दिपेन्द्र ऐरीको अलराउन्ड प्रदर्शनमा पुलिसलाई उपाधि

Nepal police club


  • विकेटनेपाल – १५ बैशाख, शनिवार

दिपक गुप्ता स्मृति टि-२० क्रिकेट प्रतियोगिताको उपाधि नेपाल पुलिस क्लबले हात पारेको छ । शनिवार सम्पन्न फाइनल खेलमा पुलिसले चिरपरिचित प्रतिद्वन्द्वी त्रिभुवन आर्मी क्लबलाई ३४ रनले पराजित गर्यो ।

उपाधिसंगै नेपाल पुलिस क्लबले नगद ३,११,००० रुपैयाँ तथा ट्रफी हात पारेको छ। उपविजेता बनेको त्रिभुवन आर्मी क्लबले भने नगद १,७१,००० रुपैयाँ र ट्रफीमा चित्त बुझाउनु पर्यो। प्रतियोगिताको उत्कृस्ट खेलाडी त्रिभुवन आर्मी क्लबका सागर पुनले नगद ३१,००० रुपैयाँ प्राप्त गरे। यस्तै उत्कृस्ट ब्याट्सम्यान बनेका आरिफ शेख र उत्कृस्ट बलर बनेका साहब आलमले समान नगद २१,००० रुपैयाँ र ट्रफी प्राप्त गरे ।

फाइनल खेलमा रंगभूमि मैदान जनकपुरमा टस हारेर पहिले ब्याटिंगको निम्तो पाएको नेपाल पुलिस क्लबले १८.२ ओभरमा सबै विकेट गुमाउन अघि मात्र ११४ रन जोडेको थियो। ब्याटिंगमा खराब सुरुवात गरेको पुलिस क्लबका लागि कप्तान मन्जित श्रेष्ठले २७ तथा दिपेन्द्र सिंह ऐरी र कुशल भुर्तेलले समान १९-१९ रन जोडेका थिए।

दिपेन्द्र ऐरीले अलराउण्ड योगदान दिए ( फाइल फोटो )

लगातार विकेट गुमाएको पुलिस क्लबले साझेदारी बनाउन नसक्दा ठुलो स्कोर बनाउनबाट चुकेको थियो । मन्जित श्रेष्ठले २८ बलमा ३ छक्का सहित २७ रन जोडे। आर्मीको बलिंगतर्फ सोमपाल कामी, सागर पुन, साहब आलम र बिक्रम सोबले समान २-२ विकेट लिए।

जवाफमा ११५ रनको झिनो लक्ष्य लिएर मैदान उत्रिएको आर्मी क्लबले खराब ब्याटिंग प्रदर्शन गर्दै अल आउट हुनअघि मात्र ८० रन जोड्न सक्यो। आर्मीको ब्याटिंगलाई ध्वस्त गर्ने क्रममा म्यान अफ दि म्याच समेत बनेका पुलिस क्लबका दिपेन्द्र सिंह ऐरीले ३ विकेट चट्काए। यस्तै सुनिल धमला, ललित राजबंशी र रामनरेश गिरिले समेत २-२ विकेट हात पारे।

आर्मीको चेजमा राजेश पुलामीले ३१ बलमा ३१ रन र सागर पुनले २४ बलमा १४ जोडेपनि त्यो जितका लागि पर्याप्त हुन सकेन। पुन र पुलामी बाहेक आर्मी क्लबका अन्य ब्याट्सम्यानले दोहोरो अंकमा रन जोड्न समेत सकेनन्।

स्कोरकार्ड हेर्न क्लिक गर्नुस 





थप समाचार

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]