न वारियर्स लिग चरणको शिर्ष स्थानमा रहेको थियो। अब वारियर्सले इलिमीनेटर खेलमा बेङ्गाल टाइगर्स र मराठा अरबियन्स बीचको खेलको विजेतासंग खेल्ने छ र उक्त खेलमा जित्ने टिमले आइतबार राति हुने फाइनलमा पख्तुन्सको सामना गर्नेछ।

लिगमा सन्दिप लामिछाने रहेको टिम तथा प्रतियोगिताको गत बर्षको विजेता टिम केरला नाइट्सले मात्र २ जित हात पार्दै प्ले-अफ चरण प्रवेश गर्न असफल रह्यो। कुल ६ खेलमा ६ विकेट लिएका सन्दिपले सुरुको ३ खेलमा राम्रो गरे पनि त्यसपछिको खेलहरुमा भने प्रभावित पार्ने बलिङ्ग गर्न सकेनन्। लिगको अन्तिम खेलमा शुक्रबार बेङ्गाल टाइगर्सलाई केरलाले पराजित गरे पनि सन्दिपले भने १ ओभर बलिङ्ग गर्दा २० रन खर्चेका थिए। यस्तै त्यस अघिको खेलमा नर्थर्न वरियर्स बिरुद्ध झनै महँगो सावित हुने क्रममा नेपाली गुग्लि ब्वाईले २ ओभरमा ४७ रन खर्चिएका थिए।

टि-१० स्पोर्ट्स म्यानेजमेन्टको आयोजनामा हुने १० ओभरको क्रिकेट प्रतियोगिता सन् २०१७ बाट सुरु भएको हो। प्रतियोगितामा नाइट्ससंगै मराठा अरबियन्स, पख्तुन, पन्जाबी लेजेंड्स, कराँचीयन्स, बेंगल टाइगर्स, नर्दन वारियर्स र राजपुत्स गरी ८ टोलिको सहभागिता रहेको छ।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]