आमिर अख्तरलाई क्यानको जवाफ



पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट संघ ( क्यान ) लाई ईमेल पठाउदै क्यान सदस्य र राष्ट्रिय टिमका कप्तान बलियो नेपाल अभियानमा आवद्ध भएकोमा अनुसन्धान गर्न माग गरेका थिए। क्यान सदस्य र खेलाडी एकसाथ अघि बढ्नुले ‘कन्फ्लिक्ट अफ इन्ट्रेस्ट’ हुने र आगामी दिनमा भ्रष्टचारको सम्भावना बढ्ने अख्तरको धारणा रहेको थियो।

अख्तरले क्यानका केन्द्रिय सदस्य छुम्बी लामा, राष्ट्रिय क्रिकेट टिमका कप्तान ज्ञानेन्द्र मल्ल लगायत राष्ट्रिय क्रिकेटर एकै क्षेत्रमा उपस्थित भएर व्यापारको एकै प्लेटफर्ममा आबद्ध हुन नहुने बताउदै क्यान अध्यक्ष चतुर बहादुर चन्द सहित सचिव अशोकनाथ प्याकुरेल, कोषाध्यक्ष रोशन बहादुर सिंह, प्रबन्ध निर्देशक रौनक मल्ल तथा क्रिकेट निर्देशक विनोद दासलाई पत्र इमेल गरेका थिए। अख्तरले ४८ घण्टा भित्र क्यानले उक्त ईमेलको जवाफ नदिए अन्तर्राष्ट्रिय क्रिकेट परिषद ( आइसीसी ) र अख्तियार दुरुपयोग अनुसन्धान आयोगलाई पनि ईमेल फरवार्ड गर्ने बताएका थिए।

अख्तरले ईमेलमा लेखेका थिए – “छुम्बी लामा क्यानका बोर्ड सदस्य र राष्ट्रिय कप्तान सहित वर्तमान क्रिकेटरहरु व्यापारको एकै मंचमा छन्, खेलाडी र बोर्ड सदस्य संगै व्यापारमा प्रत्यक्ष संलग्नतालाई क्यानले अनुमति दिन्छ ? म नेपाली क्रिकेटलाई सफा राख्न चुनाव जितेका अध्यक्ष र सचिवसंग कुराकानी गरिरहेको छु। क्रिकेटमा यो किसिमको नैतिक अभ्यास हुनुलाई प्रश्न उठाउनु उचित हुन्छ अन्यथा यसले भ्रस्टाचारलाई हौसला दिन्छ। पूर्व क्रिकेटर र सरोकारवाला हुनुको नाताले कुनै पनि दुरुपयोगको जानकारी क्यानलाई गराउनु हो। कागजी कार्य मिलेको खण्डमा म गलत पनि हुन सक्छु तर अनुसन्धान गर्न लायक छ।”

अख्तरको ईमेल र क्यान सदस्य लामा सहित कप्तान मल्ल र खड्काको बिज्ञप्ति पछि नेपाल क्रिकेट संघले आमिर अख्तरको ईमेलको जवाफ पठाएको छ। उक्त ईमेल विकेटनेपालले पनि प्राप्त गरेको छ। क्यानले यो विषयमा ध्यानाकर्षण गरेकोमा आमिरलाई धन्यवाद दिंदै क्रिकेटलाई स्वच्छ राख्ने जसको बिपरित क्रियाकलापलाई मान्यता नदिने बताएको छ।

“यो विषयमा क्यानको ध्यानाकर्षण गरेकोमा धन्यवाद। क्यान क्रिकेट स्वच्छ राख्न र क्रिकेटको हित बिपरित हुने कार्य रोक्न प्रतिबद्ध छ।” अख्तरलाई लेखिएको ईमेलमा उल्लेख छ।

यस्तै ईमेलमा प्रबन्ध निर्देशक रौनक मल्ल तथा क्रिकेट निर्देशक विनोद दासलाई सम्बोधन गर्दै क्यानले भर्खरै पारित गरेको आचारसंहितालाई अध्यानन गरेर त्यसबारे सरोकारवालालाई सुचित गर्न निर्देशन दिएको छ – “क्यानद्वारा भर्खरै पारित आचारसंहिता मध्येनजर राखेर हामीले स्वभावत आचारसंहिता भंग भएको क्षेत्र खोजौ र अध्ययन गरौँ। हामीले बारम्बार छलफल गरे जस्तै क्यानले सबै सरोकारवालाहरुलाई आचारसंहिता बारे सुचित गर्नु जरुरि छ। यो कार्य सक्दो चाडो सुरु गरौँ जसले गर्दा अनैतिक गतिविधिहरु निरुत्साहित हुनेछ।”

क्यानको ईमेल

अख्तरले क्यानलाई पत्र पठाएपछि क्यान सदस्य छुम्बी लामा, कप्तान ज्ञानेन्द्र मल्ल र राष्ट्रिय क्रिकेटर तथा पूर्वकप्तान पारस खड्काले अख्तरले क्यानलाई पठाएको पत्र बारे ध्यानाकर्षण भएको बताउदै बिहिबार संयुक्त बिज्ञप्ति जारि गरेको थियो-





थप समाचार

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]