एलेस्टर कुकद्वारा सन्यासको घोषणा



  • विकेटनेपाल,भदौ १८ 

इंग्ल्याण्ड क्रिकेट टिमका पूर्व कप्तान एलेस्टर कुकले भारतबिरुद्ध जारि टेस्ट शृंखला अन्तर्गत अन्तिम ओभल टेस्ट पछि अन्तर्रास्ट्रिय क्रिकेटबाट सन्यास लिने घोषणा गरेका छन्।

इंग्ल्याण्डको लागि टेस्ट क्रिकेटमा कुल १२, २५४ रन तथा देशकै सबैभन्दा बढी १६१ टेस्ट खेलेका कुक पछिल्लो समय निकै खराब लयबाट गुज्रिरहेका छन्। कुकले जारि सिरिजमा एउटा पनि अर्धशतक प्रहार गरेका छैनन् भने ४ वटा टेस्टमा मात्र १०९ रन बनाउन सकेका छन्।

अन्तर्रास्ट्रिय क्रिकेट नखेल्ने घोषणा गरे पनि कुक घरेलु क्रिकेटमा एसेक्सको लागि भने खेल्नेछन्।

“पछिल्लो केहि महिना देखिको निरन्तर सोच र विश्लेषण पछि मैले भारतसंगको सिरिज पछि सन्यास लिने घोषणा गरेको छु” कुलले सोमबार जारि गरेको वक्तब्यमा भनेका छन् –

“यो दुखद दिन हो, यद्धपि म मुहारमा हाँसो सहित भन्न सक्छु कि मैले मसंग भएको सम्पूर्ण क्षमताको प्रदर्शन गरेको छु। मैले सोचेको भन्दा धेरै प्राप्त गरेको छु र म धन्य छु कि इन्ग्यांड क्रिकेट टिममा यति लामो समय धेरै महान क्रिकेटहरुसंगै खेल्ने मौका पाएको छु। म मेरो टिमको साथीहरुसंग पुनः ड्रेसिंग रुम शेयर गर्ने छैन् भन्ने सोच्नु मेरो घोषणामा सबैभन्दा गाह्रो पक्ष थियो”

३३ बर्ष उमेरका कुकले सन् २००६ मा भारत बिरुद्धको नागपुर टेस्टबाट करियरको सुरुवात गरेका थिए जुन टिमसंगनै करियरको अन्तिम खेल समेत खेल्नेछन्।

टेस्ट क्रिकेटमा कुकले १६० खेलको २८९ इनिंगमा १२,२५४ रन बनाएका छन् जसमा ३२ टेस्ट र ५६ अर्धशतक सामेल छ। यस्तै ९२ एकदिवसीयमा उनले ४,१५४ रन बनाउने क्रममा ५ शतक र १९ अर्धशतक प्रहार गरेका छन्। मात्र ४ टि-२० अन्तर्रास्ट्रियमा उनले ४ खेलमा ६१ रन बनाएका छन्।

टेस्ट क्रिकेटमा धेरै रन बनाउने सुचीमा कुक छैठौँ स्थानमा छन् जुन सुचीको शिर्ष स्थानमा सचिन तेन्दुलकर ( १५, ९२१ ), रिकी पोंटीङ्ग ( १३,३७८ ), ज्याक कालिस ( १३,२८९ ), राहुल द्रविड ( १३,२८८ ), कुमार संगाकारा ( १२,४०० ) कुक भन्दा अघि छन्। कुल ३२ टेस्ट शतक बनाएका कुक टेस्टमा धेरै शतक बनाउने सुचीको ११ औँ स्थानमा छन्।

कुकले ५९ टेस्टमा इंग्ल्याण्डको लागि कप्तानी समेत गरेका छन् जसमध्ये २४ टेस्टमा इंग्ल्याण्डले जित हाँसिल गरेको थियो। भारत र इन्ग्यांड बीच अन्तिम टेस्ट सेप्टेम्बर ७ देखि सुरु हुनेछ जसपछि इंग्ल्याण्डले देशका महान क्रिकेटरलाई बिदाई गर्नेछ।

 





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]