अफगानिस्तान पेसर अफताब आलमलाई १ वर्ष प्रतिबन्ध, यस्तो छ आरोप



अफगानिस्तानका तिब्र गति बलर अफताब आलमलाई घरेलु र अन्तर्राष्ट्रिय क्रिकेट खेल्नबाट अफगानिस्तान क्रिकेट बोर्डले १ वर्षे प्रतिबन्ध लगाएको छ।

अफगानिस्तान बोर्डको अनुशासन कमिटिले २०१९ विश्वकपको दौरान आचार संहिता उल्लङ्घन गरेको आरोपमा कारवाही गरेको हो। विश्वकपको दौरान आलमलाई ‘असाधारण परिस्थिति’ भन्दै घर फर्काएको थियो।

बोर्डले विश्वकप पछि आलमलाई घर फर्काउनुको कारण बताउदै उनले आईसीसीको अनुशासन आचारसंहिता उल्लंघन गरेको बताएको छ। तर कुन अचारसंहिता उल्लंघन गरेको र घटना बारे भने बोर्डले बताएको छैन।

विश्वकपको दौरान घटेको घटना पछि अनुसन्धान गर एउटा कमिटि गठन गरिएको थियो जसपछि उनलाई १२ महिना लामो प्रतिबन्ध लगाईएको हो। बोर्डसंगको उनको सम्झौता पनि रद्द गरिएको छ।

आलमले अन्तिम पटक विश्वकपमा भारत बिरुद्ध खेलेका थिए जुन खेलमा अफगानिस्तान ११ रनले पराजित भएको थियो।

रिपोर्टका अनुसार उनले टिम बसेको होटलमा एक महिलालाई खराब व्यवहार गरेका थिए। सोहि आरोपको कारण उनलाई घर पठाईएको बताईएको छ।

यस्तै क्रिकइन्फोका अनुसार २६ वर्षीय तिब्र गति बलर भारत-पाकिस्तानको खेलको दिन पनि समस्यामा परेका थिए। त्यो दिन उनले आफ्नो भीआईपी पास प्रयोग गर्दै खेल हेर्न आफ्नो साथीहरुसंग पुगेका थिए भने । त्यहाँ पनि आलमलाई हस्पिटालिटि रुमबाट सुरक्षाकर्मीले जबर्जस्ती हटाउनु परेको लेखेको छ।

यस्तै २३ जुनमा आईसीसीको भ्रस्टाचार बिरोधि युनिटको बैठकमा उपस्थित नभएको कारण प्रशिक्षक फिल सिमन्सले आलमलाई २ खेलको लागि निलम्बन गरेका थिए।

सन् २०१० मा अफगानिस्तानको लागि एकदिवसीयमा डेब्यु गरेका आलमले २७ एकदिवसीय अन्तर्राष्ट्रियमा ४१ विकेट लिएका छन्। विश्वकपमा उनले न्युजिल्याण्डसंग ३ विकेट तथा भारतसंग १ विकेट लिएका थिए।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]